M’Cheyne Bible Reading Plan

“हा निरोप बौराचा मुलगा बलाम याच्याकडून आहे.
    मला ज्या गोष्टी स्पष्ट दिसतात त्याविषयी मी बोलतो.
⁴ मी हा निरोप देवाकडून ऐकला.
    सर्वशक्तिमान देवाने मला जे दाखविले ते मी पाहिले.
    मला जे दिसले त्याबद्दल मी नतमस्तक होऊन सांगत आहे.

⁵ “याकोबाच्या माणसांने तुमचे तंबू सुंदर आहेत.
    इस्राएल लोकांनो तुमचीघरे सुंदर आहेत.
⁶ तुम्ही झऱ्याच्या काठी लावलेल्या बागेसारखे आहात.
    नदीकाठी वाढणाऱ्या बागे प्रमाणे तुम्ही आहात.
तुम्ही परमेश्वराने लावलेल्या, गोड सुगंध असणाऱ्या झुडपाप्रमाणे आहात.
    पाण्याजवळ वाढणाऱ्या सुंदर झाडाप्रमाणे तुम्ही आहात.
⁷ तुमच्याकडे नेहमी भरपूर पाणी असेल.
    तुमचे बी वाढण्यासाठी लागणारे पाणी तुमच्याकडे भरपूर असेल.
तुमचा राजा अगागच्या राजापेक्षा थोर असेल.
    तुमचे राज्य खूप महान असेल.

⁸ “देवाने त्या लोकांना मिसरमधून आणले.
    ते रानटी बैलासारखे शक्तिशाली आहेत.
ते त्यांच्या सर्व शत्रूंचा पराभव करतील.
    ते त्यांची हाडे मोडतील आणि त्यांचे बाण तोडतील.
⁹ इस्राएल सिंहासारखा आहे.
    तो वेटोळे करून झोपला आहे.
होय! तो लहान सिंहाप्रमाणे आहे
    आणि त्याला उठवायची कोणीही इच्छा धरत नाही.
जो माणूस तुला आशीर्वाद देईल त्याला आशीर्वाद मिळेल.
    जो माणूस तुझ्या विरुद्ध बोलेल त्याच्यावर संकटे येतील.”

“हा निरोप बौरचा मुलगा बलाम याचा आहे.
    मला ज्या गोष्टी स्पष्ट दिसतात त्याबद्दल मी बोलतो.
¹⁶ मी हा निरोप देवाकडून ऐकला.
    परात्पर देवाने मला जे शिकविले ते मी शिकलो.
सर्वशक्तिमान देवाने मला जे दाखविले ते मी पाहिले.
    मला जे स्पष्ट दिसते ते मी नतमस्तक होऊन सांगतो.

¹⁷ “मला परमेश्वर येताना दिसतो, पण एवढ्यात नाही.
    तो मला एवढ्या लवकर येताना दिसत नाही.
याकोबच्या घराण्यातून एक तारा उदय पावेल
    इस्राएल मधून एक राजा निघेल.
तो राजा मवाबच्या लोकांना चिरडून टाकील.
    सेथच्या सर्व मुलांचा तो चुराडा करील.
¹⁸ इस्राएल सर्वशक्तिमान बनेल.
    त्याला अदोमचा प्रदेश मिळेल.
    त्याला सेईरचा, त्याच्या शत्रूचा प्रदेश मिळेल.

¹⁹ “याकोबाच्या घराण्यातून नवा राजा येईल.
त्या शहरात जे लोक जिवंत राहिले असतील त्यांचा तो नाश करील.”

“सर्व अमालेकी बलिष्ठ आहेत.
    पण अमालेकचा सुद्धा नाश होईल.”

“उंच पर्वतावर असलेल्या पक्षाच्या घरट्याप्रमाणे ^[a]
    तुमचा प्रदेश सुरक्षित आहे असे तुम्हाला वाटते.
²² पण केनी लोकांचासुद्धा नाश होईल.
    परमेश्वराने काईनाचा जसा नाश केला त्याप्रमाणे.
    अश्शूर तुला बंदिवान करील.”

“देव जेव्हा असे करतो तेव्हा कोणीही जिवंत रहात नाही.
²⁴     कित्तीच्या किनाऱ्यावरुन बोटी येतील.
त्या अश्शूर आणि एबेर याचा नाश करतील.
    पण त्या बोटींचासुद्धा नाश होईल.”

⁵ देवाने केलेल्या गोष्टी बघा त्या गोष्टी
    आम्हाला आश्चर्यचकित करतात.
⁶ देवाने समुद्राचे कोरडे वाळवंट बनवले
    त्याची आनंदी माणसे चालत नदीच्या पलिकडे गेली.
⁷ देव त्याच्या महान शक्तिमुळे जगावर राज्य करतो
    देव सगळीकडच्या लोकांवर लक्ष ठेवतो,
    त्याच्याविरुध्द कुणीही बंड करु शकत नाही.

⁸ लोकहो! आमच्या देवाची स्तुती करा.
    त्याची स्तुती करणारी गीते मोठ्याने गा.
⁹ देवाने आम्हाला जीवन दिले.
    देव आम्हाला संरक्षण देतो.
¹⁰ लोक चांदीची अग्नी परीक्षा करतात तशी देवाने आमची परीक्षा पाहिली.
¹¹ देवा, तू आम्हाला सापळ्यात अडकू दिलेस.
    तू आमच्यावर जड ओझी लादलीस.
¹² तू आमच्या शत्रूंना आमच्यावरुन चालू दिलेस.
    तू आम्हाला पाण्यातून आणि आगीतून फरफटत नेलेस.
    परंतु तू आम्हाला सुरक्षित ठिकाणी आणलेस.
^13-14 म्हणून मी तुझ्या मंदिरात तुला होमबली अर्पण करण्यासाठी बळी घेऊन येईन.
मी संकटात होतो तेव्हा तुझ्याकडे मदत मागितली.
    मी तुला अनेक वचने दिली,
आता मी वचन दिल्याप्रमाणे तुला त्या गोष्टी देत आहे.
¹⁵     मी तुला पापार्पण करीत आहे.
मी तुला धुपासहित मेंढ्या अर्पण करीत आहे.
    मी तुला बैल आणि बोकड अर्पण करीत आहे.

¹⁶ देवाची उपासना करणाऱ्या सर्वांनो, इकडे या.
    देवाने माझ्यासाठी काय केले ते मी तुम्हाला सांगतो.
^17-18 मी त्याची प्रार्थना केली,
    मी त्याची स्तुती केली.
माझे मन शुध्द होते म्हणून
    माझ्या प्रभुने माझे ऐकले.
¹⁹ देवाने माझे ऐकले.
    त्याने माझी प्रार्थना ऐकली.
²⁰ देवाची स्तुती करा देव माझ्यापासून दूर गेला नाही.
    त्याने माझी प्रार्थना ऐकली.
    देवाने मला त्याचे प्रेम दाखवले.

² देवा, पृथ्वीवरील प्रत्येक माणूस तुझ्या मार्गाविषयी समजून घेईल अशी मी आशा करतो.
    तू लोकांना कसा तारतोस ते प्रत्येक देशाला बघू दे.
³ देवा, लोक तुझी स्तुती करु देत,
    सर्व लोक तुझी स्तुती करु देत.
⁴ सगळ्या राष्ट्रांना हर्ष होऊ दे आणि ते सुखी होऊ दे.
    का? कारण तू लोकांचा योग्य रीतीने न्याय करतोस
    आणि तू प्रत्येक देशावर राज्य करतोस.
⁵ देवा, लोक तुझी स्तुती करोत,
    सर्व लोक तुझी स्तुती करोत.
⁶ देवा, आमच्या देवा, आम्हाला आशीर्वाद दे.
    आमची जमीन आम्हाला खूप पीक देवो.
⁷ देव आम्हाला आशीर्वाद देवो
    आणि पृथ्वीवरील सर्व लोक देवाला घाबरोत आणि त्याला मान देवोत.

असताना नीचपणे वागत होता,
    पण आता त्याची सत्ता नष्ट झाली.
⁵ परमेश्वर दुष्ट राजांचा राजदंड मोडतो.
    परमेश्वर त्यांची सत्ता काढून घेतो.
⁶ रागाच्या भरात बाबेलोनच्या राजाने लोकांना फटकावले.
    तो नेहमीच लोकांना फटकावत असे.
त्या दुष्ट राजाने क्रोधाने लोकांवर सत्ता गाजवली.
    तो नेहमीच लोकांना दुखवत असे.
⁷ पण आता संपूर्ण देशाला स्वास्थ्य मिळाले आहे.
    देश शांत आहे.
    लोक उत्सव, समारंभ करू लागले आहेत.
⁸ तू दुष्ट राजा होतास.
    पण आता तू संपला आहेस.
लबानोनमधील गंधसरू
    व सरूवृक्षसुध्दा आनंदित झाले आहेत.
वृक्ष म्हणतात, “राजाने आम्हाला कापून टाकले होते.
    पण आता राजाच पडला आहे.
    तो आता कधीच उठणार नाही.”
⁹ राजा, तू येणार म्हणून अधोलोकात
    खळबळ उडाली आहे.
पृथ्वीवरच्या नेत्यांच्या आत्म्यांना,
    तू येणार म्हणून जागे करीत आहे,
सिंहासनावरून त्यांना उठवीत आहे,
    ते तुझ्या आगमनाची तयारी करतील.
¹⁰ ते सर्व तुझी चेष्टा करतील.
    ते म्हणतील, “आता तू अगदी आमच्याप्रमाणे
    निर्जीवकलेवर झाला आहेस.”
¹¹ तुझा गर्व अधोलोकात पाठविला आहे.
    तुझ्या सारंगीचा नाद तुझ्या गर्विष्ठ आत्म्याचे आगमनच घोषित करीत आहे.
अळ्या तुझे शरीर खाऊन टाकतील.
    तू अळ्यांच्या अंथरूणावर झोपशील व कीटकांचे पांघरूण घेशील.
¹² तू प्रभात ताऱ्याप्रमाणे होतास,
    पण आता तू आकाशातून खाली पडला आहेस.
पूर्वी सर्व राष्ट्रे तुझ्यापुढे नेहमीच वाकत होती,
    पण आता तू संपला आहेस.
¹³ तू नेहमीच स्वतःला सांगायचास,
    “मी परात्पर देवासारखा होईन.
मी आकाशात उंच जाईन.
देवाच्या तांरागणाच्यावर उच्चस्थानी मी माझे सिंहासन स्थापन करीन.
    मी पवित्र साफोन डोंगरावरच्या देवसभेत बसून देवांना भेटीन.
¹⁴ मी मेघांवर आरोहण करून वेदीवर जाईन.
    मी परात्पर देवासारखा होईन.”

¹⁵ पण तसे घडले नाही.
    तू देवाबरोबर आकाशात गेला नाहीस.
    तुला अधोलोकात, पाताळात आणले गेले.
¹⁶ लोक तुझ्याकडे निरखून पाहतील व तुझ्याबद्दल विचार करतील.
    तू एक कलेवर आहेस हे ते पाहतील आणि म्हणतील,
“पृथ्वीवर सगळीकडे ज्याने
    प्रचंड भय निर्माण केले होते तो हाच का?
¹⁷ ज्याने शहरांचा विध्वंस करून
    सर्व जमिनीचे वाळवंट केले तो हाच मनुष्य का?
ज्यांने युध्दात लोकांना कैदी केले
    व त्यांना घरी जाऊ दिले नाही तो हाच का?”
¹⁸ पृथ्वीवरील प्रत्येक राजा वैभवात मरण पावला,
    प्रत्येकजण आपापल्या थडग्यात विसावा घेत आहे.
¹⁹ पण, हे दुष्ट राजा,
    तुला तुझ्या थडग्याच्या बाहेर टाकले आहे.
तू झाडाच्या तोडलेल्या फांदीप्रमाणे आहेस.
    लढाईत मारल्या गेलेल्या सैनिकाला बाकीचे सैनिक तुडवून जातात तशी तुझी स्थिती आहे.
आता तुझ्यात व इतर कलेवरात काहीही फरक नाही
    तुला कफनात गुंडाळले आहे.
²⁰ इतर खूप राजे मृत्यू पावले, व आपापल्या थडग्यात विसावले
    पण तुला त्यांच्यात जाता येणार नाही.
का? कारण तू स्वतःच्याच देशाचा विध्वंस केलास.
    स्वतःच्याच प्रजेला ठार मारलेस.
तुझी मुले तुझ्यासारखा नाश करीत राहू शकणार नाहीत.
    त्यांना परावृत्त केले जाईल.

²¹ त्याच्या मुलांना ठार मारण्याची तयारी करा,
    कारण त्यांचे वडील गुन्हेगार आहेत.
त्यांची मुले नातेवाईक, नातवंडे कधीही ह्या देशावर राज्य करणार नाहीत.
    ते, पुन्हा कधीही ह्या जगात, त्यांची शहरे वसविणार नाहीत.

³¹ नगरच्या वेशीजवळील प्रजाजनांनो, रडा.
    नगरवासीयांनो, आक्रोश करा.
पलेशेथ मधील सर्व लोक भयभीत होतील.
    त्यांचे धैर्य गरम मेणाप्रमाणे वितळून जाईल.

उत्तरेकडे पाहा!
    धुळीचा लोट उठला आहे.
अश्शूरचे सैन्य येत आहे.
    त्या सैन्यातील सर्व माणसे बलवान आहेत. ^[a]
32 ते सैन्य त्यांच्या देशात निरोप पाठवील.
    ते जासूद त्यांच्या लोकांना काय सांगतील?
ते सांगतील की पलेशेथचा पराभव झाला आहे.
    पण परमेश्वराने सीयोनला बलवान बनवले
    व सर्व गरीब तिकडे आश्रयासाठी गेले.

“पहा सियोनात मी कोनशिला बसवितो,
    जो मौल्यवान व निवडलेला आहे
आणि जो कोणी त्यावर विश्वास ठेवतो तो कधीही लज्जित होणार नाही.” ^(A)

“बांधणाऱ्यांनी नापंसत केलेला धोंडा
    तोच कोनशिला झाला आहे.” ^(B)

“एक धोंडा जो लोकांना अडखळवितो
    आणि एक खडक जो लोकांना पाडतो.” ^(C)

¹⁰ एकवेळ तुम्ही लोक नव्हता
    पण आता तुम्ही देवाचे लोक आहात.
एके काळी तुम्हाला करुणा दाखविण्यात आली नव्हती
    पण आता तुम्हाला देवाची करुणा दाखविण्यात आली.

²² “त्याने कोणतेही पाप केले नाही,
    त्याच्या मुखात कपट नव्हते.” ^(D)