Chronological

“భర్తగల స్త్రీకంటె ఒంటరి స్త్రీ^[a]
    ఎక్కువ మంది పిల్లలను కంటుంది.”
అని యెహోవా చెబుతున్నాడు.
² నీ గుడారం విశాలం చేయి.
    నీ ద్వారాలు పూర్తిగా తెరువు.
    నీ కుటుంబాన్ని వృద్ధి చేయటం ఆపుజేయకు.
నీ గుడారాన్ని విశాలం చేయి, బలంగా చేయి.
³     ఎందుకంటే నీవు చాలా పెరిగిపోవటం మొదలు పెడతావు.
నీ పిల్లలు అనేక రాజ్యాల నుండి ప్రజలను తీసుకొనివస్తారు.
    నాశనం చేయబడిన పట్టణాల్లో ఆ పిల్లలు తిరిగి నివసిస్తారు.
⁴ భయపడవద్దు!
    నీవు నిరాశ చెందవు.
నీ మీద ప్రజలు చెడ్డ మాటలు చెప్పరు.
    నీవేమీ ఇబ్బంది పడవు.
నీవు చిన్నదానివిగా ఉన్నప్పుడు నీవు సిగ్గుపడ్డావు.
    కానీ ఆ సిగ్గు నీవు ఇప్పుడు మరచిపోతావు.
నీ భర్త పోయినప్పుడు నీకు కలిగిన అవమానాన్ని
    నీవు జ్ఞాపకం చేసుకోవు.
⁵ ఎందుకంటే నిన్ను చేసిన వాడు నీ భర్త (దేవుడు)
    గనుక ఆయన పేరు సర్వశక్తిమంతుడైన యెహోవా.
ఇశ్రాయేలును రక్షించేవాడు ఆయనే. ఆయన ఇశ్రాయేలు పరిశుద్ధుడు.
    ఆయన సర్వభూమికి దేవుడు అని పిలువ బడతాడు.

⁶ నీవు భర్త విడిచిన భార్యవలె ఉన్నావు.
    ఆత్మలో నీవు చాలా దుఃఖించావు.
కానీ యెహోవా నిన్ను తనదిగా ఉండేందుకు పిలిచాడు.
    యవ్వనంలో వివాహమై, భర్తచే విడిచి పెట్టబడిన స్త్రీలా నీవు ఉన్నావు.
కానీ దేవుడు నిన్ను తనదానిగా ఉండుటకు పిలిచాడు.
⁷ దేవుడు చెబుతున్నాడు,
“నేను నిన్ను విడిచిపెట్టాను. కానీ కొంతకాలం మట్టుకే.
    నేను నిన్ను మళ్లీ నా దగ్గరకు చేర్చుకొంటాను. నేను నీకు గొప్ప దయ చూపిస్తాను.
⁸ నేను చాలా కోపగించి కొద్ది కాలం పాటు నీ నుండి దాక్కున్నాను.
    కానీ శాశ్వతంగా నిన్ను నేను దయతో ఆదరిస్తాను.”
నీ రక్షకుడైన యెహోవా ఇది చెప్పాడు.
⁹ దేవుడు చెబుతున్నాడు:
“నోవహు కాలంలో ప్రళయంతో నేను ప్రపంచాన్ని శిక్షించినట్టుగా ఉంది ఇది.
    ప్రపంచాన్ని మళ్లీ ఎన్నడూ ప్రళయంతో ముంచివేయనని నొవహుకు నేను వాగ్దానం చేశాను.
అదే విధంగా, నేను మరల ఎన్నడు నీ మీద కోపగించి, నిన్నుగూర్చి చెడుగా మాట్లాడనని ప్రమాణం చేస్తున్నాను.”

¹⁰ యెహోవా చెబుతున్నాడు: “పర్వతాలు కనిపించకుండా పోవచ్చు,
    కొండలు ధూళి కావచ్చును.
కానీ నా దయ నిన్ను ఎన్నటికీ విడువదు.
నేను నీతో సమాధానపడతాను,
    అది ఎన్నటికీ అంతం కాదు.”
యెహోవా నీ యెడల కరుణ చూపిస్తాడు. మరియు ఈ సంగతులు చెప్పిన వాడు ఆయనే.

¹¹ “అయ్యో, దీన పట్టణమా!
    తుఫానులు నిన్ను బాధించాయి,
    మరియు నీవు ఓదార్చబడలేదు.
నేను నిన్ను మరల నిర్మిస్తాను.
    ప్రశస్తమైన రాళ్లను ఉపయోగించి నేను నీ పునాదులు వేస్తాను.
నీలాంజనాలు, నీలాలు నేను ఉపయోగిస్తాను.
¹² మాణిక్య మణులతో నేను నీ గోడలు కడతాను.
    సూర్యకాంతాలతో నేను నీ ద్వారాలు కడతాను.
    ప్రశస్త రత్నాలతో నేను నీ గోడలన్నింటినీ కడతాను.
¹³ నీ పిల్లలు దేవుని వెంబడిస్తారు, ఆయన వారికి ఉపదేశం చేస్తాడు.
    నీ పిల్లలకు ఎంతో శాంతి ఉంటుంది.
¹⁴ న్యాయం ప్రయోగించి నేను నిర్మిస్తాను.
    కనుక నీవు అన్యాయానికి, కృ-రత్వానికి దూరంగా ఉండాలి.
అప్పుడు నీవు భయపడాల్సింది.
    ఏమీ ఉండదు. ఏదీ నిన్ను బాధించుటకు రాదు.
¹⁵ నా సైన్యాలు ఏవీ నీకు వ్యతిరేకంగా పోరాడవు.
    మరియు ఏ సైన్యమైనా నీ మీద దాడి చేసేందుకు ప్రయత్నిస్తే నీవు ఆ సైన్యాన్ని ఓడిస్తావు.

⁵ నీవు యెరుగని స్థలాల్లో రాజ్యాలు ఉన్నాయి,
    కానీ ఆ రాజ్యాలను నీవు పిలుస్తావు.
ఆ రాజ్యాలకు నీవు తెలియదు.
    కానీ అవి నీ దగ్గరకు పరుగెడతాయి.
నీ దేవుడు యెహోవా ఇలా కోరుతున్నాడు కనుక ఇది జరుగుతుంది.
    ఇశ్రాయేలీయుల పరిశుద్ధుడు నిన్ను గౌరవిస్తున్నాడు. కనుక ఇది జరుగుతుంది.
⁶ కనుక సమయం మించిపోక ముందే
    నీవు యెహోవా కోసం వెదకాలి.
ఆయన సమీపంగా ఉన్నప్పుడు,
    ఇప్పుడే నీవు ఆయనను వేడుకోవాలి.
⁷ దుర్మార్గులు వారి దుర్మార్గ జీవితాలు విడిచిపెట్టాలి.
    వారు తమ దురాలోచనలు నిలిపివేయాలి.
వారు తిరిగి యెహోవా దగ్గరకు రావాలి.
    అప్పుడు యెహోవా వారిని ఆదరిస్తాడు.
మన దేవుడు క్షమిస్తాడు గనుక
    ఆ మనుష్యులు యెహోవా దగ్గరకు రావాలి.

¹⁰ “వర్షం, మంచు ఆకాశం నుండి కురుస్తాయి.
    అవి నేలను తాకి, నేలను తడిచేయకుండా తిరిగి ఆకాశానికి వెళ్లవు.
అప్పుడు నేల మొక్కలను మొలిపించి, ఎదిగింప చేస్తుంది.
    ఈ మొక్కలు రైతుకోసం విత్తనాలు సిద్ధం చేస్తాయి. ప్రజలు ఆహారంగా రొట్టెలకోసం ఈ విత్తనాలు వినియోగిస్తారు.
¹¹ అదే విధంగా నా నోటినుండి నా మాటలు బయలు వెళ్తాయి.
    అవి సంగతులను సంభవింప చేసేంతవరకు తిరిగి రావు.
నేను ఏ సంగతులు సంభవించాలని అనుకొంటానో వాటిని నా మాటలు సంభవింపచేస్తాయి.
    ఏమి చేయాలని నేను నా మాటలను పంపిస్తానో వాటిని నా మాటలు సాధిస్తాయి.

¹² “నా మాటలు సంతోషంగా బయలు వెళ్తాయి.
    అవి శాంతి కలిగిస్తాయి.
పర్వతాలు, కొండలు సంతోషంగా నాట్యంచేయటం మొదలు పెడతాయి
    పొలాల్లోని చెట్లన్నీ చప్పట్లుకొడ్తాయి.
¹³ పొదలు ఉన్నచోట పెద్ద దేవదారు వృక్షాలు పెరుగుతాయి.
    కలుపు మొక్కలు ఉన్నచోట గొంజి వృక్షాలు పెరుగుతాయి.
ఈ సంగతులు యెహోవాను ప్రసిద్ధుని చేస్తాయి.
    యెహోవా శక్తిమంతుడు అనేందుకు ఈ సంగతులు రుజువు. ఈ రుజువు ఎన్నటికి నాశనం చేయబడదు.”

మంచి వాళ్లంతా భద్రతకోసం
    సమావేశం చేయబడ్డారని వారికి తెలియదు.
² అయితే శాంతి కలుగుతుంది. మరియు ప్రజలు వారి స్వంత పడకలమీద విశ్రాంతి తీసుకొంటారు.
    వారు ఎలా జీవించాలని దేవుడు కోరుతాడో వారు అలా జీవిస్తారు.

³ “దయ్యాల పిల్లల్లారా, ఇక్కడకు రండి.
    మీ తండ్రి (సాతాను) లైంగిక పాపాల మూలంగా దోషి.
    మరియు మీ తల్లి (ఇశ్రాయేలు) లైంగిక పరంగా తన శరీరాన్ని అమ్ముకొంటుంది. ఇక్కడకు రండి!
⁴ మీరు అబద్ధాలు చెప్పేవాళ్లు, చెడ్డవాళ్లు.
    మీరు నన్ను ఎగతాళి చేస్తారు.
మీరు నన్ను వెక్కిరిస్తారు.
    మీరు నా మీద నాలుకలు చాపుతారు.
⁵ మీరు చేయగోరేదంతా ఏమిటంటే ప్రతి పచ్చని చెట్టు క్రింది
    తప్పుడు దేవుళ్లనూ పూజించటమే.
మీరు ప్రతికాలువ ప్రక్క పిల్లల్నీ చంపుతారు,
    బండల స్థలాల్లో వారిని బలి ఇస్తారు.
⁶ నదులలో నున్నటి రాళ్లను పూజించటం మీకు ఇష్టం.
    వాటిని పూజించుటకు మీరు వాటిమీద ద్రాక్షమద్యం పోస్తారు.
మీరు వాటికి బలులు ఇస్తారు. కానీ మీకు దొరికేది అంతా ఆ రాళ్లే.
    ఇది నాకు సంతోషం కలిగిస్తుందని మీరు తలుస్తున్నారా?
    లేదు! అది నాకు సంతోషం కలిగించదు.
⁷ మీరు ప్రతి కొండ మీద,
    ప్రతి పర్వతంమీద మీ పడక వేసుకొంటారు.
మీరు ఆ స్థలాలకు వెళ్లి
    బలులు అర్పిస్తారు.
⁸ తర్వాత మీరు ఆ పడకల మీదికి వెళ్లి,
    ఆ దేవుళ్లను ప్రేమించటం ద్వారా నాకు వ్యతిరేకంగా పాపం చేస్తారు.
మీరు ఆ దేవతలను ప్రేమిస్తారు.
    వాటి దిగంబర దేహాలను చూడటం మీకు ఇష్టం.
మీరు నాతో ఉన్నారు
    కాని వాటితో ఉండేందుకు మీరు నన్ను విడిచి పెట్టారు.
నన్ను జ్ఞాపకం చేసుకొనేందుకు
    సహాయపడే వాటిని మీరు దాచిపెట్టేస్తారు.
గుమ్మాల వెనుక, ద్వారబంధాల వెనుక వాటిని మీరు దాచిపెట్టేస్తారు.
    మరియు మీరు వెళ్లి ఆ తప్పుడు దేవుళ్ళతో ఒడంబడికలు చేసుకుంటారు.
⁹ మొలెక్^[e] దేవతకు అందంగా కనబడాలని
    మీరు తైలాలు, పరిమళాలు ఉపయోగిస్తారు.
మీరు మీ సందేశకులను దూరదేశాలకు పంపించారు.
    ఇది మిమ్మల్ని పాతాళానికి, మరణ స్థానానికి తీసుకొని వస్తుంది.
¹⁰ ఈ పనులు చేయటానికి మీరు కష్టపడి పని చేశారు
    కానీ మీరు ఎన్నడూ అలసిపోలేదు.
మీరు క్రొత్త బలం కనుగొన్నారు.
    ఎందుకంటే, వీటిలో మీరు ఆనందించారు.
¹¹ మీరు నన్ను జ్ఞాపకం చేసికోలేదు
    మీరు నన్ను కనీసం గుర్తించలేదు.
కనుక మీరు ఎవరిని గూర్చి చింతిస్తున్నారు?
    మీరు ఎవరిని గూర్చి భయపడుతున్నారు?
    మీరెందుకు అబద్ధం పలికారు?
చూడండి, చాలాకాలంగా నేను మౌనంగా ఉన్నాను.
    మరి మీరు నన్ను గౌరవించలేదు.
¹² మీ ‘మంచితనం’ గూర్చి, మీరు చేసే ‘మతపరమైన’ పనులు అన్నింటిని గూర్చి నేను చెప్పగలను.
    కానీ అవన్నీ పనికిమాలినవి.
¹³ మీకు సహాయం అవసరమైనప్పుడు
    మీరు మీ చుట్టూరా ప్రోగుచేసుకొన్న ఆ తప్పుడు దేవుళ్ళకు మొరపెట్టండి.
అయితే, వాటినన్నింటినీ గాలి కొట్టిపారేస్తుందని నేను మీకు చెబుతున్నాను.
    ఒక్క గాలి విసురు వాటినన్నింటినీ మీ వద్దనుండి తొలగించివేస్తుంది.
అయితే నా మీద ఆధారపడే వ్యక్తి
    భూమిని సంపాదించుకొంటాడు.
    ఆ వ్యక్తికి నా పరిశుద్ధ పర్వతం దొరుకుతుంది.”

¹⁵ మహోన్నతుడైన దేవుడు, పైకి ఎత్తబడినవాడు
    శాశ్వతంగా జీవించేవాడు,
పవిత్రుడైన దేవుడు అనే నామం గలవాడు చెబుతున్నాడు:
“నేను ఉన్నతమైన పవిత్ర స్థానంలో నివసిస్తాను.
    అయితే దుఃఖంలో ఉన్న దీన జనులతో కూడా ఉంటాను.
ఆత్మలో దీనంగా ఉండేవారికి నేను నూతన జీవం ప్రసాదిస్తాను.
    హృదయమందు విచారంగా ఉన్నవారికి నేను నూతన జీవితం ప్రసాదిస్తాను.
¹⁶ నేను శాశ్వతంగా పోరాటం కొనసాగించను.
    నేను ఎప్పటికీ కోపంగానే ఉండను.
నేను కోపంగా కొనసాగితే మనిషి ఆత్మ,
    వారికి నేను ఇచ్చిన జీవం నా ఎదుటనే మరణిస్తుంది.
¹⁷ ఈ ప్రజలు చెడు కార్యాలు చేశారు. అది నాకు కోపం కలిగించింది.
    కనుక నేను ఇశ్రాయేలును శిక్షించాను.
నేను కోపంగా ఉన్నాను గనుక
    అతని నుండి నేను తిరిగిపోయాను.
మరియు ఇశ్రాయేలు నన్ను విడిచిపెట్టాడు.
    ఇశ్రాయేలు తనకు ఇష్టం వచ్చిన చోటికి వెళ్లాడు.
¹⁸ ఇశ్రాయేలు ఎక్కడికి వెళ్లింది నాకు తెలుసు. కనుక నేను అతణ్ణి స్వస్థపరుస్తాను (క్షమిస్తాను).
    నేను అతణ్ణి ఆదరించి, అతడు బాగానే ఉంది అనుకొనేట్టు చేసే మాటలు నేను చెబుతాను. అప్పుడు అతడు, అతని ప్రజలు విచారంగా ఉండరు.
¹⁹ ఆ ప్రజలకోసం ‘శాంతి’ అనే క్రొత్త పదం నేను ఉపదేశిస్తాను.
    నాకు సమీపంగా ఉన్న ప్రజలకు, చాలా దూరంగా ఉన్న ప్రజలకు, నేను శాంతి ప్రసాదిస్తాను.
ఆ ప్రజలను నేను స్యస్థపరుస్తాను (క్షమిస్తాను).”
ఈ సంగతులు యెహోవా చెప్పాడు.

²⁰ అయితే చెడ్డవాళ్లు భీకరంగా ఉన్న మహాసముద్రంలాంటి వాళ్లు.
    వారు నెమ్మదిగా, శాంతంగా ఉండలేరు.
వారు కోపంగా ఉన్నారు,
    మహాసముద్రంలా మట్టిని కెలుకుతారు.
²¹ “దుష్టులకు శాంతి లేదు”
    అని నా దేవుడు చెబుతున్నాడు.