Chronological

¹² દુષ્ટ લોકોને જુઓ તો તેઓ હંમેશા ચિંતામુકત હોય છે;
    અને તેઓ શાંતિમાં રહીને સંપત્તિ વધારતા જાય છે.
¹³ મે મારું હૃદય શુદ્ધ રાખ્યું છે, અને મારા હાથ નિર્દોષ રાખ્યા છે;
    પણ તેથી કોઇ વિશેષ ફાયદો નથી.
¹⁴ કારણ હું આખો દિવસ પીડાયા કરું છું,
    અને દર સવારે મને શિક્ષા થાય છે.

¹⁵ પરંતુ જો મેં આ પ્રમાણે કહેવાનો નિર્ણય કર્યો હોત,
    તો મેં તમારા લોકોનો વિશ્વાસઘાત કર્યો હોત.
¹⁶ જ્યારે મેં તે સમજવા ઊંડો વિચાર કર્યો,
    ત્યારે મને લાગ્યું કે તે સમજવું મારે માટે બહુ કઠીન છે.
¹⁷ પછી હું દેવના પવિત્રસ્થાનમાં એક દિવસ ધ્યાન કરવા માટે ગયો,
    ત્યાં હું આખરે દુષ્ટ લોકો વિષે તેમનાં ભવિષ્ય અને તેમના અંત વિષે સમજ્યો.
¹⁸ તમે તેઓને લપસણી જગાએ મૂકો છો,
    અને તેઓને વિનાશમાં ફેંકી દો છો.
¹⁹ તેમની સુખસમૃદ્ધિનો તત્કાળ અંત આવશે,
    અને તેઓ અનંતકાળપર્યંત ત્રાસ પામશે.
²⁰ તેઓનું વર્તમાન જીવન કેવળ એક સ્વપ્ન જેવું છે,
    માનવ સ્વપ્નમાંથી જાગી વાસ્તવિકતા નિહાળે છે;
તેમ તેઓ જાગ્રત થશે,
    હે યહોવા સત્ય સબંધી નીશ્ચે.

²¹ જ્યારે હું આ બધી વસ્તુઓ વિષે વિચારતો હતો
    ત્યારે મારું હૃદય ઉદાસ બની ગયું.
²² કેટલો મૂર્ખ અને અજ્ઞાની છું, હું તે જાણી શક્યો;
    હે દેવ, તમારી સમક્ષ હું તો હતો માત્ર એક પશુ જેવો.
²³ પરંતુ, તેમ છતાંય, હું હંમેશા તમારી સાથે છું.
    અને તમે મારા જમણા હાથને પકડી રાખ્યો છે.
²⁴ તમારા બોધથી અને સલાહથી જીવનપર્યત તમે દોરવણી આપશો;
    અને પછી તમે તમારા મહિમામાં મારો સ્વીકાર કરશો.
²⁵ આકાશમાં તમારા વિના મારું બીજું કોણ છે;
    અને પૃથ્વી પર મને બીજું કોઇ પ્રિય નથી.
²⁶ મારી તંદુરસ્તી ભલે મને છોડી જાય,
    મારું હૃદય ભલે તૂટી જાય, પણ મારી પાસે ખડક છે
    જેને હું ચાહું છું મારી પાસે દેવ સદાકાળ માટે છે.
²⁷ પરંતુ તેઓ જે દેવથી દૂર છે તેમનો વિનાશ થશે.
    અને જેઓ તમને વફાદાર રહેતા નથી, તેમનો સંપૂર્ણ નાશ તમારા દ્વારા થશે.
²⁸ પરંતુ હું દેવની નજીક રહ્યો છું અને તે મારા માટે સારું છે!
    મેં મારા પ્રભુ યહોવાને મારો આશ્રય બનાવ્યો છે!
    હું તમારા બધાં અદભૂત કૃત્યો વિષે કહેવા આવ્યો હતો.

¹⁰ પછી મેં મારી જાતે વિચાર્યુ, “મને જે સૌથી વધારે
    અસ્વસ્થ કરે છે તે આ છે.”

¹¹ શું પરાત્પર દેવે તેમનું સાર્મથ્ય બતાવવાનું બંધ કર્યુ છે?
    અને હું તેમનાં અગાઉનાં ચમત્કાર સંભારીશ.
¹² હું તમારાં સર્વ કામોનું મનન કરીશ,
    અને તમારા કૃત્યો વિષે વિચાર કરીશ.
¹³ હે યહોવા, તમારા માર્ગો પવિત્ર છે,
    તમારા જેવા મહાન કોઇ દેવ નથી!
¹⁴ તમે ચમત્કારો અને અદભૂત કાર્યો કરનાર દેવ છો,
    તમે રાષ્ટ્રોને તમારું સાર્મથ્ય બતાવી દીધું છે.
¹⁵ તમે તમારા લોકો યાકૂબ અને યૂસફનાં બાળકોને
    તમારા મહાન સાર્મથ્યથી બચાવ્યાં છે.

¹⁶ તમને રાતા સમુદ્રે જ્યારે નિહાળ્યાં ત્યારે તે ભયભીત થયો,
    અને તેનાં ઊંડાણો પણ ધ્રૂજી ઊઠયાતા.
¹⁷ વાદળોએ પાણી વરસાવ્યું, ગર્જનાના પડઘા આકાશે પાડ્યાં;
    વીજળીરૂપી બાણો ચોતરફ ઊડ્યા.
¹⁸ મેઘ ગર્જનામાંથી ભયંકર ઘોંઘાટ આવ્યો તારી ગર્જનાનો;
    વીજળીઓ ચમકી અને જગતને પ્રકાશિત કર્યુ.
    અને પૃથ્વી કંપી તથા ડોલી.
¹⁹ તમારો માર્ગ તો સમુદ્રમાં, અને વાટો હતી મહાજળમાં;
    તમારા પગલાં કોઇનાં જોવામાં આવ્યાં નહિ.
²⁰ તમે મૂસા તથા હારુનની મારફતે,
    તમારા લોકોને ઘેટાનાં ટોળાની માફક દોર્યા.

⁹ એફ્રાઇમના લોકો શસ્રસજ્જ હતાં
    છતાં તેઓએ યુદ્ધ દિને પીછેહઠ કરી.
¹⁰ કારણ, તેમણે દેવનો કરાર પાળ્યો નહિ;
    અને તેમના નિયમ પ્રમાણે વર્તવાની ના પાડી.
¹¹ તેમણે કરેલા અદૃભૂત ચમત્કારો તેઓએ નિહાળ્યા હતાઁ,
    છતાં તેમનાં કૃત્યો વિસરી ગયા.
¹² તેઓના પિતૃઓએ મિસર દેશમાં, સોઆનનાં મેદાનમાં;
    દેવે કરેલા ચમત્કારો જોયા હતાં.
¹³ તેમણે તેઓની સમક્ષ સમુદ્રનાં બે ભાગ કર્યા હતાં,
    તેઓને તેમાં થઇને સામે પાર મોકલ્યા હતાં.
    તેઓની બંને બાજુએ પાણી દિવાલની જેમ સ્થિર થઇ ગયું હતું,
¹⁴ વળી તે તેઓને દિવસે મેઘથી અને આખી રાત,
    અગ્નિનાં પ્રકાશથી દોરતો.
¹⁵ તેમણે રણમાં ખડકને તોડીને,
    ઊંડાણમાંથી વહેતું હોય તેમ પુષ્કળ પાણી તેઓને આપ્યું.
¹⁶ પછી તેમણે ખડકમાંથી પાણી કાઢયું,
    અને વહેતી નદીની જેમ પ્રવાહ વહેવડાવ્યો.
¹⁷ તેમ છતાં તેઓએ દેવ વિરુદ્ધ પાપ કરવાનું ચાલું જ રાખ્યું,
    અને અરણ્યમાં પરાત્પર દેવ વિરુદ્ધ બંડ કરતાં રહ્યા.
¹⁸ તેઓએ હઠીલાઇ કરીને દેવની કસોટી કરી,
    દેવ તેઓને આપતાહતા તે કરતાં જુદા જ ખોરાકની માગણી કરી.
¹⁹ તેઓ દેવની વિરુદ્ધ બોલ્યા અને કહ્યું,
    “શું રણમાં તે ભોજન મોકલી શકે?
²⁰ તેમણે ખડકને લાકડી મારી ને,
    પાણીના ઝરણાં વહેવડાવ્યાં તે સાચું છે;
શું તે આપણને રોટલી આપી શકે છે?
    અને તેમનાં લોકોને માંસ આપી શકે?”
²¹ તેઓએ જે કહ્યું તે સાંભળ્યા પછી, યહોવા કોપાયમાન થયા,
    તેઓ ઇસ્રાએલ પર ભારે કોપાયમાન થયા
    અને યાકૂબ પર બહુ જ ગુસ્સે થયા.
²² કારણ, તેઓએ દેવમાં તેમનો વિશ્વાસ મૂક્યો નહિ,
    અને તેમના તારણ પર વિશ્વાસ કર્યો નહિ.
²³ છતાં તેમણે વાદળાંને આજ્ઞા આપી,
    અને આકાશનાં દ્વાર ખોલી નાખ્યાં.
²⁴ તેઓના ખોરાક માટે માન્નાની વૃષ્ટિ કરી;
    અને તેમણે સ્વર્ગમાંથી ભોજન આપ્યું.
²⁵ તેઓએ દેવદૂતોનો ખોરાક ખાધો!
    અને તેઓ તૃપ્ત થયા ત્યાં સુધી યહોવાએ ભોજન આપ્યું.
²⁶ દેવે તેમનાં મહાન સાર્મથ્યથી દક્ષિણ
    અને પૂર્વનો પવન ફૂંકાવ્યો.
²⁷ તેમણે ધૂળની જેમ માંસ અને સમુદ્રની
    રેતીની જેમ પક્ષીઓ તેમનાં પર વરસાવ્યાઁ.
²⁸ તેમણે તેઓની છાવણી મધ્યે
    અને તેઓનાં તંબુઓની ચોપાસ પક્ષીઓ પાડ્યાં.
²⁹ લોકો ધરાઇ રહ્યાં ત્યાં સુધી ખાધું,
    યહોવાએ તેઓને, માગણી પ્રમાણે આપ્યું.
³⁰ પણ તેઓ તેમની ભૂખનું નિયંત્રણ કરી શક્યાં નહિ,
    અને માંસ હજી પણ તેમના મોંઢાં માઁ હતું.
³¹ પછી તેમની સામે યહોવાનો કોપ પ્રગટયો,
    અને તેમણે ઇસ્રાએલમાં જેઓ સૌથી વધુ શકિતશાળી હતા તેમને મારી નાખ્યાં,
    તેમણે શ્રેષ્ઠ યુવાનોને મારી નાખ્યાં.
³² આમ છતાં લોકો પાપ કરતાં રહ્યાં,
    અને તેમના ચમત્કારો પર ભરોસો કર્યો નહિ.
³³ દેવે તેઓના વ્યર્થ જીવનનો
    અંત આપત્તિઓ સાથે કર્યો.
³⁴ જ્યારે જ્યારે તેમણે તેમાંના કેટલાંકને મારી નાખ્યા,
    ત્યારે બીજાઓ તેમના તરફ વળ્યા, અને તેમની મદદ માંગી.
³⁵ ત્યારે તેઓએ યાદ કર્યુ કે, દેવ તેઓના ખડક છે,
    અને પરાત્પર દેવ તેઓના તારક છે.
³⁶ પરંતુ તેઓએ પોતાના મુખે તેની પ્રસંશા કરી,
    અને પોતાની જીભે તેની સમક્ષ જૂઠું બોલ્યા.
³⁷ તેઓનાં હૃદય યહોવા પ્રત્યે વિશ્વાસુ નહોતા;
    તેઓ કરારને વફાદાર નહોતા.
³⁸ તેમ છતા તેમણેં દયા દર્શાવી,
    તેઓનાં પાપોની ક્ષમા આપી, નાશ ન કર્યો;
તેમણે ઘણીવાર ક્રોધ સમાવી દીધો;
    અને પોતાનો પૂરો કોપ પ્રગટ કર્યો નહિ.
³⁹ યહોવાએ સંભાર્યુ કે તેઓ કેવળ ક્ષુદ્ર છે;
    અને એક ક્ષણમાં પસાર થતાં વાયુ જેવા છે.
⁴⁰ તેઓએ વર્ષો દરમ્યાન કેટલીવાર રણમાં યહોવા વિરુદ્ધ બંડ કર્યું;
    અને રાનમાં દુ:ખી તેમને કર્યા.
⁴¹ વારંવાર તેઓએ દેવની કસોટી કરી
    અને તેઓએ ઇસ્રાએલના પવિત્ર યહોવાને દુ:ખી કર્યા.
⁴² તેઓ દેવનાં મહાન સાર્મથ્યને ભૂલી ગયા,
    તથા તેમણે શત્રુઓથી તેઓને બચાવ્યાં હતાં, તે ભૂલી ગયાં.
⁴³ યહોવાએ મિસરમાં ચમત્કારિક ચિન્હો
    અને સોઆનના મેદાનમાં આશ્ચર્યકર્મો કર્યા હતાં તે પણ ભૂલી ગયા.
⁴⁴ તેણે તેઓની નદીઓને તથા તેઓના વહેળાઓને
    લોહી વહેતાં બનાવી દીધાં જેથી તેઓ પી ન શકે.
⁴⁵ તેમણે મધમાખીઓનું મોટું ઝૂંડ મોકલ્યું, અને જે તેઓને કરડ્યા,
    અને દેડકાઓએ બધી વસ્તુઓનો નાશ કર્યો.
⁴⁶ તેઓની ફસલ તેમણે કાતરાઓને આપી હતી,
    ને તેઓનો બધો જ પાક તીડો ખાઇ ગયા હતા.
⁴⁷ તેમણે તેઓની દ્રાક્ષવાડીઓ,
    કરાથી તથા હિમથી તેઓના ગુલ્લરઝાડોનો નાશ કર્યો હતો.
⁴⁸ તેઓના ઢોરઢાંખર પર આકાશમાંથી મોટાં કરાનો માર પડ્યો,
    અને ઘેટાનાં ટોળાઁ પર વીજળીઓ પડી.
⁴⁹ દેવે પોતાનો કોપ તેઓ પર પ્રગટ કર્યો, તેમનો રોષ, ગુસ્સો અને તિરસ્કાર;
    તેઓની વિરુદ્ધ નાશ કરનારા દૂતોની માફક મોકલ્યા.
⁵⁰ તેમણે પોતાના કોપ માટે રસ્તો ખૂલ્લો કર્યો;
    અને મિસરવાસીઓના જીવન બચાવ્યાં નહિ,
    પણ તેઓને વિપત્તિ તથા માંદગીને સોંપી દીધા.
⁵¹ પછી તેણે સર્વ પ્રથમ, મિસરમાં સર્વ પ્રથમ જનિતને મારી નાખ્યાઁ;
    હામના પ્રથમ જનિત નર બાળકોને તંબુઓમાં માર્યા.
⁵² પરંતુ તે પોતાના લોકોને ઘેટાઁનાં ટોળાઁની જેમ બહાર લાવ્યાં;
    અને રણમાં થઇને તેઓને સુરક્ષિત ચલાવ્યા.
⁵³ તેઓને તેમણે એવા સુરક્ષિત ચલાવ્યા
    કે તેઓ બીધા નહિ,
    પરંતુ સમુદ્રના પાણી શત્રુઓ પર ફરી વળ્યાં.
⁵⁴ તેણે તેઓને તેની પવિત્ર ભૂમિમાં,
    ડુંગરોવાળા દેશ તરફ જે તેઓએ તેમની શકિતથી લીધો હતો તેમા ચાલતાં કર્યા.
⁵⁵ અને તેમણે અન્ય રાષ્ટ્રોને તે જમીનમાંથી આગળ કાઢી મૂક્યા.
    ઇસ્રાએલનાં પ્રત્યેક કુટુંબસમુહને કાયમ વસવાટ કરવા માટે જમીનનો હિસ્સો આપ્યો.
⁵⁶ છતાં ત્યારે પણ, તેઓએ પરાત્પર દેવની કસોટી કરવાનું
    અને તેમની વિરુદ્ધ બંડ કરવાનું ચાલુ રાખ્યું અને તેમની આજ્ઞાઓનું અનુસરણ કરવાનો ઇન્કાર કર્યો.
⁵⁷ તેઓ દેવ પાસેથી દૂર થયા.
    તેઓ તેમનાં પૂર્વજોની જેમ દેવને અવિનયી થયાં.
ફેંકનાર^[a] તરફ પાછા ફરતાં,
    વાંકા શસ્રની જેમ તેઓ પૂર્વજોની જેમ દિશા બદલતા હતા.
⁵⁸ તેઓએ ઉચ્ચાસ્થાનો બનાવીને
    અને જૂઠાં દેવોની મૂર્તિથી દેવને ગુસ્સે કર્યા.
⁵⁹ જ્યારે તેઓનાં કૃત્યો દેવે જોયાં દેવનો ક્રોધ પ્રબળ થયો,
    અને પોતાના લોકોનો ત્યાગ કર્યો.
⁶⁰ પછી માણસો મધ્યે તે નિવાસ કરતા;
    એ શીલોહના મંડપનો તેમણે ત્યાગ કર્યો.
⁶¹ દેવે બીજા લોકોને પોતાના લોકોને પકડવાં દીધા.
    દુશ્મનોએ દેવનું “ગૌરવ રત્ન” લઇ લીધું.
⁶² તેમણે પોતાના લોકોનો સંહાર થવા દીધો, કારણકે,
    તેમનો ક્રોધ અતિ વધારે હતો.
⁶³ તેઓના યુવાનો અગ્નિથી નાશ પામ્યાં;
    અને તેઓની કન્યાઓ તેઓનાં લગ્નગીતો ગવાય તે પહેલાં જ મૃત્યુ પામી.
⁶⁴ યાજકોનો વધ થયો અને તેઓની વિધવાઓ
    તેઓ માટે રૂદન કરે તે પહેલાં તેઓ પણ મૃત્યુ પામી.
⁶⁵ ત્યારે ઊંઘમાંથી કોઇ જાગે, તેમ,
    તથા દ્રાક્ષારસમાંથી શૂરવીર પુરૂષને શૂરાતન આવે તેમ યહોવા ઊઠયા.
⁶⁶ તે તેમના શત્રુઓ તરફ ઢળ્યા, તેમણે તેઓને પાછા વાળ્યા
    અને તેઓને કાયમ માટે હિણપદ કર્યા.
⁶⁷ દેવે યૂસફના પરિવારનો અસ્વીકાર કર્યો,
    અને એફાઇમના પરિવારનો પણ સ્વીકાર કર્યો નહિ.
⁶⁸ પણ યહૂદા કુળને તથા જેના ઉપર તે પ્રેમ કરતા હતા
    તે સિયોન પર્વતને તેમણે પસંદ કર્યા.
⁶⁹ ત્યાં તેમણે પર્વત જેવું ઉન્નત અને સદા માટે સ્થાપન કરેલી
    પૃથ્વી જેવું અચળ પોતાનું પવિત્રસ્થાન બાંધ્યું.
⁷⁰ તેમણે ઘેટાંની સંભાળ રાખનાર દાઉદને
    પોતાના સેવક તરીકે પસંદ કર્યો.
⁷¹ જ્યાં એ ઘેટા ચારતો હતો ત્યાંથી દેવ તેને લઇ આવ્યા અને પોતાના લોકો,
    યાકૂબનાં સંતાન અને ઇસ્રાએલનાં લોકોના પાલક તરીકે અને દેવની સંપત્તિના પાલક તરીકે નિયુકત કર્યો.
⁷² દાઉદે તેમને શુદ્ધ હૃદયથી
    અને કૌશલ્ય સભર શાણપણથી દોર્યા.