Bible in 90 Days

Ang mga Kaliwat ni Adan hangtod kang Noe

(Gen. 5:1-32; 10:1-32; 11:10-26)

1 Ang mga kaliwat ni Adan mao sila si Set, Enosh, ² Kenan, Mahalalel, Jared, ³ Enoc, Metusela, Lamec, ug Noe. ⁴ Ang mga anak nga lalaki ni Noe mao sila si Shem, Ham, ug Jafet.

Ang mga Kaliwat ni Jafet

⁵ Ang mga anak ni Jafet mao sila si Gomer, Magog, Madai, Javan, Tubal, Meshec, ug Tiras. ⁶ Si Gomer may mga anak usab nga sila si Ashkenaz, Rifat,^[a] ug Togarma. ⁷ Ang mga anak ni Javan mao sila si Elisha, Tarshish, Kitim, ug Rodanim.^[b]

Ang mga Kaliwat ni Ham

⁸ Ang mga anak ni Ham mao sila si Cush, Mizraim,^[c] Put, ug Canaan. ⁹ Si Cush may mga anak usab nga sila si Sheba, Havila, Sabta, Raama, ug Sabteca. Ang mga anak ni Raama mao si Sheba ug si Dedan. ¹⁰ May usa pa ka anak si Cush nga ginganlan ug Nimrod. Kini si Nimrod nahimong bantogan nga manggugubat sa kalibotan.

¹¹ Si Mizraim mao ang katigulangan sa mga Ludhanon, Anamnon, Lehabnon, Naftunon, ¹² Patrusnon, Caslunon, ug sa mga Caftornon^[d] nga mao ang kagikan sa mga Filistihanon.

¹³ Si Canaan mao ang amahan ni Sidon ug ni Het.^[e] Si Sidon ang kamagulangan. ¹⁴ Si Canaan mao usab ang kagikan sa mga Jebusihanon, Amorihanon, Gergasihanon, ¹⁵ Hibihanon, Arkanhon, Sinhanon, ¹⁶ Arvadnon, Zemarnon, ug Hamatnon.

Ang mga Kaliwat ni Shem

¹⁷ Ang mga anak ni Shem mao sila si Elam, Ashur, Arfaxad, Lud, ug Aram. Ang mga anak ni Aram mao sila si^[f] Uz, Hul, Geter, ug Meshec. ¹⁸ Si Arfaxad amahan ni Shela, ug si Shela amahan ni Eber. ¹⁹ May duha ka anak nga lalaki si Eber: ang usa ginganlag Peleg, tungod kay sa iyang panahon ang mga tawo sa kalibotan nabahin-bahin; ang ngalan sa iyang igsoon mao si Joktan. ²⁰ Si Joktan mao ang amahan nila ni Almodad, Shelef, Hazarmavet, Jera, ²¹ Hadoram, Uzal, Dikla, ²² Obal,^[g] Abimael, Sheba, ²³ Ofir, Havila, ug Jobab. Silang tanan mga anak ni Joktan.

²⁴ Mao kini ang mga kaliwat nga naggikan kang Shem: si Arfaxad, Shela, ²⁵ Eber, Peleg, Reu, ²⁶ Serug, Nahor, Tera, ²⁷ ug si Abram (nga mao usab si Abraham).

Ang mga Kaliwat ni Abraham

(Gen. 25:1-4, 12-16)

²⁸ Ang mga anak ni Abraham mao sila si Isaac ug si Ishmael. ²⁹ Ang mga anak ni Ishmael mao sila si Nebayot (ang kamagulangan), Kedar, Adbeel, Mibsam, ³⁰ Mishma, Duma, Masa, Hadad, Tema, ³¹ Jetur, Nafish, ug Kedema. Sila ang mga anak ni Ishmael. ³² Ang mga anak ni Ketura, ang usa pa ka asawa ni Abraham, mao sila si Zimran, Jokshan, Medan, Midian, Ishbak, ug Shua. Ang mga anak ni Jokshan mao si Sheba ug si Dedan. ³³ Ang mga anak ni Midian mao sila si Efa, Efer, Hanoc, Abida, ug Eldaa. Silang tanan ang mga kaliwat ni Ketura.

Ang mga Kaliwat ni Esau

(Gen. 36:1-19)

³⁴ Si Abraham mao ang amahan ni Isaac. Ang mga anak ni Isaac mao si Esau ug si Israel.^{[h] 35} Ang mga anak ni Esau mao sila si Elifaz, Reuel, Jeush, Jalam, ug Kora. ³⁶ Ang mga anak ni Elifaz mao sila si Teman, Omar, Zefo,^[i] Gatam, Kenaz, ug Amalek. Kini si Amalek anak niya kang Timna.^{[j] 37} Ang mga anak ni Reuel mao sila si Nahat, Zera, Shama, ug Miza.

Ang mga Edomihanon

(Gen. 36:20-30)

³⁸ Ang mga anak ni Seir mao sila si Lotan, Shobal, Zibeon, Ana, Dishon, Ezer, ug Dishan. ³⁹ Ang mga anak ni Lotan mao si Hori ug si Homam.^[k] Managsoon si Lotan ug si Timna. ⁴⁰ Ang mga anak ni Shobal mao sila si Alvan,^[l] Manahat, Ebal, Shefo,^[m] ug Onam. Ang mga anak ni Zibeon mao si Aya ug si Ana. ⁴¹ Ang anak ni Ana mao si Dishon. Ang mga anak ni Dishon mao sila si Hemdan,^[n] Eshban, Itran, ug Keran. ⁴² Ang mga anak ni Ezer mao sila si Bilhan, Zaavan, ug Jaakan. Ang mga anak ni Dishan mao si Uz ug si Aran.

Ang mga Hari sa Edom

(Gen. 36:31-43)

⁴³ Mao kini ang mga hari sa Edom sa panahon nga wala pay hari ang mga Israelinhon:

Si Bela nga taga-Dinhaba nga anak ni Beor. ⁴⁴ Pagkamatay niya, gipulihan siya ni Jobab nga anak ni Zera nga taga-Bozra. ⁴⁵ Pagkamatay ni Jobab, gipulihan siya ni Husham nga taga-Teman. ⁴⁶ Pagkamatay ni Husham, gipulihan siya ni Hadad nga taga-Avit nga anak ni Bedad. Kini si Hadad mao ang nakapildi sa mga Midianhon didto sa Moab. ⁴⁷ Pagkamatay ni Hadad, gipulihan siya ni Samla nga taga-Masreka. ⁴⁸ Pagkamatay ni Samla, gipulihan siya ni Saul nga taga-Rehobot nga duol sa Suba sa Eufrates. ⁴⁹ Pagkamatay ni Saul, gipulihan siya ni Baal Hanan nga anak ni Acbor. ⁵⁰ Pagkamatay ni Baal Hanan, gipulihan siya ni Hadad^[o] nga taga-Pai.^[p] Ang ngalan sa iyang asawa mao si Mehetabel nga anak ni Matred ug apo ni Mezahab. ⁵¹ Unya namatay usab si Hadad.

Mao kini sila ang mga pangulo sa mga tribo sa Edom: si Timna, Alva, Jetet, ⁵² Oholibama, Elah, Pinon, ⁵³ Kenaz, Teman, Mibzar, ⁵⁴ Magdiel, ug si Iram.

Ang mga Anak ni Israel

2 Mao kini ang mga anak nga lalaki ni Israel: sila si Reuben, Simeon, Levi, Juda, Isacar, Zebulun, ² Dan, Jose, Benjamin, Naftali, Gad, ug Asher.

Ang mga Kaliwat ni Juda

³ May tulo ka anak si Juda sa iyang asawa nga si Batshua nga Canaanhon. Sila mao si Er, Onan, ug Shela. Si Er mao ang kamagulangan. Daotan siya atubangan sa Ginoo, busa gipatay siya sa Ginoo. ⁴ May mga anak pa si Juda kang Tamar nga iyang umagad. Sila mao si Perez ug si Zera. Lima tanan ang anak ni Juda nga lalaki. ⁵ Ang mga anak ni Perez mao sila si Hezron ug si Hamul. ⁶ Ang mga anak ni Zera mao sila si Zimri, Etan, Heman, Calcol, ug Darda.^[q] Lima silang tanan. ⁷ Ang anak ni Carmi mao si Acar.^[r] Kini si Acar nagdala ug kasamok sa Israel tungod sa wala niya pagtuman sa sugo bahin sa butang nga gihalad ngadto sa Dios. ⁸ Ang anak ni Etan mao si Azaria.

Ang Kagikan ni David

⁹ Ang mga anak ni Hezron mao sila si Jerameel, Ram, ug Caleb.^{[s] 10} Si Ram amahan ni Aminadab, ug si Aminadab amahan ni Nashon nga pangulo sa katawhan sa Juda. ¹¹ Si Nashon amahan ni Salmon,^[t] ug si Salmon amahan ni Boaz. ¹² Si Boaz amahan ni Obed, ug si Obed amahan ni Jesse. ¹³ Ang kamagulangan nga anak ni Jesse mao si Eliab, ang ikaduha mao si Abinadab, ang ikatulo mao si Shimea, ¹⁴ ang ikaupat mao si Netanel, ang ikalima mao si Radai, ¹⁵ ang ikaunom mao si Ozem, ug ang ikapito mao si David. ¹⁶ Ang ilang mga igsoon nga babaye mao sila si Zeruya ug si Abigail. Si Zeruya may tulo ka anak nga sila si Abishai, Joab, ug Asahel. ¹⁷ Ang bana ni Abigail mao si Jeter nga Ishmaelinhon ug may anak sila nga si Amasa.

Ang mga Kaliwat ni Hezron kang Caleb ug sa Uban pa Niyang mga Anak

¹⁸ Si Caleb nga anak ni Hezron may mga anak usab sa iyang asawa nga si Azuba nga ginganlan usab ug Jeriot.^[u] Sila mao si Jesher, Shobab, ug Ardon. ¹⁹ Pagkamatay ni Azuba gipangasawa ni Caleb si Efrat^[v] ug may anak sila nga si Hur. ²⁰ Si Hur amahan ni Uri, ug si Uri amahan ni Bezalel. ²¹ Sa dihang 60 na ka tuig ang edad ni Hezron, gipangasawa niya ang anak ni Makir, ang igsoon nga babaye ni Gilead. May anak sila nga si Segub. ²² Si Segub amahan ni Jair, nga nagdumala sa 23 ka lungsod sa Gilead. ²³ (Apan giilog ni Geshur ug ni Aram ang mga lungsod nga gidumalahan ni Jair ug ang Kenat, lakip ang 60 ka mga baryo sa palibot niini.) Silang tanan mao ang mga kaliwat ni Makir nga amahan ni Gilead.

²⁴ Bag-o pa lang namatay si Hezron didto sa Caleb Efrata sa dihang nanganak ang iyang asawa nga si Abia. Ang ilang anak mao si Ashur nga amahan ni Tekoa.

Ang mga Kaliwat ni Hezron kang Jerameel

²⁵ Mao kini sila ang mga anak ni Jerameel nga kamagulangang anak ni Hezron: si Ram ang kamagulangan, sunod si Buna, Oren, Ozem, ug Ahia. ²⁶ Si Jerameel may usa pa ka asawa nga ginganlag si Atara. Siya ang inahan ni Onam. ²⁷ Ang mga anak ni Ram nga kamagulangang anak ni Jerameel mao sila si Maaz, Jamin, ug Eker.

²⁸ Ang mga anak ni Onam mao sila si Shamai ug si Jada. Ang mga anak ni Shamai mao sila si Nadab ug si Abishur.

²⁹ Ang ngalan sa asawa ni Abishur mao si Abihail. May mga anak sila nga mao si Aban ug si Molid.

³⁰ Ang mga anak ni Nadab mao sila si Seled ug si Apaim. Namatay si Seled nga walay anak.

³¹ Ang anak ni Apaim mao si Ishi. Si Ishi amahan ni Sheshan, ug si Sheshan amahan ni Alai. ³² Ang mga anak ni Jada nga igsoon ni Shamai mao sila si Jeter ug si Jonatan. Namatay si Jeter nga walay anak. ³³ Ang mga anak ni Jonatan mao sila si Pelet ug si Zaza. Kini sila ang mga kaliwat ni Jerameel.

³⁴ Walay anak nga lalaki si Sheshan kondili mga babaye lang. May sulugoon siya nga Ehiptohanon nga ginganlag si Jarha. ³⁵ Gipaasawa ni Sheshan kang Jarha ang usa sa iyang mga anak nga babaye, ug nanganak kini kang Atai. ³⁶ Si Atai amahan ni Natan, si Natan amahan ni Zabad, ³⁷ ug si Zabad amahan ni Eflal. Si Eflal amahan ni Obed, ³⁸ si Obed amahan ni Jehu, ug si Jehu amahan ni Azaria. ³⁹ Si Azaria amahan ni Helez, si Helez amahan ni Eleasa, ⁴⁰ ug si Eleasa amahan ni Sismai. Si Sismai amahan ni Shalum, ⁴¹ si Shalum amahan ni Jekamia, ug si Jekamia amahan ni Elishama.

Ang Uban pang mga Kaliwat ni Caleb

⁴² Ang kamagulangang anak nga lalaki ni Caleb nga igsoon ni Jerameel mao si Mesha nga amahan ni Zif. Ang ikaduha niya nga anak mao si Maresha nga amahan ni Hebron. ⁴³ Ang mga anak ni Hebron mao sila si Kora, Tapua, Rekem, ug Shema. ⁴⁴ Si Shema amahan ni Raham, ug si Raham amahan ni Jorkeam. Si Rekem amahan ni Shamai, ⁴⁵ si Shamai amahan ni Maon, ug si Maon amahan ni Bet Zur.

⁴⁶ Si Efa, ang lain pa nga asawa ni Caleb, nanganak kanila ni Haran, Moza, ug Gazez. Si Haran may anak nga si Gazez usab ang ngalan.

⁴⁷ Ang mga anak ni Jahdai mao sila si Regem, Jotam, Geshan, Pelet, Efa, ug Shaaf.

⁴⁸ Ang usa pa gayod ka asawa ni Caleb mao si Maaca. May mga anak sila nga sila si Sheber, Tirhana, ⁴⁹ Shaaf (nga amahan ni Madmana), ug Sheva (nga amahan ni Macbena ug ni Gibea). Ang anak nga babaye ni Caleb mao si Acsa. ⁵⁰ Kini sila ang mga kaliwat ni Caleb.

Ang mga Kaliwat sa Anak ni Caleb nga si Hur

Si Hur ang kamagulangan nga anak ni Caleb ug ni Efrata. Ang mga anak ni Hur mao sila si Shobal nga amahan ni Kiriat Jearim, ⁵¹ si Salma nga amahan ni Betlehem, ug si Haref nga amahan ni Bet Gader. ⁵² Ang mga kaliwat ni Shobal nga amahan ni Kiriat Jearim mao ang mga katawhan sa Haroe, ang katunga sa mga lumulupyo sa Manuhot,^{[w] 53} ug ang mga kaliwat ni Kiriat Jearim nga mao ang mga Itrahanon, Puthanon, Shumatnon, ug Mishranon. Sila ang kagikan sa mga Zorahanon ug mga Eshtaolnon.

⁵⁴ Ang mga kaliwat ni Salma mao ang mga taga-Betlehem, ang mga Netofanon, ang mga taga-Atrot Bet Joab, ang katunga sa mga Manahatnon, ang mga Zorahanon, ⁵⁵ ug ang mga kaliwat sa mga eksperto sa pagsulat ug mga dokumento nga nagapuyo sa lungsod sa Jabez nga mao ang mga Tiratnon, Shimeatnon ug Sucatnon. Mao kini sila ang mga Kenihanon nga naggikan kang Hamat, nga amahan sa pamilya ni Recab.^[x]

Ang mga Anak nga Lalaki ni David

3 Mao kini ang mga anak nga lalaki ni David nga nangatawo sa Hebron: Ang kamagulangan mao si Amnon nga anak niya kang Ahinoam nga taga-Jezreel. Ang ikaduha mao si Daniel nga ang inahan mao si Abigail nga taga-Carmel. ² Ang ikatulo mao si Absalom nga ang inahan mao si Maaca nga anak nga babaye sa hari sa Geshur nga si Talmai. Ang ikaupat mao si Adonia nga ang inahan mao si Hagit. ³ Ang ikalima mao si Shefatia nga ang inahan mao si Abital. Ug ang ikaunom mao si Itream nga ang inahan mao si Egla. ⁴ Kining unom natawo sa Hebron, diin naghari si David sulod sa pito ka tuig ug unom ka bulan.

Naghari si David sa Jerusalem sulod sa 33 ka tuig. ⁵ Ug mao kini ang iyang mga anak nga lalaki nga natawo didto: si Shimea, Shobab, Natan, ug Solomon. Kini silang upat anak niya sa iyang asawa nga si Batsheba nga anak ni Amiel. ⁶ May siyam pa gayod siya ka mga anak nga lalaki nga mao sila si Ibhar, Elishua,^[y] Elifelet, ⁷ Noga, Nefeg, Jafia, ⁸ Elishama, Eliada, ug Elifelet. ⁹ Mao kini sila ang mga anak nga lalaki ni David, gawas sa uban pa niyang mga anak nga lalaki sa uban pa niya nga mga asawa. May anak usab si David nga babaye nga mao si Tamar.

Ang mga Hari sa Juda

¹⁰ Mao kini ang mga kaliwat ni Solomon nga nahimong hari: sila si Rehoboam, Abia, Asa, Jehoshafat, ¹¹ Jehoram,^[z] Ahazia, Joas, ¹² Amazia, Azaria,^[aa] Jotam, ¹³ Ahaz, Hezekia, Manase, ¹⁴ Amon, ug Josia.

¹⁵ Mao kini ang mga anak ni Josia: ang kamagulangan mao si Johanan, ang ikaduha si Jehoyakim, ang ikatulo si Zedekia, ug ang ikaupat si Shalum. ¹⁶ Ang mipuli kang Jehoyakim ingon nga hari mao si Jehoyakin nga iyang anak. Ug ang mipuli kang Jehoyakin mao si Zedekia nga iyang uyoan.^[ab]

Ang mga Kaliwat ni Jehoyakin

¹⁷ Mao kini ang mga anak ni Jehoyakin, ang hari nga gibihag ngadto sa Babilonia: sila si Shealtiel, ¹⁸ Malkiram, Pedaya, Shenazar, Jekamia, Hoshama, ug si Nedabia. ¹⁹ Ang mga anak ni Pedaya mao si Zerubabel ug si Shimei. Ang mga anak ni Zerubabel mao si Meshulam ug si Hanania. Ang ilang igsoon nga babaye mao si Shelomit. ²⁰ May lima pa ka anak si Zerubabel nga mao sila si Hashuba, Ohel, Berekia, Hasadia, ug Jushab Hesed. ²¹ Ang mga anak ni Hanania mao sila si Pelatia ug si Jeshaya. Si Jeshaya amahan ni Refaya, si Refaya amahan ni Arnan, si Arnan amahan ni Obadia, ug si Obadia amahan ni Shecania. ²² Ang mga kaliwat ni Shecania mao si Shemaya ug ang mga anak niini nga sila si Hatush, Igal, Baria, Nearia, ug Shafat—unom silang tanan. ²³ Ang mga anak ni Nearia mao sila si Elioenai, Hizkia, ug Azrikam—tulo silang tanan. ²⁴ Ang mga anak ni Elioenai mao sila si Hodavia, Eliashib, Pelaya, Akub, Johanan, Delaya, ug Anani—pito silang tanan.

Ang Uban pang mga Kaliwat ni Juda

4 Mao kini ang uban pang mga kaliwat ni Juda: sila si Perez, Hezron, Carmi, Hur, ug Shobal. ² Ang anak ni Shobal nga si Reaya mao ang amahan ni Jahat. Si Jahat mao ang amahan ni Ahumai ug ni Lahad. Sila ang mga katigulangan sa mga Zorahanon.

³ Mao kini ang mga anak^[ac] ni Etam: sila si Jezreel, Ishma, ug Idbash. Ang ilang igsoong babaye mao si Hazelelponi.

⁴ Si Penuel amahan ni Gedor, ug si Ezer amahan ni Husha. Kini sila mga kaliwat ni Hur, ang kamagulangang anak ni Efrata. Si Hur mao ang katigulangan sa mga taga-Betlehem.

⁵ Si Ashur nga amahan ni Tekoa may duha ka asawa, si Hela ug si Naara. ⁶ Mao kini ang iyang mga anak kang Naara: sila si Ahuzam, Hefer, Temeni, ug Haahashtari. ⁷ Ang iyang mga anak kang Hela mao sila si Zeret, Izhar,^[ad] Etnan, ⁸ ug Koz. Kini si Koz amahan ni Anub ug ni Zobeba, ug siya ang katigulangan sa pamilya ni Aharhel nga anak ni Harum.

⁹ May usa ka tawo nga ginganlag Jabez. Mas tinahod siya kaysa iyang mga igsoong lalaki. Ginganlan siya sa iyang inahan ug Jabez,^[ae] kay ingon sa iyang inahan, “Naglisod gayod ako sa pagpanganak kaniya.” ¹⁰ Nagaampo si Jabez sa Dios sa Israel: “Hinaut nga panalanginan mo ako ug palapdon mo ang akong teritoryo. Ubani ako ug ilikay sa mga katalagman aron dili ako masakitan.” Ug gitubag sa Dios ang iyang hangyo.

¹¹ Si Kelub nga igsoon ni Susa amahan ni Mehir. Si Mehir amahan ni Eshton, ug ¹² si Eshton amahan nila ni Bet Rafa, Pasea, ug ni Tehina. Si Tehina amahan ni Ir Nahash.^[af] Sila ang mga kaliwat ni Reca.^[ag]

¹³ Ang mga anak ni Kenaz mao si Otniel ug si Seraya. Ang mga anak ni Otniel mao si Hatat ug si Meonotai.^{[ah] 14} Si Meonotai amahan ni Ofra. Si Seraya amahan ni Joab. Si Joab ang nagpundar sa Kapatagan sa mga Panday.^[ai] Gitawag kini nga Kapatagan sa mga Panday tungod kay didto nagpuyo ang daghang mga panday.

¹⁵ Mao kini ang mga anak ni Caleb nga anak ni Jefune: sila si Iru, Elah, ug Naam. Ang anak ni Elah mao si Kenaz.

¹⁶ Ang mga anak ni Jehalelel mao sila si Zif, Zifa, Tiria, ug Asarel.

^17-18 Ang mga anak ni Ezra mao sila si Jeter, Mered, Efer, ug Jalon. Si Mered may asawa nga si Bitia nga anak sa hari sa Ehipto.^[aj] May mga anak sila nga si Miriam, Shamai, ug Ishba. Si Ishba amahan ni Eshtemoa. May asawa usab si Mered nga taga-Juda ug may anak sila nga si Jered (nga amahan ni Gedor), Heber (nga amahan ni Soco), ug si Jekutiel (nga amahan ni Zanoa). ¹⁹ Gipangasawa ni Hodia ang igsoon ni Naham. Ang usa sa ilang mga anak mao ang amahan ni Keila nga Garminhon, ug ang usa mao ang amahan ni Eshtemoa nga Maacatnon.

²⁰ Ang mga anak ni Shimon mao sila si Amnon, Rina, Ben Hanan, ug Tilon.

Ang mga kaliwat ni Ishi mao si Zohet ug si Ben Zohet.

²¹ Mao kini ang mga kaliwat ni Shela nga anak ni Juda: si Er (nga amahan ni Leca), si Laada (nga amahan ni Maresha), ang mga pamilya sa mga trabahante sa buhatanan ug linen sa Bet Ashbea, ²² si Jokim, ang katawhan sa Cozeba, si Joas, ug si Saraf nga nagdumala sa Moab ug Jashubi Lehem. (Kini nga lista gikan sa karaang mga dokumento.) ²³ Sila ang mga magkukolon nga nagpuyo sa Netaim ug Gedera. Nagatrabaho sila alang sa hari.

Ang mga Kaliwat ni Simeon

²⁴ Ang mga anak ni Simeon mao sila si Nemuel, Jamin, Jarib, Zera, ug Shaul. ²⁵ Si Shaul amahan ni Shalum, si Shalum amahan ni Mibsam, ug si Mibsam amahan ni Mishma. ²⁶ Si Mishma amahan ni Hamuel, si Hamuel amahan ni Zacur, ug si Zacur amahan ni Shimei. ²⁷ May 16 ka mga anak nga lalaki si Shimei ug unom ka mga anak nga babaye. Apan gamay ra ang mga anak sa iyang mga igsoon, busa ang ilang tribo dili sama kadaghan sa katawhan sa Juda. ²⁸ Nagpuyo sila sa Beersheba, Molada, Hazar Shual, ²⁹ Bilha, Ezem, Tolad, ³⁰ Betuel, Horma, Ziklag, ³¹ Bet Markabot, Hazar Susim, Bet Biri, ug Shaaraim. Mao kini ang ilang mga lungsod hangtod sa paghari ni David. ³² Nagpuyo usab sila sa lima ka lungsod sa Etam, Ain, Rimon, Token, ug Ashan, ³³ ug lakip usab sa mga baryo sa palibot niini nga mga lungsod hangtod sa Baalat.^[ak] Mao kini ang mga dapit nga ilang gipuy-an, ug aduna silay gitipigang listahan sa ilang mga kaliwat.

Mao kini ang uban pa nga mga kaliwat ni Simeon: ³⁴ sila si Meshobab, Jamlec, Josha (nga anak ni Amazia), ³⁵ Joel, Jehu (nga anak ni Joshibia ug apo ni Seraya, ug apo sa tuhod ni Aziel), ³⁶ Elioenai, Jaakoba, Jeshohaya, Asaya, Adiel, Jesimiel, Benaya, ³⁷ ug Ziza (nga anak ni Shifi ug apo ni Alon, ug apo sa tuhod ni Jedaya. Kini si Jedaya anak ni Shimri ug apo ni Shemaya). ³⁸ Kini sila mga pangulo sa ilang mga pamilya. Midaghan pag-ayo ang ilang mga kaliwat, ³⁹ busa nakaabot sila hangtod sa Gedor, ngadto sa sidlakang bahin sa kapatagan, aron sa pagpangitag sabsabanan sa ilang mga karnero. ⁴⁰ Nakakita sila didto ug labong ug maayo nga sabsabanan. Halapad kini nga dapit ug malinawon. Didto nagpuyo kaniadto ang ubang mga kaliwat ni Ham. ⁴¹ Apan niadtong panahon nga si Hezekia ang hari sa Juda, gisulong sila sa mga kaliwat ni Simeon kansang mga ngalan nahisgotan sa ibabaw. Giapil pagsulong sa mga kaliwat ni Simeon ang mga Meunhon nga didto usab namuyo, ug gilaglag sa hingpit.^[al] Unya mipuli pagpuyo sa maong dapit ang mga kaliwat ni Simeon, tungod kay may sabsabanan didto alang sa ilang mga karnero. ⁴² Misulong ang 500 kanila sa kabungtoran sa Seir. Gipangulohan sila ni Pelatia, Neria, Refaya, ug Uziel, nga mga anak ni Ishi. ⁴³ Gipatay nila ang nahibiling mga Amalekanhon didto, ug sila nay nagpuyo didto hangtod karon.

Ang mga Kaliwat ni Reuben

5 Si Reuben mao ang kamagulangan nga anak ni Israel.^[am] Apan tungod kay nakighilawas si Reuben sa usa sa mga asawa sa iyang amahan, ang iyang katungod isip kamagulangan gihatag ngadto sa mga anak sa iyang igsoon nga si Jose. Busa wala ilista si Reuben sa listahan sa ilang mga kaliwat ingon nga kamagulangan nga anak. ² Ug bisag gamhanan si Juda kaysa iyang mga igsoon ug ang pangulo naggikan sa iyang tribo, ang katungod isip kamagulangan gihatag ngadto kang Jose. ³ Mao kini ang mga anak ni Reuben, ang kamagulangang anak ni Israel: sila si Hanoc, Palu, Hezron, ug Carmi.

⁴ Mao kini ang mga kaliwat ni Joel: sila si Shemaya, Gog, Shimei, ⁵ Micas, Reaya, Baal, ⁶ ug Beera. Si Beera ang pangulo sa mga kaliwat ni Reuben sa dihang gibihag sila ni Tiglat Pileser nga hari sa Asiria. ⁷ Mao kini ang mga paryente ni Beera nga nalista sa listahan sa ilang mga kaliwat. Gilista sila sumala sa ilang tribo: si Jeil (ang pangulo), si Zacarias, ⁸ ug si Bela nga anak ni Azaz. Kini si Azaz anak ni Shema ug apo ni Joel. Kini nga mga kaliwat ni Reuben nagpuyo sa mga dapit sa Aroer hangtod sa Nebo ug Baal Meon. ⁹ Ug tungod kay midaghan ang ilang kahayopan didto sa Gilead, nakaabot sila hangtod sa sidlakan, sa utlanan sa disyerto paingon sa Suba sa Eufrates. ¹⁰ Sa panahon ni Haring Saul, nakiggira sila sa mga Hagarnon ug gipildi nila kini. Gisakop nila ang mga dapit sa mga Hagarnon sa tibuok sidlakang bahin sa Gilead.

Ang mga Kaliwat ni Gad

¹¹ Nagpuyo ang mga kaliwat ni Gad sa kayutaan sa Basan hangtod sa Saleca. Kasikbit kini sa kayutaan sa mga kaliwat ni Reuben. ¹² Mao kini ang mga kaliwat ni Gad: si Joel, nga mao ang pangulo sa Basan, ang sunod kaniya mao si Shafam, unya si Janai ug si Shafat. ¹³ Ang ilang mga paryente sumala sa tagsa-tagsa nila ka pamilya mao sila si Micael, Meshulam, Sheba, Jorai, Jacan, Zia, ug Eber—pito silang tanan. ¹⁴ Sila ang mga kaliwat ni Abihail nga anak ni Huri. Si Huri anak ni Jaroa ug apo ni Gilead, ug apo sa tuhod ni Micael. Kini si Micael anak ni Jeshishai ug apo ni Jado, ug apo sa tuhod ni Buz. ¹⁵ Si Ahi nga anak ni Abdiel ug apo ni Guni mao ang pangulo sa ilang mga pamilya. ¹⁶ Nagpuyo sila sa Gilead, didto sa Basan, ug sa mga baryo sa palibot niini, ug sa tibuok sabsabanan sa Sharon. ¹⁷ Kini silang tanan nalista sa listahan sa mga kaliwat niadtong panahon sa paghari ni Jotam sa Juda ug ni Jeroboam sa Israel.

¹⁸ May 44,760 ka mga sundalo sa tribo ni Reuben, Gad, ug sa katunga sa tribo ni Manase. Gibansay sila alang sa gira ug hanas silang mogamit ug mga taming, espada, ug pana. ¹⁹ Nakiggira sila sa mga Hagarnon, Jeturnon, Nafishnon, ug Nodabnon. ²⁰ Nangayo sila ug tabang sa Dios sa dihang nakiggira sila, ug gitubag sa Dios ang ilang pag-ampo tungod kay misalig sila kaniya. Busa gipadaog sila sa Dios batok sa mga Hagarnon ug sa tanang mga kaabin niini. ²¹ Gipanguha nila ang kahayopan sa mga Hagarnon: 50,000 ka mga kamelyo, 250,000 ka mga karnero, ug 2,000 ka mga asno. Gibihag usab nila ang 100,000 ka mga tawo, ²² ug daghan ang ilang napatay tungod kay gitabangan sila sa Dios sa pagpakiggira. Ug mipuyo sila sa mga dapit sa mga Hagarnon hangtod nga gibihag sila ngadto sa Asiria.

Ang Katunga sa Tribo ni Manase

²³ Ang katunga sa tribo ni Manase nagpuyo sa kayutaan gikan sa Basan paingon sa Baal Hermon, sa Senir, ug sa Bukid sa Hermon. Daghan kaayo sila. ²⁴ Mao kini ang mga pangulo sa ilang mga pamilya: sila si Efer, Ishi, Eliel, Azriel, Jeremias, Hodavia, ug Jadiel. Mga maisog sila nga mga sundalo ug bantogan nga mga pangulo sa ilang mga pamilya. ²⁵ Apan wala sila magmatinumanon sa Dios sa ilang mga katigulangan. Misimba hinuon sila sa mga dios sa mga katawhan niadtong yutaa nga gilaglag sa Dios. ²⁶ Busa gisugo sa Dios sa Israel nga sulongon sila ni Pul (gitawag usab ug Tiglat Pileser) nga hari sa Asiria. Gibihag ni Pul ang mga tribo ni Reuben, Gad, ug ang katunga sa tribo ni Manase, ug gidala sa Hala, Habor, Hara, ug sa Suba sa Gozan, diin atua sila hangtod karon.

Ang mga Kaliwat ni Levi nga mga Pari

6 Mao kini ang mga anak ni Levi: si Gershon,^[an] Kohat, ug Merari. ² Ang mga anak ni Kohat mao sila si Amram, Izhar, Hebron, ug Uziel. ³ Ang mga anak ni Amram mao sila si Aaron, Moises, ug Miriam. Ang mga anak ni Aaron mao sila si Nadab, Abihu, Eleazar, ug Itamar. ⁴ Si Eleazar amahan ni Finehas, si Finehas amahan ni Abishua, ⁵ ug si Abishua amahan ni Buki. Si Buki amahan ni Uzi, ⁶ si Uzi amahan ni Zerahia, ug si Zerahia amahan ni Merayot. ⁷ Si Merayot amahan ni Amaria, si Amaria amahan ni Ahitub, ⁸ ug si Ahitub amahan ni Zadok. Si Zadok amahan ni Ahimaaz, ⁹ si Ahimaaz amahan ni Azaria, ug si Azaria amahan ni Johanan. ¹⁰ Si Johanan amahan ni Azaria nga mao ang nagaalagad ingon nga pari sa templo nga gipatukod ni Solomon didto sa Jerusalem. ¹¹ Si Azaria amahan ni Amaria, si Amaria amahan ni Ahitub, ¹² ug si Ahitub amahan ni Zadok. Si Zadok amahan ni Shalum, ¹³ si Shalum amahan ni Hilkia, ug si Hilkia amahan ni Azaria. ¹⁴ Si Azaria amahan ni Seraya, ug si Seraya amahan ni Jehozadak. ¹⁵ Kini si Jehozadak naapil pagkabihag sa dihang gipabihag sa Ginoo ang katawhan sa Jerusalem ug Juda kang Nebucadnezar.

Ang mga Kaliwat ni Levi nga mga Levita

¹⁶ Ang mga anak ni Levi mao sila si Gershon, Kohat, ug Merari. ¹⁷ Ang mga anak ni Gershon mao si Libni ug si Shimei. ¹⁸ Ang mga anak ni Kohat mao sila si Amram, Izhar, Hebron, ug Uziel. ¹⁹ Ang mga anak ni Merari mao si Mali ug si Mushi.

Mao kini ang mga pamilya sa mga Levita, nga nalista sumala sa ilang mga katigulangan:

²⁰ Sa mga kaliwat ni Gershon: si Libni, Jahat, Zima, ²¹ Joa, Iddo, Zera, ug si Jeaterai.

²² Sa mga kaliwat ni Kohat: si Aminadab, Kora, Asir, ²³ Elkana, Ebiasaf,^[ao] Asir, ²⁴ Tahat, Uriel, Uzia, ug si Shaul. ²⁵ Sa mga kaliwat ni Elkana: sila si Amasai, Ahimot, ²⁶ Elkana, Zofai, Nahat, ²⁷ Eliab, Jeroham, Elkana, ug Samuel.^{[ap] 28} Ang mga anak ni Samuel mao si Joel,^[aq] ang kamagulangan, ug ang ikaduha mao si Abia.

²⁹ Sa mga kaliwat ni Merari: sila si Mali, Libni, Shimei, Uza, ³⁰ Shimea, Haggia, ug si Asaya.

Ang mga Musikero sa Templo

³¹ Mao kini ang mga tawo nga gitugyanan ni David sa pag-awit ug pagtukar diha sa balay sa Ginoo human mabalhin didto ang sudlanan sa Kasabotan. ³² Nagaalagad sila pinaagi sa pag-awit didto sa Tolda nga Simbahan, nga gitawag usab ug Tolda nga Tagboanan, hangtod sa panahon nga napatukod ni Solomon ang templo sa Ginoo didto sa Jerusalem. Gihimo nila ang ilang buluhaton sumala sa mga lagda nga gihatag kanila. ³³ Mao kini sila ang mga nagaalagad uban sa ilang mga anak:

Ang kaliwat ni Kohat nga si Heman nga usa ka musikero. (Si Heman anak ni Joel. Si Joel anak ni Samuel. Si Samuel anak ni Elkana. ³⁴ Si Elkana anak ni Jeroham. Si Jehoram anak ni Eliel. Si Eliel anak ni Toa. ³⁵ Si Toa anak ni Zuf. Si Zuf anak ni Elkana. Si Elkana anak ni Mahat. Si Mahat anak ni Amasai. ³⁶ Si Amasai anak ni Elkana. Si Elkana anak ni Joel. Si Joel anak ni Azaria. Si Azaria anak ni Zefanias. ³⁷ Si Zefanias anak ni Tahat. Si Tahat anak ni Asir. Si Asir anak ni Ebiasaf. Si Ebiasaf anak ni Kora. ³⁸ Si Kora anak ni Izhar. Si Izhar anak ni Kohat. Si Kohat anak ni Levi. Si Levi anak ni Israel.)

³⁹ Ang kaliwat ni Gershon nga si Asaf nga mao ang luyo-luyo ni Heman. (Si Asaf anak ni Berekia. Si Berekia anak ni Shimea. ⁴⁰ Si Shimea anak ni Micael. Si Micael anak ni Baaseya. Si Baaseya anak ni Malkia. ⁴¹ Si Malkia anak ni Etni. Si Etni anak ni Zera. Si Zera anak ni Adaya. ⁴² Si Adaya anak ni Etan. Si Etan anak ni Zima. Si Zima anak ni Shimei. ⁴³ Si Shimei anak ni Jahat. Si Jahat anak ni Gershon. Si Gershon anak ni Levi.)

⁴⁴ Ang kaliwat ni Merari nga si Etan nga mao ang ikaduhang sinaligan ni Heman. (Si Etan anak ni Kishi. Si Kishi anak ni Abdi. Si Abdi anak ni Maluc. ⁴⁵ Si Maluc anak ni Hashabia. Si Hashabia anak ni Amazia. Si Amazia anak ni Hilkia. ⁴⁶ Si Hilkia anak ni Amzi. Si Amzi anak ni Bani. Si Bani anak ni Shemer. ⁴⁷ Si Shemer anak ni Mali. Si Mali anak ni Mushi. Si Mushi anak ni Merari. Ug si Merari anak ni Levi.)

⁴⁸ Ang ilang mga paryente nga sama usab kanila nga mga Levita, gisaligan sa ubang mga buluhaton sa Tolda nga Tagboanan, ang balay sa Dios. ⁴⁹ Apan si Aaron ug ang iyang mga kaliwat mao ang nagahalad sa mga halad nga sinunog ug sa insenso. Sila usab ang nagabuhat sa tanang buluhaton nga may kalabotan sa Labing Balaang Dapit, ug sa paghalad alang sa kapasayloan sa sala sa Israel. Gihimo nila kini sumala sa tanang gisugo ni Moises nga alagad sa Dios. ⁵⁰ Mao kini ang mga kaliwat ni Aaron: si Eleazar, Finehas, Abishua, ⁵¹ Buki, Uzi, Zerahia, ⁵² Merayot, Amaria, Ahitub, ⁵³ Zadok, ug Ahimaaz.

Ang mga Yuta sa mga Kaliwat ni Levi

⁵⁴ Mao kini ang mga dapit nga gihatag ngadto sa mga kaliwat ni Aaron nga gikan sa pamilya ni Kohat. Sila ang unang gihatagan ug yuta pinaagi sa pagripa. ⁵⁵ Naglangkob kini sa Hebron sa Juda ug sa mga sabsabanan sa palibot niini. ⁵⁶ Apan ang mga kaumahan ug ang mga baryo sa palibot sa Hebron gihatag kang Caleb nga anak ni Jefune. ⁵⁷ Busa gihatag ngadto sa mga kaliwat ni Aaron kining mosunod nga mga dapit lakip ang mga sabsabanan niini: Hebron (ang dalangpanan nga lungsod), Libna, Jatir, Eshtemoa, ⁵⁸ Hilen,^[ar] Debir, ⁵⁹ Ashan,^[as] Juta,^[at] ug Bet Shemesh. ⁶⁰ Ug gikan sa yuta sa tribo ni Benjamin gihatag kanila ang Gibeon,^[au] Geba, Alemet, ug Anatot, lakip na ang mga sabsabanan niini nga mga dapit. 13 tanan ka lungsod ang gihatag ngadto sa mga kaliwat ni Kohat. ⁶¹ Ang ubang mga kaliwat ni Kohat gihatagan pinaagi sa pagripa ug napulo ka lungsod gikan sa kayutaan sa katunga sa tribo ni Manase.

⁶² Ang mga kaliwat ni Gershon gihatagan ug 13 ka lungsod gikan sa bahin sa mga tribo ni Isacar, Asher, Naftali, ug gikan sa katunga sa tribo ni Manase didto sa Basan.

⁶³ Ang mga kaliwat ni Merari gihatagan ug 12 ka lungsod gikan sa tribo ni Reuben, Gad, ug Zebulun.

^64-65 Busa gihatag sa mga Israelinhon ngadto sa mga kaliwat ni Levi, pinaagi sa pagripa, ang nasangpit nga mga lungsod nga gikan sa tribo ni Juda, Simeon, ug Benjamin. ⁶⁶ Ang uban nga mga kaliwat ni Kohat gihatagan ug mga lungsod gikan sa tribo ni Efraim. ^67-69 Gihatag kanila kining mosunod nga mga dapit apil ang mga sabsabanan libot niini: ang Shekem (ang dalangpanan nga lungsod) sa kabungtoran sa Efraim, ang Gezer, Jokmeam, Bet Horon, Ayalon ug Gat Rimon. ⁷⁰ Ang uban pa nga kaliwat ni Kohat gihatagan sa ilang isigka-Israelinhon ug mga lungsod gikan sa bahin sa katunga sa tribo ni Manase. Ang gihatag kanila mao ang Aner ug Bileam, lakip na ang mga sabsabanan niini.

⁷¹ Ang mga kaliwat ni Gershon gihatagan niining mosunod nga mga lungsod: Gikan sa katunga sa tribo ni Manase: Golan sa Basan, ug ang Ashtarot, lakip ang mga sabsabanan niini. ^72-73 Gikan sa tribo ni Isacar: Ang Kedesh, Daberat, Ramot, ug Anem, lakip ang mga sabsabanan niini. ^74-75 Gikan sa tribo ni Asher: Mashal, Abdon, Hukok, ug Rehob, lakip ang mga sabsabanan niini. ⁷⁶ Gikan sa tribo ni Naftali: Kedesh sa Galilea, Hamon, ug Kiriataim, lakip ang mga sabsabanan niini.

⁷⁷ Ang ubang mga kaliwat ni Merari gihatagan niining mosunod nga kayutaan: Gikan sa tribo ni Zebulun: Jokneam, Karta,^[av] Rimono, ug Tabor, lakip ang mga sabsabanan niini. ⁷⁸ Gikan sa tribo ni Reuben, sa tabok sa Suba sa Jordan sa sidlakang bahin sa Jerico: Bezer sa disyerto, Jaza,^{[aw] 79} Kedemot, ug Mefaat, lakip ang mga sabsabanan niini. ⁸⁰ Ug gikan sa tribo ni Gad: Ramot sa Gilead, Mahanaim, ⁸¹ Heshbon, ug Jazer, lakip ang mga sabsabanan niini.

Ang mga Kaliwat ni Isacar

7 Si Isacar may upat ka anak nga sila si Tola, Pua, Jashub, ug Shimron. ² Ang mga anak ni Tola mao sila si Uzi, Refaya, Jeriel, Jamai, Ibsam, ug Shemuel.^[ax] Kini sila mga pangulo sa mga pamilya sa mga kaliwat ni Tola. Sa panahon ni Haring David, may 22,600 ka maisog nga mga sundalo gikan sa mga kaliwat ni Tola.

³ Ang anak ni Uzi mao si Izrahia. Si Izrahia ug ang iyang upat ka anak nga sila si Micael, Obadia, Joel, ug Ishia mga pangulo sa ilang mga kaliwat. ⁴ Daghan silag asawa ug mga anak. Sumala sa listahan sa ilang mga kaliwat, aduna silay 36,000 ka maisog nga mga sundalo nga andam na sa pagpakiggira. ⁵ Sa ilang mga paryente nga sakop sa tibuok pamilya ni Isacar may 87,000 ka maisog nga mga sundalo sumala sa listahan sa ilang mga kaliwat.

Ang mga Kaliwat ni Benjamin

⁶ Si Benjamin may tulo ka anak nga mao sila si Bela, Beker, ug Jediel. ⁷ Si Bela may lima ka anak nga mao sila si Ezbon, Uzi, Uziel, Jerimot, ug Iri. Mga pangulo sila sa ilang mga kaliwat. Ang gidaghanon sa ilang maisog nga mga sundalo mikabat ug 22,034 basi sa listahan sa ilang mga kaliwat. ⁸ Ang mga anak ni Beker mao sila si Zemira, Joas, Eliezer, Elioenai, Omri, Jeremot, Abia, Anatot, ug Alemet. Silang tanan ang mga anak ni Beker. ⁹ Ang gidaghanon sa ilang maisog nga mga sundalo mikabat ug 20,200. Kini sila ug ang mga pangulo sa ilang mga pamilya nalista sa listahan sa ilang mga kaliwat. ¹⁰ Ang anak ni Jediel mao si Bilhan. Ang mga anak ni Bilhan mao sila si Jeush, Benjamin, Ehud, Kenaana, Zetan, Tarshish, ug Ahishahar. ¹¹ Kini sila mga pangulo sa ilang mga pamilya. May 17,200 sila ka maisog nga mga sundalo nga andam na sa pagpakiggira. ¹² Ang mga anak ni Ir mao sila si Shupim ug si Hupim, ug ang anak ni Aher mao si Hushim.

Ang mga Kaliwat ni Naftali

¹³ Ang mga anak ni Naftali kang Bilha mao sila si Jaziel,^[ay] Guni, Jezer, ug Shalum.^[az]

¹⁴ Si Manase may duha ka anak sa iyang asawa nga Aramehanon. Sila mao si Asriel ug si Makir. Si Makir amahan ni Gilead. ¹⁵ Nangasawa si Makir ug usa ka babaye gikan sa mga Hufanon ug Shufanon.^[ba] Ang ngalan sa iyang igsoon nga babaye^[bb] mao si Maaca. Ang ikaduha niyang anak mao si Zelofehad kansang mga anak pulos babaye. ¹⁶ May mga anak usab si Makir kang Maaca. Ginganlan sila ni Maaca ug Peresh ug Sheresh. Ang mga anak ni Peresh mao sila si Ulam ug si Rakem. ¹⁷ Ang anak ni Ulam mao si Bedan. Mao kini sila ang mga kaliwat ni Gilead nga anak ni Makir ug apo ni Manase. ¹⁸ Ang igsoon nga babaye ni Gilead^[bc] nga si Hamoleket may mga anak nga sila si Ishhod, Abiezer, ug Mala.

¹⁹ Ang mga anak ni Shemida mao sila si Ahian, Shekem, Likhi, ug Aniam.

Ang mga Kaliwat ni Efraim

²⁰ Mao kini ang mga kaliwat ni Efraim: si Shutela, Bered, Tahat, Eleada, ²¹ Zabad, ug Shutela. May lain pang duha ka mga anak si Efraim nga mao sila si Ezer ug si Elead. Apan gipatay sila sa mga lumad sa Gat sa dihang misulay sila sa pagpangawat sa mga kahayopan niini. ²² Dugay kaayong nagsubo si Efraim sa ilang kamatayon, ug nangadto ang iyang mga paryente sa paghupay sa iyang kasubo. ²³ Unya nakigdulog si Efraim sa iyang asawa ug namabdos kini ug nanganak ug lalaki. Ginganlan ni Efraim ang bata ug Beria,^[bd] tungod sa katalagman nga midangat sa iyang pamilya. ²⁴ May anak nga babaye si Efraim nga si Sheera. Siya mao ang nagtukod sa ubos ug ibabaw nga bahin sa Bet Horon ug sa Uzen Sheera. ²⁵ May mga kaliwat pa si Efraim nga mao sila si Reshef, Tela, Tahan, ²⁶ Ladan, Amihud, Elishama, ²⁷ Nun, ug Josue.

²⁸ Ang mga yuta nga gipanag-iya ug gipuy-an sa mga kaliwat ni Efraim mao ang Betel ug ang palibot niini nga mga baryo, ang Naaran sa sidlakan, ang Gezer sa kasadpan ug ang mga baryo sa palibot niini, ang Shekem ug ang mga baryo sa palibot niini paingon sa Aya ug sa mga baryo niini. ²⁹ Ila usab ang mosunod nga mga lungsod nga sikbit sa yuta sa mga kaliwat ni Manase: ang mga lungsod sa Bet Shan, Taanac, Megido, ug Dor, lakip ang mga baryo sa palibot niini.

Dinhi niining mga lungsora nagpuyo ang mga kaliwat ni Jose nga anak ni Israel.^[be]

Ang mga Kaliwat ni Asher

³⁰ Ang mga anak ni Asher mao sila si Imnah, Ishva, Ishvi, ug Beria. Ang ilang igsoon nga babaye mao si Sera. ³¹ Ang mga anak ni Beria mao si Heber ug si Malkiel. Si Malkiel amahan ni Birzait. ³² Si Heber amahan nila ni Jaflet, Shomer, ug Hotam. Ang ilang igsoon nga babaye mao si Shua. ³³ Ang mga anak ni Jaflet mao sila si Pasac, Bimhal, ug Ashvat.

³⁴ Ang mga anak ni Shomer mao sila si Ahi, Roga, Huba, ug Aram. ³⁵ Ang mga anak sa igsoon ni Shomer nga si Helem^[bf] mao sila si Zofa, Imna, Shelesh, ug Amal. ³⁶ Ang mga anak ni Zofa mao sila si Sua, Harnefer, Shual, Beri, Imra, ³⁷ Bezer, Hod, Shama, Shilsha, Itran,^[bg] ug Beera. ³⁸ Ang mga anak ni Jeter mao sila si Jefune, Pispa, ug Ara. ³⁹ Ang mga anak ni Ula mao sila si Ara, Haniel, ug Rizia. ⁴⁰ Silang tanan ang mga kaliwat ni Asher. Mga pangulo sila sa ilang mga kaliwat, ug maisog sila nga mga sundalo ug bantogan nga mga pangulo. Ang gidaghanon sa mga lalaki nga kaliwat ni Asher nga andam na sa pagpakiggira mikabat ug 26,000 basi sa nalista sa listahan sa ilang mga kaliwat.

Ang mga Kaliwat ni Benjamin

8 Mao kini ang mga anak ni Benjamin gikan sa kamagulangan hangtod sa kamanghoran: sila si Bela, Ashbel, Ahara, ² Noha, ug Rafa. ³ Ang mga anak ni Bela mao sila si Adar, Gera, Abihud,^{[bh] 4} Abishua, Naaman, Ahoa, ⁵ Gera, Sefufan, ug Huram. ⁶ Ang mga kaliwat ni Ehud, nga mga pangulo sa mga pamilya nga nagpuyo sa Geba namalhin ngadto sa Manahat. ⁷ Sila mao si Naaman, si Ahia, ug si Gera. Kini si Gera nga amahan ni Uza ug ni Ahihud maoy nangulo kanila sa pagbalhin.

⁸ Gibulagan ni Shaharaim ang iyang mga asawa nga sila si Hushim ug si Baara. Unya mipuyo siya sa Moab ug nakabaton ug mga anak ⁹ sa iyang asawa nga si Hodesh. Mao kini ang iyang mga anak: sila si Jobab, Zibia, Mesha, Malcam, ¹⁰ Jeuz, Sakia, ug Mirma. Kini sila nahimong mga pangulo sa ilang mga pamilya. ¹¹ May mga anak usab si Shaharaim sa iyang asawa nga si Hushim. Sila mao si Abitub ug si Elpaal. ¹² Ang mga anak ni Elpaal mao sila si Eber, Misham, Shemed (nga nagtukod sa mga lungsod sa Ono ug Lod, ug sa mga baryo sa palibot niini), ¹³ Beria, ug si Shema. Sila ang mga pangulo sa mga pamilya nga nagpuyo sa Ayalon. Sila usab ang miabog sa mga lumulupyo sa Gat. ^14-16 Ang mga anak ni Beria mao sila si Ahio, Shashak, Jeremot, Zebadia, Arad, Eder, Micael, Ishpa, ug Joha.

^17-18 Ang mga anak ni Elpaal mao sila si Zebadia, Meshulam, Hizki, Heber, Ishmerai, Izlia, ug si Jobab.

^19-21 Ang mga anak ni Shimei mao sila si Jakim, Zicri, Zabdi, Elienai, Ziletai, Eliel, Adaya, Beraya, ug Shimrat.

^22-25 Ang mga anak ni Shashak mao sila si Ishpan, Eber, Eliel, Abdon, Zicri, Hanan, Hanania, Elam, Antotia, Ifdea, ug Penuel. ^26-27 Ang mga anak ni Jeroham mao sila si Shamsherai, Sheharia, Atalia, Jaareshia, Elias, ug Zicri. ²⁸ Sila ang mga pangulo sa ilang mga pamilya sumala sa nalista sa listahan sa ilang mga kaliwat, ug nagpuyo sila sa Jerusalem.

²⁹ Si Jeiel^[bi] nga amahan ni Gibeon nagpuyo sa Gibeon. Ang ngalan sa iyang asawa mao si Maaca. ³⁰ Ang iyang mga anak gikan sa kamagulangan hangtod sa kamanghoran mao sila si Abdon, Zur, Kish, Baal, Ner,^[bj] Nadab, ³¹ Gedor, Ahio, Zeker, ³² ug Miklot (nga amahan ni Shimea). Nagpuyo sila duol sa ilang mga paryente sa Jerusalem. ³³ Si Ner amahan ni Kish, si Kish amahan ni Saul, ug si Saul amahan nila ni Jonatan, Malkishua, Abinadab, ug Eshbaal.^{[bk] 34} Ang anak ni Jonatan mao si Merib Baal^[bl] nga amahan ni Micas. ³⁵ Ang mga anak ni Micas mao sila si Piton, Melec, Tarea, ug Ahaz. ³⁶ Si Ahaz amahan ni Jehoada, ug si Jehoada amahan nila ni Alemet, Azmavet, ug Zimri. Si Zimri amahan ni Moza, ³⁷ ug si Moza amahan ni Binea. Ang anak ni Binea mao si Rafah,^[bm] ang anak ni Rafah mao si Eleasa, ug ang anak ni Eleasa mao si Azel. ³⁸ Si Azel may unom ka mga anak nga mao sila si Azrikam, Bokeru, Ishmael, Shearia, Obadia, ug Hanan. ³⁹ Ang mga anak sa igsoon ni Azel nga si Eshek mao sila si Ulam ang kamagulangan, Jeush ang ikaduha, ug Elifelet ang ikatulo. ⁴⁰ Maisog nga mga sundalo ang mga anak ni Ulam ug hanas silang mogamit sa pana. Daghan silag mga anak ug mga apo—150 tanan.

Mao kini silang tanan ang mga kaliwat ni Benjamin.

9 Ang tanang Israelinhon nalista sa listahan sa mga kaliwat sa libro sa mga sugilanon bahin sa mga hari sa Israel. Gibihag ang katawhan sa Juda ngadto sa Babilonia tungod kay wala sila nagmatinumanon sa Ginoo. ² Ang unang nakabalik sa ilang kaugalingong yuta didto sa ilang mga lungsod mao ang yanong mga Israelinhon, mga pari, mga Levita, ug mga sulugoon sa templo.

³ Mao kini ang mga katawhan sa Juda, Benjamin, Efraim, ug Manase nga mibalik ug mipuyo sa Jerusalem:

690 silang tanang gikan sa tribo ni Juda.

⁷ Gikan sa tribo ni Benjamin:

⁹ Kini silang tanan mga pangulo sa ilang mga pamilya. 956 tanan ka mga tawo gikan sa tribo ni Benjamin ang mibalik, sumala sa nalista sa talaan sa ilang mga kaliwat.

¹⁰ Gikan sa mga pari:

¹³ Ang mga pari nga nakabalik 1,760 tanan. Mga pangulo sila sa ilang mga pamilya, ug maayo sila nga mga pangulo. Sila ang tinugyanan sa pag-alagad diha sa templo sa Dios.

¹⁴ Gikan sa mga Levita:

¹⁷ Gikan sa mga guwardya sa pultahan:

Si Shalum ang ilang pangulo. ¹⁸ Hangtod karon sila ang guwardya sa Pultahan sa Hari sa sidlakan nga bahin sa lungsod. Sila kaniadto ang mga guwardya sa pultahan sa kampo sa mga kaliwat ni Levi. ¹⁹ Si Shalum anak ni Kore ug apo ni Ebiasaf,^[bn] nga gikan sa pamilya ni Kora. Si Shalum ug ang iyang mga paryente nga mga kaliwat ni Kora maoy gitugyanan sa pagguwardya sa pultahan sa Tolda nga Tagboanan sama sa ilang mga katigulangan nga gitugyanan sa pagguwardya sa pultahan sa balay^[bo] sa Ginoo. ²⁰ Kaniadto si Finehas nga anak ni Eleazar mao ang nagdumala sa mga guwardya sa pultahan, ug giubanan siya sa Ginoo.

²¹ Si Zacarias nga anak ni Meshelemia guwardya usab sa pultahan sa Tolda nga Tagboanan.

²² Ang mga guwardya sa pultahan 212 tanan, ug nalista sila sa talaan sa ilang mga kaliwat didto sa ilang mga baryo. Gibutang sila ni David ug ni Samuel nga propeta sa maong katungdanan tungod kay kasaligan sila. ²³ Sila ug ang ilang mga kaliwat mao ang gitugyanan sa pagguwardya sa mga pultahan sa balay sa Ginoo—nga gitawag usab ug Tolda. ²⁴ Nagbantay sila sa upat ka kilid: sa sidlakan, kasadpan, amihan, ug habagatan. ²⁵ Usahay ang ilang mga paryente nga nagpuyo sa mga baryo mopuli kanila sa pagbantay sulod sa pito ka adlaw. ²⁶ Apan ang upat ka mga pangulong guwardya, nga mga kaliwat ni Levi, mao ang gitugyanan sa mga bodega ug bahandi sa templo. ²⁷ Tibuok gabii sila nga magbantay sa palibot sa templo kay mao kini ang ilang katungdanan, ug sila usab ang moabli sa mga pultahan niini matag buntag.

²⁸ Ang uban kanila mao ang gitugyanan sa pag-atiman sa mga kagamitan alang sa pagsimba. Ginaihap nila kini sa dili pa gamiton ug sa human kini gamita. ²⁹ Ang uban gitugyanan sa pag-atiman sa uban pang mga kagamitan sa templo apil na ang harina, bino, lana, insenso, ug mga pahumot. ³⁰ Apan ang ubang mga pari ang nagaandam sa mga pahumot. ³¹ Si Matitia nga kaliwat ni Levi, nga kamagulangan nga anak ni Shalum nga kaliwat ni Kora, mao ang gitugyanan sa pagluto sa pan nga gamiton sa paghalad. ³² Ug pipila sa mga kaliwat ni Kohat mao ang gitugyanan sa pag-andam sa pan nga ibutang sa lamisa matag Adlaw nga Igpapahulay. ³³ Ang mga musikero sa templo nga mga pangulo usab sa mga pamilya sa kaliwat ni Levi didto magpuyo sa mga kuwarto sa templo. Wala na sila hatagi ug lain pang mga buluhaton, tungod kay adlaw ug gabii silang nagahimo sa ilang katungdanan. ³⁴ Kini silang tanan mga pangulo sa mga pamilya nga mga kaliwat ni Levi, ug nalista sila sa talaan sa ilang mga kaliwat. Nagpuyo sila sa Jerusalem.

Ang mga Kaliwat ni Saul

(1 Cro. 8:29-38)

³⁵ Si Jeiel nga amahan ni Gibeon nagpuyo sa Gibeon. Ang ngalan sa iyang asawa mao si Maaca. ³⁶ Ang iyang mga anak gikan sa kamagulangan hangtod sa kamanghoran mao sila si Abdon, Zur, Kish, Baal, Ner, Nadab, ³⁷ Gedor, Ahio, Zacarias, ug Miklot ³⁸ (nga amahan ni Shemeam.) Nagpuyo sila duol sa ilang mga paryente sa Jerusalem. ³⁹ Si Ner amahan ni Kish, si Kish amahan ni Saul, ug si Saul amahan nila ni Jonatan, Malkishua, Abinadab, ug Eshbaal. ⁴⁰ Ang anak ni Jonatan mao si Merib Baal nga amahan ni Micas. ⁴¹ Ang mga anak ni Micas mao sila si Piton, Melec, Tarea, ug Ahaz.^{[bp] 42} Si Ahaz amahan ni Jada, ug si Jada amahan nila ni Alemet, Azmavet, ug Zimri. Si Zimri amahan ni Moza, ⁴³ ug si Moza amahan ni Binea. Ang anak ni Binea mao si Refaya, ang anak ni Refaya mao si Eleasa, ug ang anak ni Eleasa mao si Azel. ⁴⁴ Si Azel may unom ka mga anak nga mao sila si Azrikam, Bokeru, Ishmael, Shearia, Obadia, ug Hanan.