Beginning

24 ^(A)Teweegombanga bakozi ba bibi
    era tobeesemberezanga.
^2 (B)Kubanga emitima gyabwe giteesa kukola bya butemu,
    era akamwa kaabwe koogera ku kukola bya ffujjo.

^3 (C)Amagezi ge gazimba ennyumba,
    n’okutegeera kwe kugiggumiza.
^4 (D)Olw’amagezi ebisenge by’ayo bijjula ebintu ebirungi,
    eby’obugagga ebitalabikalabika eby’omuwendo omungi.

⁵ Omuntu ow’amagezi aba n’obuyinza,
    n’omuntu alina okumanya yeeyongera amaanyi.
^6 (E)Kubanga okulwana olutalo weetaaga okuluŋŋamizibwa,
    n’okuluwangula, weetaaga abawi b’amagezi bangi.

⁷ Amagezi gasukkirira nnyo omusirusiru,
    talina ky’asobola kwogera mu lukuŋŋaana olw’oku wankaaki.

⁸ Oyo asala enkwe ez’okukola ebibi,
    aliyitibwa mukujjukujju.
⁹ Entegeka ez’obusirusiru muvaamu kwonoona,
    abantu beetamwa omukudaazi.

^10 (F)Bw’oyongobera mu kiseera eky’ebizibu,
    olwo ng’olina amaanyi matono!
^11 (G)Odduukiriranga n’owonya abo abatwalibwa okuttibwa,
    n’abo abali ku njegoyego z’okuttibwa, obawonye okuttirwa obwemage.
^12 (H)Bw’ogambanga nti, “Laba kino twali tetukimanyi,”
    oyo akebera emitima aba talaba?
Oyo akuuma obulamu bwo takimanyi?
    Talisasula buli muntu ng’omulimu gwe bwe guli?

¹³ Mwana wange olyanga omubisi gw’enjuki kubanga mulungi,
    omubisi oguva mu bisenge byagwo guwoomerera.
^14 (I)Era manya nti amagezi gawoomera emmeeme yo,
    bw’onoogafuna onoobeera n’essuubi mu bulamu obw’omu maaso,
    n’essuubi lyo teririkoma.

¹⁵ Toteeganga, ng’omunyazi bw’akola ku nnyumba y’omutuukirivu,
    tonyaganga maka ge.
^16 (J)Omuntu omutuukirivu ne bw’agwa emirundi omusanvu, addamu n’ayimuka,
    naye abakozi b’ebibi basuulibwa mu mitawaana.

^17 (K)Tosanyukanga ng’omulabe wo agudde,
    bwe yeesittalanga omutima gwo gulemenga okujaguza.
¹⁸ Si kulwa nga Mukama akiraba ne kitamusanyusa,
    n’amusunguwalira.

^19 (L)Teweeraliikiriranga olw’abo abakola ebibi,
    so abakozi b’ebibi tobakwatirwanga buggya.
^20 (M)Kubanga omuntu omubi talina ssuubi mu maaso,
    ettabaaza y’abakozi b’ebibi erizikizibwa.

^21 (N)Mwana wange otyanga Mukama, ne kabaka,
    era teweetabanga na bajeemu.
²² Kubanga obusungu bwabwe bulibuubuukira ku bajeemu
    era ani amaanyi akabi akalibatuukako?

²⁶ Eky’okuddamu eky’amazima,
    kiri ng’okunywegerwa.

²⁷ Malirizanga omulimu gwo ogw’ebweru,
    oteeketeeke ennimiro zo,
    n’oluvannyuma olyoke weezimbire ennyumba yo.

^28 (Q)Towanga bujulizi bwa bulimba ku muliraanwa wo,
    so akamwa ko tekalimbanga.
^29 (R)Toyogeranga nti, “Omuntu oyo ndimukola nga bw’ankoze,
    era ndimusasuza nga bw’ampisizza.”

^30 (S)Nayita ku nnimiro ey’omugayaavu,
    ne mpita ne ku nnimiro y’emizabbibu ey’oyo atalina kutegeera.
³¹ Kale laba, ng’ennimiro eyo ebunye amaggwa,
    wansi wonna nga wabikkiddwa omuddo,
    n’olukomera lwayo olw’amayinja nga lugudde.
³² Ne neekaliriza ne ntegeera
    ne nfuna ekyokuyiga mu bye nalaba.
^33 (T)Otulo otutonotono, n’okusumagira akatono,
    n’okufunya emikono okuwummulako,
^34 (U)obwavu bulikutuukako ng’omutemu,
    era n’obwetaavu ng’omutemu.

³ Ng’eggulu bwe lyewanise waggulu ennyo n’ensi bw’ekka ennyo wansi,
    bwe gityo n’emitima gya bakabaka bwe gitategeerekeka.

⁴ Effeeza giggyeemu ebisejja,
    olyoke ofune omuweesi ky’anaakozesa.
^5 (X)Ggyawo abakozi b’ebibi mu maaso ga kabaka,
    entebe ye ey’obwakabaka eryoke enywezebwe mu butuukirivu.

⁶ Teweekuzanga mu maaso ga kabaka,
    wadde okwewa ekifo mu bantu ab’ekitiibwa.
^7 (Y)Kubanga okukugamba nti, “Jjangu wano mu maaso,”
    kisingako okukuswaza mu maaso g’ow’ekitiibwa.

^8 (Z)Amaaso go bye galabye
    tobyanguyirizanga kubireeta mu mbuga,
kubanga oluvannyuma onookola otya
    munno bw’anaakuswaza?

⁹ Bw’owozanga ne muliraanwa wo,
    tobikkulanga kyama kya muntu mulala,
¹⁰ akiwulira aleme okukuswaza;
    n’onyoomebwa ebbanga lyonna.

^11 (AA)Ekigambo ekyogere nga bwe kisaanidde,
    kiba kya muwendo nnyo nga zaabu gwe batonye mu bintu bye bakoze mu ffeeza.

^12 (AB)Ng’empeta ey’omu kutu eya zaabu, oba akakomo aka zaabu ennungi,
    bw’atyo omuntu ow’amagezi anenya, bw’abeera eri okutu okuwuliriza.

^13 (AC)Ng’obunnyogovu bw’omuzira bwe bubeera mu biseera eby’okukunguliramu,
    bw’atyo bw’abeera omubaka omwesigwa eri abo abamutuma,
    aweweeza emmeeme ya bakama be.

¹⁴ Ng’ebire n’empewo omutali nkuba,
    omuntu asuubiza ebirabo by’atagaba bw’abeera.

^16 (AE)Bw’ozuula omubisi gw’enjuki, lyako ogwo gwokka ogukumala,
    si kulwa ng’ogukkuta nnyo n’ogusesema.
¹⁷ Tokyalanga lunye ewa muliraanwa wo,
    si kulwa ng’akwetamwa n’akukyawa.

^18 (AF)Omuntu awa obujulizi obw’obulimba ku muliraanwa we,
    ali ng’embuukuuli, oba ekitala, oba akasaale akoogi.

¹⁹ Okwesiga omuntu ateesigika,
    kiri ng’oli alina erinnyo eddwadde oba ekigere ekirema.

²⁰ Ng’omuntu eyeeyambula engoye mu kiseera eky’obutiti,
    era ng’omwenge omukaatuufu bwe guteekebwako oluvu,
    bw’atyo bw’abeera ayimbira oyo ali mu buyinike.

²¹ Omulabe wo bw’aba alumwa enjala, muwe emmere alye,
    bw’aba alumwa ennyonta muwe amazzi anywe.
^22 (AG)Kubanga oliba otuuma amanda g’omuliro ku mutwe gwe,
    era Mukama alikuwa empeera.

²³ Ng’empewo ey’obukiikakkono bwereeta enkuba,
    n’olulimi oluyomba bwe luleetera omuntu obusungu.

^24 (AH)Okusulanga mu kasonda waggulu ku nnyumba,
    kisinga okubeera n’omukazi omuyombi mu nnyumba.

^25 (AI)Ng’amazzi amannyogovu bwe gaba eri emmeeme erumwa ennyonta,
    bwe gatyo bwe gaba amawulire amalungi agava mu nsi ey’ewala.

²⁶ Ng’oluzzi olusiikuuse, oba ensulo eyonoonese,
    bw’atyo bw’abeera omutuukirivu eyeewaayo eri omukozi w’ebibi.

^27 (AJ)Si kirungi kulya mubisi gwa njuki mungi,
    bwe kityo si kirungi omuntu okwenoonyeza ekitiibwa.

²⁸ Omuntu ateefuga
    ali ng’ekibuga ekimenyeemenye ne kirekebwa nga tekirina bbugwe.

^2 (AL)Ng’enkazaluggya ewabye, ng’akataayi akabuukabuuka,
    ekikolimo ekitasaanidde tekibaako kye kikola.

^3 (AM)Embooko ya mbalaasi, n’olukoba lwa ndogoyi,
    n’omuggo gusaanira migongo gya basirusirusiru.

^4 (AN)Toyanukulanga musirusiru ng’obusirusiru bwe, bwe buli,
    oleme kubeera nga ye.

^5 (AO)Omusirusiru omuddangamu ng’obusirusiru bwe, bwe buli,
    si kulwa nga yeerowooza nti mugezi.

^6 (AP)Omuntu atuma omusirusiru,
    aba ng’eyeetemyeko ebigere n’anywa obusungu.

^7 (AQ)Ng’amagulu g’omulema bwe galengejja obulengezzi,
    bwe lutyo n’olugero bwe lubeera mu kamwa k’omusirusiru.

^8 (AR)Ng’atadde ejjinja mu nvuumuulo bw’aba,
    n’oyo awa omusirusiru ekitiibwa bw’atyo bw’abeera.

^9 (AS)Ng’eriggwa bwe lifumita mu mukono gw’omutamiivu,
    bwe lutyo n’olugero bwe lubeera mu kamwa k’abasirusiru.

¹⁰ Ng’omulasi w’akasaale, amala galasa buli gw’asanze,
    bw’abeera bw’atyo apangisa omusirusiru oba omuyise yenna gw’asanze.

^11 (AT)Ng’embwa bw’eddira ebisesemye by’ayo,
    bw’atyo bw’abeera omusirusiru adda mu nsobi ze.

^12 (AU)Olaba omuntu omugezi mu maaso ge ye?
    Omusirusiru alina essuubi okumusinga.

^13 (AV)Omugayaavu agamba nti, “Mu kkubo eriyo empologoma,
    empologoma enkambwe eyita mu luguudo!”

^14 (AW)Ng’oluggi bwe lukyukira ku ppata zaalwo,
    bw’atyo omugayaavu bw’akyukira ku kitanda kye.

^15 (AX)Omugayaavu akoza n’engalo ze mu kibya,
    naye olw’obunafu bwe n’atasobola kuzizza mu kamwa.

¹⁶ Omugayaavu alowooza nti mugezi,
    okusinga abantu omusanvu abaddamu ebibuuzo mu butuufu.

¹⁷ Ng’asika embwa amatu,
    omuyise bw’abeera eyeeyingiza mu luyombo olutali lulwe.

¹⁸ Ng’omulalu akasuka
    emmuli ez’omuliro oba obusaale obutta,
¹⁹ bw’abeera omuntu alimba munne,
    n’agamba nti, “Mbadde nsaaga busaazi.”

^20 (AY)Enku bwe zibula omuliro guzikira,
    awatali lugambo ennyombo ziggwaawo.

^21 (AZ)Ng’amanda ku gannaago agaliko omuliro, oba enku ku muliro,
    bw’abeera omusajja omuyombi mu kuwakula entalo.

^22 (BA)Ebigambo by’omuntu ageya biri ng’emmere ewoomerera,
    bigenda mu bitundu by’omubiri eby’ewala.

²³ Ng’ekintu eky’ebbumba ekibikkiddwako amasengere,
    bwe gibeera emimwa eminyiikivu egisibuka ku mutima omubi.

^24 (BB)Omuntu ow’enkwe alimbalimba n’emimwa gye
    naye ng’aterese obulimba mu mutima gwe.
^25 (BC)Wadde nga by’ayogera bisanyusa, tomukkiririzaamu
    kubanga eby’emizizo musanvu bijjuza mu mutima gwe.
²⁶ Enkwe ze ziyinza okubikkibwa mu kubuzaabuuza,
    naye obutali butuukirivu bwe buliggyibwayo mu lukuŋŋaana.

^27 (BD)Buli asima ekinnya y’alikigwamu,
    n’oyo aliyiringisa ejjinja gwe liriddira.

^28 (BE)Olulimi olulimba lukyawa abo be lufumita,
    n’akamwa akawaanawaana kaleeta okuzikirira.