Beginning

¹³ యెహోవా, లెమ్ము, శత్రువు దగ్గరకు వెళ్లి వారు లొంగిపోయేటట్టుగా చేయుము.
    నీ ఖడ్గాన్ని ప్రయోగించి, ఆ దుర్మార్గులనుండి నన్ను రక్షించుము.
¹⁴     యెహోవా, నీ శక్తిని ప్రయోగించి, సజీవుల దేశంలోనుండి ఆ దుర్మార్గులను తొలగించుము.
యెహోవా, నీ యొద్దకు అనేకులు సహాయం కోసం వస్తారు. వాళ్ళకు ఈ జీవితంలో ఏమీ లేదు. ఆ ప్రజలకు ఆహారం సమృద్ధిగా ఇచ్చి, వాళ్ల కడుపులను నింపుము.
    ఆందువల్ల వారి పిల్లలు తినుటకు కూడా సమృద్ధిగా ఉంటుంది. దీనివల్ల వాళ్ల మనుమలు కూడా తినడానికి సమృద్ధిగా ఉంటుంది.

¹⁵ న్యాయం కోసం నేను ప్రార్థించాను. కనుక యెహోవా, నేను నీ ముఖం చూస్తాను.
    మరియు యెహోవా, నేను మేలుకొన్నప్పుడు నిన్ను చూచి పూర్తిగా తృప్తి చెందుతాను.

² యెహోవా నా బండ, నా కోట, నా రక్షకుడు.
    నా దేవుడే నా అండ. నేను ఆశ్రయంకోసం ఆయన యొద్దకు పరుగెత్తుతాను.
దేవుడు నా డాలు, ఆయనే తన శక్తితో నన్ను రక్షిస్తాడు.
    ఎత్తైన కొండలలో యెహోవా నా దాగుకొను స్థలము.

³ యెహోవాకు నేను మొరపెడ్తాను.
    యెహోవా స్తుతించబడుటకు అర్హుడు
    మరియు నా శత్రువుల బారినుండి నేను రక్షించబడుతాను.
^4-5 నా శత్రువులు నా యెదుట ఎన్నో ఉచ్చులు పెట్టారు.
    మరణకరమైన ఉచ్చులు నా యెదుట ఉన్నాయి.
మరణపాశాలు నా చుట్టూరా చుట్టబడి ఉన్నాయి.
    నాశనకరమైన వరదనీళ్లు నన్ను భయపెడుతున్నాయి. మరణపాశాలు అన్నీ చుట్టూరా ఉన్నాయి.
⁶ చిక్కులో పడి, నేను సహాయం కోసం యెహోవాకు మొరపెట్టాను.
    నేను నా దేవుణ్ణి ప్రార్థించాను.
దేవుడు తన పవిత్ర స్థలం నుండి నా ప్రార్థన విన్నాడు.
    సహాయంకోసం నేను చేసిన ప్రార్థనలు ఆయన విన్నాడు.
⁷ యెహోవా నాకు సహాయం చేయటానికి వస్తున్నాడు.
    భూమి కంపించి వణికినది. పర్వతాలు కంపించాయి.
    ఎందుకంటే ప్రభువు కోపించాడు.
⁸ ఆయన ముక్కుల్లో నుండి పొగ లేచింది.
    యెహోవా నోటి నుండి మండుతున్న జ్వాలలు వచ్చాయి.
    నిప్పు కణాలు ఆయన నుండి రేగాయి.
⁹ యెహోవా గగనం చీల్చుకొని దిగి వచ్చాడు.
    ఆయన పాదాల క్రింద నల్లటి మేఘాలు ఉన్నాయి.
¹⁰ ఎగిరే కెరూబుల మీద ఆయన స్వారీ చేశాడు.
    ఆయన గాలుల మీద పైకెగిరాడు.
¹¹ యెహోవాను ఆవరించిన మహా దట్టమైన మేఘంలో ఆయన మరుగైయున్నాడు.
    దట్టమైన ఉరుము మేఘంలో ఆయన మరుగై యున్నాడు.
¹² అప్పుడు, దేవుని ప్రకాశమానమైన వెలుగు మేఘాలనుండి బయలు వెడలినది.
    అంతట వడగండ్లు, మెరుపులు వచ్చినవి.
¹³ యెహోవా యొక్క స్వరం ఆకాశంలో గట్టిగా ఉరిమింది.
    సర్వోన్నతుడైన దేవుడు తన స్వరాన్ని వినిపించాడు. వడగండ్లు, మెరుపులు కలిగాయి.
¹⁴ యెహోవా తన బాణాలు వేయగా శత్రువు చెదరి పోయాడు,
    అనేకమైన ఆయన మెరుపు పిడుగులు వారిని ఓడించాయి.

¹⁵ యెహోవా, నీవు బలంగా మాట్లాడావు,
    మరియు నీవు నీ నోటినుండి^[a] బలమైన గాలిని ఊదావు.
నీళ్లు వెనక్కు నెట్టివేయబడ్డాయి, సముద్రపు అడుగును మేము చూడగలిగాము.
    భూమి పునాదులను మేము చూడగలిగాము.

¹⁶ పై నుండి యెహోవా క్రిందికి అందుకొని నన్ను రక్షించాడు.
    నా కష్టాల్లోనుండి^[b] ఆయన నన్ను బయటకు లాగాడు.
¹⁷ నా శత్రువులు నాకంటె బలవంతులు.
    ఆ మనుష్యులు నన్ను ద్వేషించారు. పైగా వారు నాకంటె చాలా బలం కలవారు. అయినను దేవుడు నన్ను రక్షించాడు.
¹⁸ నా కష్టకాలంలో ఆ మనుష్యులు నా మీద దాడి చేశారు.
    కాని యెహోవా నన్ను బలపర్చాడు.
¹⁹ యెహోవా నన్ను ప్రేమిస్తున్నాడు. కనుక ఆయన నన్ను కాపాడాడు.
    ఆయన నన్ను క్షేమ స్థలానికి తీసికొని వెళ్లాడు.
²⁰ నేను నిర్దోషిని కనుక యెహోవా నాకు ప్రతి ఫలమిచ్చాడు.
    నేను ఏ తప్పు చేయలేదు. కనుక ఆయన నాకు తిరిగి చెల్లించాడు.
²¹ నేను యెహోవాను అనుసరించాను.
    నా దేవునికి విరుద్ధంగా నేను చెడు కార్యాలు చేయలేదు.
²² యెహోవా చట్టాలు, అన్నింటినీ నేను జ్ఞాపకం ఉంచుకున్నాను.
    ఆయన ఆదేశాలను నేను త్రోసివేయ లేదు.
²³ ఆయన ఎదుట నేను నిర్దోషిగా ఉన్నాను.
    నన్ను నేను పాపమునుండి దూరం చేసుకొన్నాను.
²⁴ నేను సరైనదాన్ని చేసినందుకు యెహోవా నాకు ప్రతిఫలమిచ్చాడు.
    నా క్రియలు దేవుని ఎదుట నిర్దోషమైనవి. అందుకే ఆయన నాకు మంచి చేస్తాడు.

²⁵ యెహోవా, నమ్మదగిన మనుష్యులకు నీవు నమ్మదగినవాడవు.
    మరియు మంచి మనుష్యులకు నీవు మంచివాడవు.
²⁶ యెహోవా, మంచివాళ్లకు, పవిత్రమైనవాళ్లకు నీవు మంచివాడవు, పవిత్రమైనవాడవు.
    కాని, గర్విష్ఠులను, టక్కరివాళ్లను నీవు అణచివేస్తావు.
²⁷ యెహోవా, నీవు పేదలకు సహాయం చేస్తావు.
    కాని గర్విష్ఠులను నీవు ప్రాముఖ్యత లేని వారిగా చేస్తావు.
²⁸ యెహోవా, నీవు నా దీపం వెలిగిస్తావు.
    నా దేవా, నా చీకటిని నీవు వెలుగుగా చేస్తావు.
²⁹ యెహోవా, నీ సహాయంతో నేను సైన్య దళాలతో పరుగెత్తగలను.
    నీ సహాయంతో, నేను శత్రువు గోడలు ఎక్కగలను.

³⁰ దేవుని మార్గాలు పవిత్రం, మంచివి. యెహోవా మాటలు సత్యం.
    ఆయనయందు విశ్వాసం ఉంచేవాళ్లను ఆయన భద్రంగా ఉంచుతాడు.
³¹ యెహోవా తప్ప నిజమైన దేవుడు ఒక్కడూ లేడు.
    మన దేవుడు తప్ప మరో బండ^[c] లేదు.
³² దేవుడు నాకు బలం ఇస్తాడు.
    ఆయన నా జీవితాన్ని పావనం చేస్తాడు.
³³ దేవుడు నా కాళ్లను లేడి కాళ్లవలె ఉంచుతాడు.
    ఆయన నన్ను స్థిరంగా ఉంచుతాడు.
    ఎత్తయిన బండలమీద పడకుండా ఆయన నన్ను కాపాడుతాడు.
³⁴ యుద్ధంలో ఎలా పోరాడాలో దేవుడు నాకు నేర్పిస్తాడు.
    ఇత్తడి విల్లును ఎక్కు పెట్టుటకు నా చేతులకు ఆయన బలాన్ని ఇస్తాడు.

³⁵ దేవా, నీ డాలుతో నన్ను కాపాడితివి.
    నీ కుడిచేతితో నన్ను బలపరుచుము.
    నీ సహాయం నన్ను గొప్పవానిగా చేసినది.
³⁶ నా అడుగులకు నీవు విశాలమైన మార్గాన్నిచ్చావు.
    నా పాదాలు జారిపోలేదు.

³⁷ నేను నా శత్రువులను తరిమి, వారిని పట్టుకొన్నాను.
    వారు నాశనం అయ్యేవరకు నేను తిరిగిరాలేదు.
³⁸ నా శత్రువులను నేను ఓడిస్తాను. వారిలో ఒక్కరుకూడా తిరిగి లేవరు.
    నా శత్రువులు అందరూ నా పాదాల దగ్గర పడ్డారు.
³⁹ దేవా, యుద్ధంలో నాకు బలం ప్రసాదించుము.
    నా శత్రువులంతా నా యెదుట పడిపోయేటట్టు చేయుము.
⁴⁰ యెహోవా, నా శత్రువులను వెనుదిరిగేటట్లు చేశావు.
    నీ సహాయంవల్లనే నన్ను ద్వేషించే వారిని నేను నాశనం చేస్తాను.
⁴¹ నా శత్రువులు సహాయం కోసం అడిగారు,
    కాని ఎవ్వరూ వారికి సహాయం చేసేందుకు రాలేదు.
వారు యెహోవాకు కూడా మొరపెట్టారు.
    కాని ఆయన వారికి జవాబు ఇవ్వలేదు.
⁴² నా శత్రువులను నేను ధూళిగా నలగగొట్టాను.
    వారు గాలికి చెదరిపోయే దుమ్ములా ఉన్నారు. నేను వాళ్లను వీధుల బురదగా పారవేసాను.

⁴³ నాకు వ్యతిరేకంగా పోరాడే మనుష్యుల నుండి నన్ను కాపాడావు.
    ఆ రాజ్యాలకు నన్ను నాయకునిగా చేయుము.
    నేను ఎరుగని ప్రజలు నాకు సేవ చేస్తారు.
⁴⁴ ఆ మనుష్యులు నా గురించి విన్నప్పుడు విధేయులయ్యారు.
    ఇతర రాజ్యాల ప్రజలు నేనంటే భయపడ్డారు.
⁴⁵ ఆ విదేశీ ప్రజలు నేనంటే భయపడ్డారు,
    కనుక వారు భయంతో వణుకుతూ సాష్టాంగపడ్డారు.
    వారు దాక్కొనే తమ స్థలాలనుండి బయటకు వచ్చారు.

⁴⁶ యెహోవా సజీవంగా ఉన్నాడు.
    నా ఆశ్రయ దుర్గమైన వానిని నేను స్తుతిస్తాను. నా దేవుడు నన్ను రక్షిస్తాడు.
    అందుచేత ఆయనను స్తుతులతో పైకెత్తండి.
⁴⁷ నాకోసం నా శత్రువులను శిక్షించాడు.
    ఆ ప్రజలను ఓడించేందుకు యెహోవా నాకు సహాయం చేసాడు.
⁴⁸     యెహోవా, నీవే నా శత్రువుల నుండి నన్ను తప్పించావు.

కృ-రులైన వారి నుండి నీవు నన్ను రక్షించావు.
    నాకు విరుద్ధంగా నిలిచినవారిని ఓడించుటకు నీవు నాకు సహాయం చేశావు.
⁴⁹ కనుక మనుష్యులందరి యెదుట యెహోవాను నేను స్తుతిస్తాను.
    నీ నామ కీర్తన గానము చేస్తాను.

⁵⁰ యెహోవా ఏర్పాటు చేసుకొన్న రాజుకు, ఆయన గొప్ప విజయాలిచ్చాడు.
    ఆయన ఏర్పాటు చేసుకొన్న రాజుకు అనగా దావీదుకు,
    తన సంతానానికీ నిరంతరం ఆయన ఎంతో దయ చూపాడు.

అంతరిక్షం సూర్యునికి ఒక ఇల్లు లాంటిది.
⁵     తన పడక గది నుండి వచ్చే సంతోష భరితుడైన పెండ్లి కుమారునిలా సూర్యుడు బయటకు వస్తాడు.
పందెంలో పరుగెత్తడానికి ఆత్రంగా ఉన్న ఆటగానిలా సూర్యుడు
    ఆకాశంలో తన దారిని మొదలు పెడతాడు.
⁶ సూర్యుడు అంతరిక్షంలోని ఒక దిశలో మొదలు పెడ్తాడు,
    మరియు ఆవలి దిశకు అది పరుగెడుతుంది.
    దాని వేడి నుండి ఏదీ దాక్కొలేదు. యెహోవా ఉపదేశాలు అలా ఉన్నాయి.

⁷ యెహోవా ఉపదేశాలు పరిపూర్ణం.
    అవి దేవుని ప్రజలకు బలాన్నిస్తాయి.
యెహోవా ఒడంబడిక విశ్వసించదగింది.
    జ్ఞానం లేని మనుష్యులకు అది జ్ఞానాన్ని ఇస్తుంది.
⁸ యెహోవా చట్టాలు సరియైనవి.
    అవి మనుష్యులను సంతోషపెడ్తాయి.
యెహోవా ఆదేశాలు పరిశుద్ధమైనవి.
    ప్రజలు జీవించుటకు సరైన మార్గాన్ని చూపడానికి అవి కన్నులకు వెలుగునిస్తాయి.

⁹ యెహోవాను ఆరాధించుట మంచిది.
    అది నిరంతరము నిలుస్తుంది.
యెహోవా తీర్పులు సత్యమైనవి, న్యాయమైనవి.
    అవి సంపూర్ణంగా సరియైనవి.
¹⁰ శ్రేష్ఠమైన బంగారంకంటె యెహోవా ఉపదేశాలను మనము ఎక్కువగా కోరుకోవాలి.
    సాధారణ తేనె పట్టు నుండి వచ్చే శ్రేష్ఠమైన తేనె కంటె అవి మధురంగా ఉంటాయి.
¹¹ యెహోవా ఉపదేశాలు నీ సేవకుణ్ణి చాలా తెలివిగలవాణ్ణిగా చేస్తాయి.
    నీ చట్టాలు పాటించేవారు గొప్ప ప్రతిఫలాన్ని పొందుతారు.

¹² యెహోవా, ఏ వ్యక్తీ, తన స్వంత తప్పులన్నింటినీ చూడలేడు.
    కనుక నేను రహస్య పాపాలు చేయకుండా చూడుము.
¹³ యెహోవా, నేను చేయాలనుకొనే పాపాలు చేయకుండా నన్ను ఆపుచేయుము.
    ఆ పాపాలు నా మీద అధికారం చెలాయించ నీయకుము.
నీవు నాకు సహాయం చేస్తే, అప్పుడు నేను గొప్ప పాపము నుండి, పవిత్రంగా దూరంగా ఉండగలను.
¹⁴ నా మాటలు, తలంపులు నిన్ను సంతోషపెడ్తాయని నేను ఆశిస్తున్నాను.
    యెహోవా, నీవే నా ఆశ్రయ దుర్గం. నీవే నన్ను రక్షించేవాడవు.

⁶ ఇప్పుడు, యెహోవా ఏర్పాటు చేసుకొన్న రాజుకు ఆయనే సహాయం చేస్తాడని నాకు తెలుసు.
    దేవుడు తన పవిత్ర పరలోకంలో నుండి, ఆయన ఏర్పాటు చేసుకొన్న రాజుకు జవాబు ఇచ్చాడు.
    ఆ రాజును రక్షించుటకు దేవుడు. తన మహత్తర శక్తిని ప్రయోగించాడు.
⁷ కొందరు మనుష్యులు వారి రథాలను నమ్ముకొంటారు. మరికొందరు వారి గుర్రాలను నమ్ముకొంటారు.
    కాని మనం మన దేవుడైన యెహోవాను నమ్ముకొంటాము.
⁸ ఆ మనుష్యులు ఓడించబడ్డారు, వారు యుద్ధంలో మరణించారు.
    కాని మనం గెలిచాము! మనం విజయులముగా నిలిచాము!

⁹ దేవుడు రాజును రక్షించును గాక!
    మేము సహాయము కొరకు పిలుచునప్పుడు మాకు ఉత్తర మిమ్ము.