Beginning

^7 (F)“Bwe nalaganga ku mulyango gw’ekibuga
    ne ntuula ku ntebe mu kifo we baakubiranga enkiiko,
⁸ abavubuka abato bandabanga ne badda ebbali,
    abakadde ne basituka ne bayimirira;
^9 (G)abakungu ab’oku ntikko ne balekeraawo okwogera,
    ne bakwata ne ku mimwa;
^10 (H)ab’ebitiibwa ne balekeraawo okwogera,
    ennimi zaabwe ne zeesibira waggulu mu kamwa.
¹¹ Buli kutu okwampuliranga nga kwesiima,
    era n’abo abandabanga nga basiima
^12 (I)kubanga nawonyanga abaavu abaakaabiranga obuyambi,
    n’abatalina bakitaabwe abatalina abayamba.
^13 (J)Omusajja ng’afa, y’ansabira omukisa,
    ne ndeetera omutima gwa nnamwandu okuyimba.
^14 (K)Ne nnyambala obutuukirivu ng’engoye zange,
    obwenkanya bwe bwali omunagiro gwange era ekitambala kye neesiba ku mutwe.
^15 (L)Nnali maaso g’abamuzibe
    era ebigere by’abalema.
^16 (M)Nnali kitaawe w’abanaku,
    ne nneyama okuwolereza besimanyiiko.
^17 (N)Namenyanga amannyo g’abakozi b’ebibi,
    ne nziggya mu kamwa kaabwe, be baali bakutte.

^18 (O)“Nalowooza nti, ‘Ndifiira mu nnyumba yange
    nga mpezezza ennaku zange nga nnyingi ng’omusenyu ogw’oku nnyanja.
^19 (P)Omulandira gwange gulituuka mu mazzi,
    era n’omusulo gulibeera ku ttabi lyange okukeesa obudde.
^20 (Q)Ekitiibwa kyange tekirikaddiwa mu nze,
    n’omutego gwange ogw’akasaale gusigale nga tegukaddiye mu mukono gwange.’ 

²¹ “Abantu beesunganga okumpuliriza,
    nga balindirira mu kasirise amagezi gange.
^22 (R)Bwe namalanga okwogera, nga tewaba addayo kwogera,
    ebigambo byange byagwanga mpola mpola mu matu gaabwe.
²³ Bannindiriranga ng’enkuba
    ne banywa ebigambo byange ng’enkuba eya ttoggo.
²⁴ Bwe nabamwenyeranga nga tebakikkiriza;
    ekitangaala ky’oku maaso gange kyali kya muwendo gye bali.
^25 (S)Nabasalirangawo eky’okukola,
    ne ntuula nga kabaka n’amaggye ge;
    nnali ng’abo ababeesabeesa abakungubazi.”
30 ^(T)“Naye kaakano bansekerera;
    abantu abansinga obuto,
bakitaabwe be nnandibadde nteeka
    wamu n’embwa ezikuuma endiga zange.
² Amaanyi g’emikono gyabwe gaali gangasa ki?
    Abantu abaali baweddemu amaanyi ag’obuvubuka bwabwe,
³ abakoozimbye abaali mu bwetaavu era abayala,
    bameketa ettaka ekkalu mu nsi enjereere mu budde obw’ekiro.
⁴ Banoga ebiragala ebiwoomerera ng’omunnyo mu bisaka,
    enkolokolo ez’omwoloola y’emmere yaabwe.
⁵ Baagobebwa bave mu bantu bannaabwe,
    ne babaleekaanira gy’obeera nti, baali babbi.
⁶ Baawalirizibwa okubeera mu migga egyakalira,
    mu njazi ne mu binnya wansi mu ttaka.
⁷ Baakaabira mu bisaka ng’ensolo
    ne beekweka mu bikoola by’emiti.
⁸ Ezzadde ly’abasirusiru abatalina bwe bayitibwa,
    baagobebwa mu nsi.
^9 (U)Naye kaakano abaana baabwe bansekerera nga bannyimba;
    nfuuse ekyenyinyalwa gye bali,
^10 (V)abatanjagala abanneesalako,
    banguwa okunfujjira amalusu mu maaso.
^11 (W)Kaakano Katonda nga bw’atagguludde akasaale kange, ammazeemu amaanyi;
    beeyisizza nga bwe balaba mu maaso gange.
^12 (X)Abantu bano bannumba ku mukono gwange ogwa ddyo;
    bategera ebigere byange emitego,
    ne baziba amakubo banzikirize.
^13 (Y)Banzingiza
    ne banzikiriza,
    nga tewali n’omu abayambye.
¹⁴ Banzingiza ng’abayita mu kituli ekigazi,
    bayingira nga bayita mu muwaatwa.
^15 (Z)Nnumbiddwa ebitiisa eby’amaanyi;
    ekitiibwa kyange kifuumuuse ng’ekifuuyiddwa empewo,
    era n’obukuumi bwange ne bubulawo ng’ekire.”

^20 (AC)“Nkukaabirira nti, Ayi Katonda, naye toddamu;
    nnyimirira, naye ontunuulira butunuulizi.
^21 (AD)Onkyukira n’obusungu;
    onnumba n’omukono gwo ogw’amaanyi.
^22 (AE)Onsitula mu bbanga n’ongobesa empewo,
    n’onziza eno n’eri mu muyaga.
^23 (AF)Mmanyi nga olintuusa mu kufa,
    mu kifo kye wateekerawo abalamu bonna.

^24 (AG)“Ddala tewali ayamba muntu anyigirizibwa
    ng’akaaba mu kunyigirizibwa kwe.
^25 (AH)Saakaabira abo abaali mu buzibu?
    Emmeeme yange teyalumirirwa abaavu?
^26 (AI)Naye bwe nanoonya obulungi, ekibi kye kyajja;
    bwe nanoonya ekitangaala, ekizikiza kye kyajja.
^27 (AJ)Olubuto lwange lutokota, terusirika;
    ennaku ez’okubonaabona kwange zinjolekedde.
^28 (AK)Nzenna ŋŋenda nzirugala naye si lwa kwokebwa musana;
    nnyimirira mu lukuŋŋaana, ne nsaba obuyambi.
^29 (AL)Nfuuse muganda w’ebibe,
    munne w’ebiwuugulu.
^30 (AM)Olususu lwange luddugadde, era lususumbuka;
    n’omubiri gwange gwokerera.
^31 (AN)Ettendo lyange lifuuseemu kukaaba
    n’akalere kange ne kavaamu eddoboozi ery’ebiwoobe.”

^16 (BC)“Obanga nnamma omwavu ekintu kyonna,
    era obanga nakaabya nnamwandu;
^17 (BD)obanga nnali ndidde akamere kange nzekka
    atalina kitaawe n’atalyako,
¹⁸ kubanga okuva mu buto bwange namulera nga kitaawe,
    era okuva mu lubuto lwa mmange nayamba nnamwandu.
^19 (BE)Obanga nnali ndabye omuntu yenna ng’afa olw’okubulwa ebyambalo,
    oba ali mu kwetaaga atalina kye yeebikka;
²⁰ mpozzi omutima gwe, gwe gutansiima,
    olw’okumubugumya n’ebyoya by’endiga zange;
^21 (BF)obanga nayimusa omukono gwange eri abatalina bakitaabwe,
    kubanga mmanyi nti, mmanyiganye n’ab’obuyinza,
^22 (BG)kale omukono gwange gukutuke ku kibegabega kyange,
    leka gukutukireyo mu kinywa we guyungira.
^23 (BH)Olw’okutya okuzikirizibwa Katonda n’olw’obukulu bwe,
    nnali sisobola kukola bintu ng’ebyo.

^24 (BI)“Obanga nateeka obweyamo bwange mu zaabu
    oba ne ŋŋamba zaabu ennongoose nti, ‘Ggwe bwesige bwange;’
^25 (BJ)obanga neeyagala olw’okuba n’obugagga obungi,
    oba olw’okuba emikono gyange gy’ali ginfunyisizza bingi;
^26 (BK)obanga nnali ntunuulidde enjuba,
    oba omwezi nga byaka mu kitiibwa,
²⁷ omutima gwange ne gusendebwasendebwa mu kyama,
    ne mbinywegera nga mbisaamu ekitiibwa,
^28 (BL)era n’ekyo kyandibadde kibi ekiŋŋwanyiza okusalirwa omusango
    olw’obutaba mwesigwa eri Katonda ali waggulu.”

³⁶ “Ddala ddala nandibyambadde ku kibegabega kyange,
    nandibyambadde ku mutwe ng’engule.
^37 (BS)Nandimunnyonnyodde buli kifo we nalinnya ekigere,
    nandimusemberedde ng’omulangira.

^38 (BT)“Singa ettaka lyange linkaabirira,
    n’ebinnya byalyo bye nsimye ne bitotobala n’amaziga;
^39 (BU)obanga ndiddemu ebibala awatali kusasula,
    era ne ndeetera bannannyini lyo okufa,
^40 (BV)leka omwennyango gumere mu kifo ky’eŋŋaano,
    n’omuddo oguwunya gumere mu kifo kya sayiri.”