Beginning

32 مبارک ہیں وہ لوگ جن کی خطا ئیں بخشی گئیں۔
    مبا رک ہیں وہ لوگ جن کے گناہ دُھل گئے۔
² مبارک ہیں وہ لوگ جسے خداوند مجرم نہ کہے۔
    مبارک ہیں وہ لوگ جو اپنی بد کاری کو چھپا نے کا جتن نہ کريں۔

⁴ اے خدا ! تو نے میری زندگی کو دن رات کٹھن سے کٹھن تر بنا دیا۔
    میں اُس زمین کی طرح سوکھ گیا ہوں جو موسم گر ما کی گر می سے سوکھ گئی ہے۔

33 اے نیک لوگو! خداوند میں شادماں رہو۔
    خدا کی حمد کرنا فرمانبردار لوگوں کو زیب دیتا ہے۔
² ستار بجاؤ اور اُس کا شکر کرو۔
    خداوند کی دس تار وا لی بربط کے ساتھ ستائش کرو۔
³ اب اُس کے لئے نیا گیت گاؤ۔
    خوشی کا ساز خوبصورتی سے بجاؤ۔
⁴ خداوند کا کلام سچّا ہے۔
    جو بھی وہ کرتا ہے اُس کا تم بھروسہ کر سکتے ہو۔
⁵ خداوند منصفانہ، راستی اور اچھا کام کرنا پسند کرتا ہے۔
    زمین خدا کی شفقت سے معمور ہے۔
⁶ خداوند نے حکم دیا اور دنیا وجود میں آئی۔
    خدا کی سانسوں سے زمین کی ہر شئے وجود میں آئی۔
⁷ سمندر کا پانی ایک جگہ جمع کیا۔
    اس نے بحر کو اس کی جگہ پر قائم کیا۔
⁸ دنیا کے باشندوں کو خداوند کا احترام کرنا اور اس سے ڈرنا چاہئے۔
    اِس دنیا میں جو بھی لوگ بستے ہیں۔ اُن کو چاہئے کہ وہ اس سے ڈریں۔
⁹ کیوں! اِس لئے کہ خدا نے حکم دیا اور وہ بات واقع ہو گئی ہے۔
    اس نے کہا، “رکو” اور وہ رک گئی۔
¹⁰ خداوند قوموں کے منصوبوں کو نا کا رہ کر سکتا ہے۔
    وہ اُن کے منصوبوں کو تباہ کر سکتا ہے۔
¹¹ لیکن خداوند کے مشورے ہمیشہ ہی بہتر ہو تے ہیں۔
    اُس کے منصو بے نسل در نسل بہتر ہو تے ہیں۔
¹² مبا رک ہے وہ قوم جس کا خداوند خدا ہے۔
    خدا نے انہیں اپنے ہی خاص لوگ ہو نے کے لئے منتخب کیا ہے۔
¹³ خداوند آسمان سے نیچے دیکھتا رہتا ہے۔
    وہ سبھی لوگوں کو دیکھتا رہتا ہے۔
¹⁴ وہ اپنے اونچے تخت سے زمین پر
    رہنے وا لے سب لوگوں کو دیکھتا رہتا ہے۔
¹⁵ خدا نے ہر کسی کے دل کو بنا یا ہے۔
    پس کون کیا سوچ رہا ہے وہ سمجھتا ہے۔
¹⁶ کوئی بادشاہ اپنی عظیم فوج سے بچ نہیں سکتا۔
    کوئی جنگجو اپنی عظیم طاقت سے بچ نہیں سکتا۔
¹⁷ جنگ میں سچ مچ گھوڑے فتح مندی نہیں دیتے۔
    سچ مچ اُن کی طا قت تمہیں بچا نہیں سکتی۔
¹⁸ جو لوگ خدا وندکی پیروی کر تے ہیں، انہیں خدا دیکھتا ہے اور ان کی نگہبا نی کرتا ہے۔
    جو لوگ اس کی عبادت کر تے ہیں، اُن کو اُس کی شفقت بچاتی ہے۔
¹⁹ خدا اُن لوگوں کو موت سے بچاتا ہے ،
    وہ جب بھوکے ہو تے ہیں تب وہ اُنہیں قوّت دیتا ہے۔
²⁰ ہماری جان کو خدا کا انتظار ہے۔
    وہی ہماری مدد اور ہماری سِپر ہے۔
²¹ خدا ہم کوشادماں کرتا ہے
    ہمیں سچ مُچ اُس کے پاک نام پر کامل توکّل ہے۔
²² اے خداوند! ہم سچ مُچ تیری عبادت کر تے ہیں۔
    پس تو ہم پر اپنی عظیم محبت دکھا۔

34 میں خداوند کی ہر وقت تمجید کروں گا۔
    میرے ہونٹوں پر ہمیشہ اُس کی ستائش رہے گی۔
² اے علیم لوگو! سنو اور خوش رہو۔
    میری روح خداوند کے بارے میں شیخی بگھار تی ہے۔
³ میرے ساتھ خدا کی ستائش کرو
    ہم اس کے نام کی تعظیم کریں۔
⁴ میں خدا کے پاس مدد مانگنے گیا۔
    اُس نے میری سنی
    اُس نے مجھے ان سبھی باتوں سے بچا یا جن سے میں ڈرتا ہوں۔
⁵ مدد کے لئے خدا کی جانب دیکھو۔
    تم قبول کئے جا ؤگے۔ تم شرم مت کرو۔
⁶ اِس غریب نے خداوند کو مدد کے لئے پکا را۔
    اور خداوند نے میری سن لی اور اُس نے سب مصیبتوں سے میری حفا ظت کی۔
⁷ خداوند کا فرشتہ خداوند کے فرمانبرداروں کے چاروں طرف فوج کے ساتھ خیمہ زن رہتا ہے۔
    اور اُن کی حفا ظت کرتا ہے۔
⁸ آزما کر دیکھو کہ خداوند کیسا مہربان ہے۔
    وہ شخص جو خداوندکے بھروسے پر ہے سچ مچ خوش رہے گا۔
⁹ خداوند کے مقّدس پیروکار کو چاہئے کہ وہ خداوند کا احترام کریں۔
    انہیں کچھ کمی نہ ہوگی۔
¹⁰ زور آور لوگ کمزور اور بھو کے ہو جا ئینگے۔
    لیکن وہ لوگ جو خدا کے پاس مدد کے لئے جا ئینگے انہیں جس چیز کی ضرورت ہو گی وہ اسے پا ئینگے۔
¹¹ اے بچوّ ميری سنو!
    میں تمہیں سکھا ؤں گا کہ خداوند کی تعظیم کیسے کروگے۔
¹² اگر کو ئی شخص زندگی سے محبت کرتا ہے
    اچھی اور طویل زندگی چاہتا ہے ،
¹³ تو اس شخص کو بُرا بولنا نہیں چاہئے ،
    اُس شخص کو جھو ٹ بولنا نہیں چاہئے۔
¹⁴ بُرے کام مت کرو۔ نیک کام کرتے رہو۔
    امن کے لئے کام کرو۔ امن کی کوششوں میں لگے رہو جب تک اُ سے پا نہ لو۔
¹⁵ خداوند صادقوں کی حفا ظت کرتا ہے۔
    اُن کی دعاؤں پر اُس کے کان لگے رہتے ہیں۔
¹⁶ لیکن جو بُرے کام کرتے ہیں خداوند ایسے لوگوں کے خلا ف ہو تا ہے۔
    وہ اُن کو پوری طرح نیست ونابود کرتا ہے۔
¹⁷ خداوند سے منّت کرو۔ وہ تمہا ری سنے گا۔
    وہ تمہیں تمہا ری ساری مصیبتوں سے بچا لے گا۔
¹⁸ جب لوگوں کو مصیبتیں آتی ہیں تو وہ اپنے غرور چھوڑتے ہیں۔
    خداوند عاجز لوگوں کے قریب رہتا ہے۔ جن کے دل ٹوٹے نہیں ہیں اُن کو وہ بچائے گا۔
¹⁹ ہو سکتا ہے کہ نیک لوگوں پر بھی مصیبتیں آئیں
    لیکن خدا انہیں ان کی ہر مصیبت سے بچائیگا۔
²⁰ خداوند ان کی سب ہڈیوں کی حفاظت کرے گا۔
    اُن کی ایک بھی ہڈی نہیں ٹو ٹے گی۔
²¹ لیکن شریروں کے بُرے کام اُن کو ہلا ک کرتے ہیں۔
    نیک لوگوں کے حریف نیست ونابود ہو جا ئیں گے۔
²² خداوند اپنے ہر خادم کی روح کو بچا تا ہے۔
    جو اُس پر تو کّل کرتے ہیں وہ اُن لوگوں کا نقصان ہو نے نہیں دے گا۔

35 اے خدا وند! میری لڑائیوں کو لڑ،
    جنگوں کو لڑ۔
² اے خداوند سِپر اور گول ڈھال لے کھڑا ہو
    اور میری حفاظت کر۔
³ بر چھی اور بھا لا اُٹھا، اور جو میرے پیچھے پڑے ہیں اُن سے جنگ کر۔
    اے خداوند! میری روح سے کہہ، “ میں تیری نجات ہوں۔”

²⁴ اے میرے خداوند خدا! اپنی صداقت کے مطا بق میرا فیصلہ کر،
    تو ان لوگوں کو مجھ پر ہنسنے مت دے۔
²⁵ اُن لوگوں کو ایسا مت کہنے دے، “ آہا ! ہمیں جو چاہئے تھا اسے پا لیا!”
    اے خداوند! انہیں مت کہنے دے، “ہم نے اس کو نیست و نابود کردیا۔”
²⁶ میرے دشمن شرمندہ اور پشیمان ہوں۔ وہ لوگ خوش تھے جب میرے ساتھ بُرا ہوا۔
    وہ سوچا کر تے کہ وہ مجھ سے بہتر ہیں۔ پس ایسے لوگوں کو شرم میں ڈوبنے دے۔
²⁷ کچھ لوگ چاہتے ہیں کہ میرا ضرور بھلا ہو۔
    میں امید کر تا ہوں کہ وہ بہت خوش ہو ں گے۔
وہ ہمیشہ کہتے ہیں،
    “ خدا عظیم ہے۔ وہ اپنے خادم کی بھلا ئی سے خوش ہو تا ہے۔”