Book of Common Prayer

Распознавање на лажните учители

4 Светиот Дух јасно ни кажува дека во подоцнежните^[a] времиња некои луѓе ќе отстапат од вистинската вера. Тие ќе бидат измамени од лажливи духови и ќе се поведат по демонски учења. ² Нивните учители се лицемери, лажливци чија совест е докрај затапена^[b].

³ Ќе проповедаат дека не треба да се стапува во брак, ќе забрануваат да се јадат одредени видови храна. Храната е од Бог создадена и христијаните, оние што целосно ја знаат вистината, можат со благодарност да ја јадат. ⁴ Се што е создадено од Бог е добро. Ако се јаде со благодарност, ништо не е забрането. ⁵ Божјиот збор и молитвата го прават чисто и свето.

Примерни христијански водачи

⁶ Ако вака ги поучуваш другите христијани, добро ќе ја извршуваш службата што ти е доверена од Исус Христос. Со тоа ќе покажеш дека и самиот се храниш од пораката на верата и здравото учење што го следиш. ⁷ Држи се настрана од непристојни и бабини прикаски! Вежбај се да бидеш вистински побожен. ⁸ Од телесните вежби има одредена полза, но побожноста е многу покорисна. Таа ветува награда и за сегашниот и за идниот живот.

⁹ Оваа порака е веродостојна и заслужува целосна доверба. ¹⁰ Напорно работиме и се бориме^[c], бидејќи се надеваме на Живиот Бог, Кој е Спасител за сите луѓе, а особено за оние што веруваат.

¹¹ На тоа треба да ги упатуваш и поучуваш луѓето. ¹² Не дозволувај никој да те потценува поради тоа што си млад. Со тоа што ќе го зборуваш, со твоето поведение, со твојата љубов, вера и чистота, биди им пример на сите христијани. ¹³ Додека да дојдам кај вас, посвети се на читање на Светото Писмо во црквата, на проповедање и поучување.

¹⁴ Не запоставувај го духовниот дар што ти беше даден преку пророштво, со полагање раце од страна на советот на старешините^[d]. ¹⁵ Извршувај ги овие должности, посвети им се целосно, нека се гледа дека напредуваш. ¹⁶ Внимавај како живееш и како поучуваш! Истрај во праведната работа, за да се спасиш и себеси, и оние што те слушаат.

Примерен однос спрема луѓето во црквата

За плаќањето данок

¹³ Потоа испратија кај Исус некои од фарисеите и од иродовците за да Го фатат да каже нешто за што ќе можат да Го обвинат. ¹⁴ Доаѓајќи кај Него, му Го рекоа следново: „Учителе! Знаеме дека си чесен, дека не си пристрастен спрема никого и дека на луѓето им ја кажуваш вистината за Божјиот пат. Кажи ни, право ли е да му плаќаме данок на римскиот император, или не?“

¹⁵ Исус го проѕре нивното лукавство, па им одговори: „Зошто сакате да Ми поставите стапица? Дајте Ми еден римски денариј да го видам!“ ¹⁶ Кога Му подадоа, Тој ги запраша: „Чиј лик и име се втиснати на парава?“ „На императорот!“ - му одговорија тие.

¹⁷ Тогаш Исус им рече: „Дајте му го на императорот тоа што му припаѓа на императорот, а на Бога тоа што Му припаѓа на Бога!“

Прашања за воскресението на мртвите

(Мт. 22:23-33; Лк. 20:27-40) ¹⁸ Тогаш кај Исус дојдоа некои садукеи^[a] (тие тврдат дека нема да има воскресение на мртвите) и Го прашаа: ¹⁹ „Учителе! Мојсеј ни пропишал дека, доколку некој маж умре и остави зад себе вдовица без деца, живиот брат е должен да ја земе братовата вдовица за жена и да му подигне потомство на својот починат брат. ²⁰ Си беа седуммина браќа, од кои првиот се ожени и умре без да има деца. ²¹ Вториот брат се ожени со вдовицата на својот починат брат, но и тој умре без деца. Истото се случи и со третиот брат. ²² Ниту еден од седумтемина не остави потомство. На крајот умре и жената. ²³ Кога ќе воскреснат од мртвите, чија жена ќе биде таа, со оглед на тоа што им била сопруга на сите седум браќа!?“

²⁴ Исус им одговори: „Вие сте во заблуда, бидејќи не го знаете учењето на Светото Писмо! А не ја знаете ни Божјата сила! ²⁵ Кога луѓето ќе воскреснат од мртвите нема да бидат ни женети ни мажени. Тие ќе бидат како ангели на небото. ²⁶ А што се однесува до воскресението на мртвите, зар не сте читале во Мојсеевите книги за тоа како Бог му се јави на Мојсеј во разгорената грмушка и му рече: ,Јас Сум Бог на Кој Му служат Авраам, Исак и Јаков^[b]!‘ ²⁷ Значи, тие се живи, а не мртви, зашто Бог не е Бог на мртвите, туку на живите! Вие сте во голема заблуда!“