Book of Common Prayer
Падот на ,Вавилон‘
18 Потоа видов еден друг ангел како слегува од небото. Тој имаше голема моќ и од неговиот сјај светна и Земјата. 2 Ангелот извика со силен глас:
„Падна, падна големиот Вавилон
и се претвори во живеалиште на демони,
гнездо на сите нечисти духови и гнасни птици,
дувло на сите гнасни животни!
3 Зашто сите народи ги опијани
со жестокото вино на својот блуд!
Сите владетели на Земјата
блудничеа со вавилонската блудница,
а сите трговци на Земјата
се богатеа од нејзината необуздана похот[a]“!
4 Тогаш од небото се јави еден друг глас, кој рече:
„Истапи од вавилонската блудница, народе Мој!
Не учествувај во нејзините гревови,
за да не станеш соучесник во нејзината казна!
5 Зашто нејзините гревови се напластија до небото,
и Господ ќе ја казни за нејзината изопаченост!
6 Направете и како што таа ви правеше вам,
вратете и двојно за злото што таа ви го стори!
Нека испие двојно погорчлива напивка
од онаа што им ја даваше на другите!
7 Зададете и толку маки и жалости,
колку што раскош и уживања самата си даваше!
Во своето срце таа се фалеше:
,Еве, седам како кралица, а не како вдовица;
за мака нема никогаш да знам!‘
8 Затоа, во еден ист ден
ќе биде погодена со жалост, глад и смрт!
Во оган ќе биде изгорена,
зашто Судија ќе и биде Господ, моќниот Бог!“
За гневот
21 „Познато ви е дека во Мојсеевиот Закон на вашите предци им било заповедано: ,Не убивај! Кој ќе изврши убиство, ќе му биде судено[a]!‘ 22 Јас, пак, ви велам: ,Секој што истура гнев против својот ближен, заслужува осуда! Знаете дека секој што ќе навреди ближен, бива изведен пред вашиот Врховен суд[b], а доколку го проколнуваш[c] својот ближен, можеш да завршиш и во огнениот пекол[d]!‘ 23 Така, кога ќе носиш жртвен прилог на Божјиот олтар, ако се сетиш дека твојот ближен ти е лут за нешто, 24 остави го твојот прилог таму пред олтарот и појди прво помири се со својот ближен, а потоа врати се и принеси го својот жртвен прилог.
25 Со секој што сака да те тужи пред законот, потруди се брзо да се спогодиш, уште додека сте заедно на патот, за да не те тужи на суд, а судот да те предаде на стражарите кои ќе те фрлат в затвор. 26 Те уверувам дека нема да излезеш оттаму додека до грош не си го исплатиш долгот!“
Copyright 1999 by HBC Radosna Vest