Book of Common Prayer

ПРВОТО МИСИОНЕРСКО ПАТУВАЊЕ НА ПАВЛЕ

13 Меѓу пророците и учителите во антиохиската^[a] црква беа и Барнаба, Симон наречен ,Црнец‘^[b], Луцие од Кирена, Менахем, кој беше израснал со царот^[c] Ирод, и Савле. ² Еден ден, додека Му служеа на Господ и постеа, Светиот Дух им рече: „Одвојте ми ги Барнаба и Савле за една посебна задача што сакам да им ја доверам!“ ³ Откако постеа и се молеа, нивните соработници ги положија рацете врз нив и ги испратија.

1) Мисија во Кипар

⁴ Савле и Барнаба, испратени од Светиот Дух, слегоа во пристаништето Селевкија, а оттаму отпловија за островот Кипар. ⁵ Таму, во градот Саламис^[d], одеа по еврејските синагоги и ја проповедаа Божјата порака. Со нив, како помошник, беше и Јован, со прекар Марко.

⁶ Го поминаа целиот остров, се до гратчето Пафос. Таму сретнаа еден човек по име Бар-Исус^[e]. Тој се занимаваше со магии и лажно им се претставуваше на Евреите како Божји пророк. ⁷ Од друга страна, тој му беше пријател на Сергиј Павле, управник на островот. Управникот беше разумен човек, па ги покани Барнаба и Савле, сакајќи од нив да ја слушне Божјата порака. ⁸ Маѓепсникот Елимас (така го викаа на грчки), им се противстави, настојувајќи да го спречи управникот да стане христијанин. ⁹ Тогаш Савле, познат и како Павле, се исполни со Светиот Дух, го погледна маѓепсникот в очи ¹⁰ и му рече: „Човеку, ти си полн со измами и лукавства! Ѓаволски син си, непријател на се што е праведно! Нема ли да престанеш да лажеш и да тврдиш дека твоите лаги се вистинските патишта Господови!? ¹¹ Еве, сега раката Господова ќе те казни: ќе ослепиш и извесно време нема да гледаш!“

Маѓепсникот веднаш ослепе и талкаше наоколу, молејќи се некој да го фати за рака и да го води. ¹² Кога управникот виде што се случи, поверува, а она што го научи за Господ му остави силен впечаток.

Верен и неверен слуга

(Матеј 24:45-51) ⁴¹ Тогаш Петар Го праша: „Господе, дали оваа споредба се однесува само на нас или на сите?“ ⁴² Во одговор, Господ му рече: „Кој е верен и мудар слуга? Тоа е оној, кого неговиот господар го поставил да раководи со домашните работи и да им дава навреме храна на другите слуги. ⁴³ Блазе си му на тој слуга, ако неговиот господар, при своето враќање го затекне како си ја извршува задачата! ⁴⁴ Ве уверувам дека господарот ќе го унапреди таквиот слуга, за да раководи со сиот негов имот! ⁴⁵ Но ако тој слуга си рече: ,Мојот господар ќе го нема уште долго време‘ и почне да ги тепа другите слуги и слугинки, да се оддава на јадење, на пиење и на опивање, ⁴⁶ тогаш, неговиот господар ќе се врати во ден во кој не го очекува и во ненадеен час, и најстрого ќе го казни, фрлајќи го меѓу оние што го изневериле.

⁴⁷ Слугата кој знаел што очекува од него неговиот господар, а не постапил според неговата волја, ќе биде најсурово казнет. ⁴⁸ Слугата, пак, кој не знаел што очекува од него неговиот господар, а направил нешто што заслужува казна - ќе биде поблаго казнет. Многу ќе се бара од оној на кого многу му е дадено. Повеќе се очекува од оној на кого повеќе му е доверено!“