Book of Common Prayer

ВИДЕНИЈА ЗА ИДНИНАТА

Опис на Божјиот престол

4 Потоа имав друго видение. На небото видов отворена врата. Тогаш ми проговори истиот глас, силен како од труба, како и на почетокот, и ми рече: „Искачи се овде, за да ти покажам што ќе се случува во иднината!“

² Тогаш паднав во занес^[a] и таму, на небото, видов престол и Некој што седи на престолот. ³ Ликот на Тој што седеше на престолот Му блескаше како скапоцените камења јаспис и карнеол^[b]. Околу престолот имаше круг од божилак, со боја на смарагд. ⁴ Исто така, околу централниот престол имаше дваесет и четири други престоли. На нив седеа дваесет и четири старешини, облечени во бели облеки, со златни венци на главите. ⁵ Од централниот престол излегуваа молскавици, грмежи и татнежи. Пред престолот гореа седум факли кои Го претставуваа седумкратниот^[c] Божји Дух. ⁶ Исто така, пред престолот се простираше нешто што прилегаше на стаклено море, бистро како кристал.

Околу централниот престол имаше четири живи суштества полни со очи и однапред и одназад. ⁷ Првото суштество беше како лав, второто како јунец, третото со лице на човек, а четвртото беше како орел во лет. ⁸ Секое суштество имаше по шест крилја, и беа полни со очи и однадвор и однатре. Овие суштества деноноќно и без прекин викаат:

„Свет е, свет е, свет е Господ, Семоќниот Бог, Кој отсекогаш постоел, постои и ќе дојде!“

За будниот и верен слуга

(Лк. 12:41-48) ⁴⁵ „Значи, за кој слуга може да се рече дека е мудар и верен? Тоа е оној слуга што добил задача од својот господар да ги надгледува сите други слуги и навреме да ги храни, ⁴⁶ и кој навистина си ја извршува задачата што му е доверена. Блазе си на таков слуга, кога ќе се врати неговиот господар! ⁴⁷ Ве уверувам дека нему ќе му го довери сиот свој имот! ⁴⁸ Но ако слугата е лош и си рече во себе: ,Мојот господар нема да се врати уште долго време!‘, ⁴⁹ и почне да ги тепа своите другари, и да јаде и пие со пијаници, ⁵⁰ тогаш неговиот господар ќе се врати во ден во кој не го очекува и во ненадеен час, ⁵¹ и ќе го казни најстрого, фрлајќи го меѓу оние кои само се преправале дека се искрени спрема господарот. Таму ќе има лелекање и крцкање со заби.“