Book of Common Prayer

¹ हे यहोवा, जब तू किरोध मँ रहा तउ मोका फटकार जिन लगावा;
    जब तू परेसानी मँ रहा मोका जिन सुधारा।
² हे यहोवा, तू मोका चोट दिहा ह।
    तोहार बाण मोहमाँ गहिर उतरा अहइँ।
³ तू मोका सजा दिहा ह अउर मोर पूरी देह दुःखत बाटइ,
    मइँ पाप किहेउँ अउ तू मोका सजा दिहा।
    एह बरे मोर हाड़ दुःखत अहइ।
⁴ मइँ बुरा काम करइ क अपराधी हउँ,
    अउर उ अपराध एक बड़का बोझा क नाई मोरे काँधे पइ चढ़ा अहइ।
⁵ मइँ बना रहेउँ मूरख, अब मोर घाव दुर्गन्ध स भरिके रिसत अहइँ,
    अउर उ सबइ सड़त अहइँ।
⁶ मइँ निहुरा अउ दबा भवा अहउँ।
    मइँ दिन भइ उदास रहत हउँ।
⁷ बोखार स मोर गुर्दन दर्द करत ह,
    अउर मोर समूचे बदन मँ बेमारी अहइ।
⁸ मइँ बहोत दुर्बल अउ थका भवा हउँ।
    मइँ कराहत हउँ काहेकि मोर हिरदइ कस्ट झेलत अहइ।
⁹ हे यहोवा, तू मोर कराहब सुनि लिहा।
    मोर आह तउ तोहसे छुपी नाहीं।
¹⁰ मोर हिरदइ चूर-चूर होइ गवा अहइ अउर मोर सक्ति मोका छोड़ दिहेस ह।
    मोरी आँखिन क जोति लगभग जात रही।
¹¹ काहेकि मइँ रोगी हउँ,
    एह बरे मोरे मीत अउ मोर पड़ोसी मोसे मिलइ नाहीं अउतेन।
    मोरे परिवार क लोग तउ मोरे लगे तलक नाहीं फटकतेन।
¹² मोर दुस्मन मोर निन्दा करत हीं।
    उ सबइ झूठ बातन अउ प्रतिवादन क फइलावत रहत हीं।
    मोरे ही बारे मँ उ सबइ हरदम बातचीत करत रहत हीं।
¹³ मुला मइँ बहरा बना कछू नाहीं अनकत हउँ।
    मइँ गूँगा होइ गवा, जउन कछू नाहीं बोल सकत।
¹⁴ मइँ उ मनई क तरह बना हउँ, जउन कछू नाहीं सुन सकत कि लोग ओकरे बारे मँ का कहत अहइँ।
    अउर मइँ इ तर्क नाहीं दइ सकत अउर सिद्ध नाहीं कइ सकत कि मोर दुस्मन अपराधी अहइँ।
¹⁵ तउ, हे यहोवा, मोका तू ही बचाइ सकत ह।
    मोर परमेस्सर अउर मोर सुआमी मोरे दुस्मनन क तू ही फुरइ बताइ द्या।
¹⁶ काहेकि मइँ पराथना किहेउँ, “ओनका दुर्जन स प्रसन्न होइ क अनुमति जिन द्या जब मइँ कउनो गलती किहेउँ।
    ओनका आपन क बारे मँ सेखी हाँकइ क अनुमति जिन द्या।”
¹⁷ मइँ जानत हउँ कि मइँ आपन कुकरमन बरे पापी हउँ।
    मइँ आपन पीरा क बिसरि नाहीं सकत हउँ।
¹⁸ हे यहोवा, मइँ तोहका आपन कुकरम बताइ दिहेउँ।
    मइँ आपन पापन बरे दुःखी हउँ।
¹⁹ मोर दुस्मन जिअत अउ पूरी तरह तन्दुरुस्त अहइँ।
    उ पचे बहोत-बहोत झूठी बातन बोलेन ह।
²⁰ मोर दुस्मन मोरे संग बुरा बेउहार करत हीं,
    जबकि मइँ ओनके बरे भला ही किहेउँ ह।
मइँ बस भला करइ क जतन करत रहेउँ,
    मुला उ सबइ लोग मोरे खिलाफ होइ ग अहइँ।
²¹ हे यहोवा, मोका जिन बिसरा।
    मोरे परमेस्सर, मोसे तू दूर जिन रहा।
²² देरी जिन करा, आवा अउर मोर सुधि ल्या।
    हे मोर परमेस्सर मोका तू बचाइ ल्या।

²⁵ मइँ हाली दाल्थ मरि जाब।
    हे यहोवा, तू आदेस द्या अउर मोका जिअइ द्या।
²⁶ मइँ तोहका आपन जिन्नगी क बारे मँ बताएउँ ह, तू मोका जवाब दिहा ह
    अबइ तू मोका आपन बिधान बतावा।
²⁷ हे यहोवा, मोर सहायता करा ताकि मइँ समुझ सकेउँ कि तोहार उपदेसन क पालन कइसे कीन्ह जाई सकी।
    मोका ओन अद्भुत कर्मन क चिंतन करइ द्या जेनका तू किहा ह।
²⁸ मइँ दुःखी अउर थका हउँ।
    वचन क मुताबिक मोका तू फुन स मज़बूत बनाइ द्या।
²⁹ हे यहोवा, मोका कउनो परेसानी क जीवन जिन जिअइ द्या।
    तोहार कानून क मोका दयालुता स सिखावा।
³⁰ मइँ तोहार करार क मानइ बरे चुने रहेउँ।
    मइँ आपन आप क तोहार विवेकी फइसलन क अध्ययन अउर पालन करइ क बचन बद्ध किहेउँ ह।
³¹ तोहार करार क संग मइँ लगनसील अहउँ।
    हे यहोवा, मोका असफल जिन होइ द्या।
³² मइँ तोहरे आग्यन क पालन उत्सुकता स किह्या ह
    जब तू मोर समुझदारी क बढ़ाया ह।

³³ हे यहोवा, तू मोका आपन व्यवस्था सिखावा
    तब मइँ धियानपूर्वक ओनकर अनुसरण करब।
³⁴ ओनका समुझइँ मँ मोर मदद करा।
    अउर मइँ तोहरी सिच्छन क पालन करब।
    मइँ पूरी मन स ओनकर पालन करब।
³⁵ मोका आपन आग्यन क राहे पइ चलावा।
    मइँ ओन पइ प्रसन्न हउँ।
³⁶ मोर मदद करा कि मइँ तोहरे करार क मनन करउँ,
    बजाय ओकरे कि कइसे धन हासिल करेउँ।
³⁷ मोका बियर्थ चिजियन पइ धियान जिन देइ द्या।
    तोहार राहे मँ रहइ बरे मोर मदद करा।
³⁸ मइँ तोहार सेवक अहउँ।
    तउ ओन बातन क करा जेनकर वचन तू दिहा ह ताकि मइँ तोहार सम्मान कइ सकउँ।
³⁹ मोका उ अपमान स मुक्त करा जेसा मइँ डेरात हउँ।
    तोहार फइसलन हमेसा नीक होत हीं।
⁴⁰ मइँ तोहरे उपदेसन क अभिलासी हउँ।
    मोर भला करा अउर मोका जिअइ द्या।

⁴¹ हे यहोवा, तू सच्चा निज पिरेम मोह पइ परगट करा।
    मोर रच्छा वइसे ही करा जइसे तू वचन दिहा।
⁴² तब मोरे लगे ओन लोगन बरे एक जवाब होइ जउन मोर अपमान करत हीं।
    काहेकि मइँ तोहार वचन पइ भरोसा रखत हउँ।
⁴³ तोहार सच्ची सिच्छा क बोलइ मँ सदा मोरे मदद करा।
    मइँ तोहरे बुद्धिमान फइसलन पइ निर्भर अहउँ।
⁴⁴ हे यहोवा, मइँ तोहरी सिच्छन क पालन सदा अउ सदा बरे करब।
⁴⁵ तउ मइँ सुरच्छित जिन्नगी जिअब।
    मइँ तोहरी व्यवस्था क पालइ क कठिन जतन करत हउँ।
⁴⁶ मइँ यहोवा क करार क चर्चा राजा लोगन क संग करब
    अउर उ पचे उत्साह मँ होइके सुनिहीं मोहसे लजाइहीं नाहीं।
⁴⁷ हे यहोवा, मोका तोहरी सबइ आग्यन क मनन
    जेहसे मइँ पिरेम करत हउँ भावत ह।
⁴⁸ मइँ तोहरी आग्यन कइँती जेहसे मइँ पिरेम करत हउँ हाथ फइलाउब,
    अउर मइँ तोहार कानून पइ बिचार करत हउँ।

⁴ मोर सुना।
लोगो तू पचे बेसहारा क कुचरत अहा।
    तू पचे इ देस क गरीबन क नस्ट करइ चाहत अहा।
⁵ बइपारियो तू पचे कहत अहा,
    “नवा चंदा कब बीती जेहसे हम पचे अन्न बेचि सकी?
सबित कब बीती,
    जेहसे हम पचे आपन गोहूँ बेचइ क लिआइ सकी?
हम कीमतन क बढ़ाइ सकी,
    बाटन क हल्का कइ सकी,
अउर हम पचे तराजुअन क अइसा इंतजाम कइ लेइ
    कि लोगन क ठगि सकी।
⁶ गरीब आपन कर्जा वापस नाहीं कइ सकतेन।
    एह बरे हम ओनका दास क रूप मँ खरीदब।
हम ओन गरीबन क
    एक जोड़ी पनही क कीमत मँ खरीदब।
अहो! हम पचे ओन खराब गोहूँ क भी बेचि सकित ह,
    जउन फर्स पइ छितराइ गवा होइ।”

“मइँ ओन लोगन क कीन्ह करमन बरे ओनका छिमा नाहीं कइ सकत।
⁸ तोहार ओन करमन क कारण पूरा देस काँपि जाइ।
    इ देस क हर एक निवासी मरे भए के लिए रोइ।
पूरा देस मिस्र मँ उड़त होइ
    नील नदी क तरह कपकपाहीं।
पूरा देस उठिहीं अउर फुन गरिहीं।”

“लखा मइँ देस मँ भुखमरी लिआउब
    अउर उ सबइ दिन निचके आवत अहइँ।
इ रोटी या पानी क भुखमरी नाहीं होइहीं
    बल्कि यहोवा क बचन क भुखमरी होइहीं।
¹² लोग एक सागरे स दूसर सागर तलक भटकिहीं।
    उ पचे उत्तर स दक्खिन तलक भटकिहीं।
    उ सबइ लोग यहोवा क सँदेसा बरे
अगवा बढ़िहीं पाछे हटिहीं,
    मुला उ पचे ओका पइहीं नाहीं।
¹³ उ समइ सुन्नर मेहररूअन अउ नउजवान
    पिआव क कारण बेहोस होइ जइहीं।
¹⁴ ओन लोग सोमरोन क पाप क नाउँ पइ प्रतिग्यन किहेन।
    उ पचे कहेन, ‘दान तोहरे पचन्क देवता क सत्ता निहचइ फुरइ बाटइ,
    एहसे हम पचे प्रतिग्या करत अही, अउर बेर्शेवा क सत्ता क सत्ता निहचइ फुरइ बाटइ,
    एहसे हम पचे प्रतिग्या करत अही’
एह बरे ओन लोगन क पतन होइ
    अउर उ पचे फुन कबहुँ उठिहीं नाहीं।”