Book of Common Prayer

¹⁴⁵ सम्पूर्ण मन स यहोवा मइँ तोहका गोहरावत हउँ, मोका जवाब द्या।
    मइँ तोहरे आदेसन क पालन करत हउँ।
¹⁴⁶ हे यहोवा, मोर तोहसे बिनती बाटइ।
    मोका बचाइ ल्या।
    मइँ तोहरी करार क पालन करब।
¹⁴⁷ यहोवा, मइँ तोहरी पराथना करइ क भोर क तड़के उठा करत हउँ।
    मोका ओन बातन पइ भरोसा अहइ, जेनका तू कहत ह।
¹⁴⁸ पूरी रात मइँ तोहरे वचन पइ
    बिचार करइ बरे बइठा रहत हउँ।
¹⁴⁹ हे यहोवा, तू आपन पूरे पिरेम स मोह पइ कान द्या,
    तू वइसा ही करा जेका तू ठीक कहत ह, अउर मोर जिन्नगी बनाए राखा।
¹⁵⁰ लोग मोरे बिरूद्ध कुचक्र रचत अहइँ अउर मोर कइँती आवत हीं।
    अइसे इ सबइ लोग तोहरी सिच्छन पइ चला नाहीं करतेन।
¹⁵¹ मुला तू मोरे लगे अहा।
    तोहरे सबइ आग्यन पइ बिस्सास कीन्ह जाइ सकत ह।
¹⁵² बहोत दिनन पहिले ही तोहार करार दुआरा मइँ सीख लिहे रहेउँ
    कि ओकर नींव सदा बरे डाली गइ अहइ।

¹⁵³ हे यहोवा, मोर यातना क लखा अउर मोका बचाइ ल्या,
    मइँ तोहरे उपदेसन क बिसरा नाहीं अहउँ।
¹⁵⁴ हे यहोवा, मोरे मुकदद्मा बरे बहस करा अउर मोका छुरावा।
    कृपा कइके मोका तोहार वाचा क अनुसार जिअइ द्या।
¹⁵⁵ दुट्ठ बिजयी नाहीं होइहीं।
    काहेकि उ पचे तोहरे विधान पइ नाहीं चलत अहइँ।
¹⁵⁶ हे यहोवा, तू बहोत दयालु अहा।
    आपन नीक सासन क अनुसार मोका फुन स जिन्नगी द्या।
¹⁵⁷ मोर बहोत स सत्रु अहइँ जउन मोका हानि पहोंचावइ बरे जतन करतेन;
    मुला मइँ तोहरी करार क अनुसरण नाहीं तजेउँ।
¹⁵⁸ मइँ ओन बिस्सासघातियन क लखत हउँ।
    उ पचे तोहरे बचन क पालन नाहीं करतेन।
    मइँ ओनका तजि दिहेउँ ह।
¹⁵⁹ लखा, मइँ तोहार उपदेसन स पिरेम करत हउँ।
    हे यहोवा, कृपा कइके मोका तोहरे दयालु पिरेम स जिअइ द्या।
¹⁶⁰ सुरू स ही तोहार सबहिं वचन बिस्सास क जोग्ग रहेन ह।
    अउर तोहार खरा फइसलन सदा बरे रहिहीं।

¹⁶¹ सक्तिसाली नेता मोह पइ बियर्थ ही वार करत हीं,
    मुला मइँ डेरात हउँ अउर बस तोहरे वचन क मइँ आदर करत हउँ।
¹⁶² तोहार बचन मोका वइसेन आनन्दित करत हीं,
    जइसा एक जोद्धा आनन्दित होत ह, जेका अबहुँ अबहुँ कउनो जुद्ध क लूट क माल मिल गवा होइ।
¹⁶³ मइँ झूठ क नकारत हउँ। मइँ ओहसे घिना करत हउँ।
    किन्तु, मइँ तोहरी सिच्छन स पिरेम करत हउँ।
¹⁶⁴ मइँ दिन मँ सात दाई तोहरे उत्तिम फइसला बरे
    तोहार स्तुति करत हउँ।
¹⁶⁵ उ पचे लोगन बहोत सान्ति पइहीं, जउन तोहार सिच्छन स पिरेम करत हीं।
    ओका कछू भी गिराइ नाहीं पाई।
¹⁶⁶ हे यहोवा, मइँ तोहरी प्रतीच्छा मँ हउँ कि तू मोर रच्छा करा।
    मइँ तोहरे आग्यन क पूरा किहेउँ ह।
¹⁶⁷ मइँ तोहरी करार पइ चलत रहत हउँ।
    हे यहोवा, मोका तोहरे विधान स गहन पिरेम अहइ।
¹⁶⁸ मइँ तोहरी करार क अउ तोहरे उपदेसन क पालन किहेउँ ह।
    तू सब कछू जानत ह जउन मइँ किहेउँ ह।

¹⁶⁹ हे यहोवा, मदद बरे लगावा गवा मोर उँच गोहार तोहे तलक पहोंचइ
    मोका बुद्धिमान बनावा जइसा तू वचन दिहा ह।
¹⁷⁰ हे यहोवा, मोर बिनती सुना।
    तू जइसा वचन दिहा मोर उद्धार करा।
¹⁷¹ मइँ बड़कई क गुण गावत हउँ।
    काहेकि तू मोका आपन कानून सिखाया ह।
¹⁷² मोका तू आपन गीत गावइ द्या।
    काहेकि तोहार सबइ आग्यन सच्चा अहइँ।
¹⁷³ तू मोरे लगे आवा, अउर मोका सहारा द्या
    काहेकि मइँ तोहरे आदेसन पइ चलब चुन लिहेउँ ह।
¹⁷⁴ हे यहोवा, मइँ इ चाहत हउँ कि तू मोर उद्धार करा,
    तोहार सिच्छन मोका खुस करत हीं।
¹⁷⁵ मोका जिअइ द्या तउ मइँ तोहार स्तुति कइ सकेउँ।
    तोहार आदेस स मोका मदद मिलइ द्या।
¹⁷⁶ एक ठु खोइ भइ भेड़ क तरह,
    मइँ आपन रास्ता भटक गएउँ ह।
आपन सेवक, मोका तलास करा,
    अउर मइँ तोहरे आग्यन क बिसरा नाहीं हउँ।

¹ जउन कउनो यहोवा क सम्मान करत हीं धन्न अहइँ।
    उ पचे ओकरे राहन पइ चलत हीं।

¹ पूरी जिन्नगी भइ मोर अनेक दुस्मन रहेन ह।
    इस्राएल क घोसना करइ द्या
² पूरी जिन्नगी भइ मोर अनेक दुस्मन रहेन ह।
    बहोत सारे दुस्मन मोह पइ हमला किहन।
    मुला उ पचे हमका हराइ नाहीं पाएन।
³ उ पचे मोका तब तलक पीटेन जब तलक मोरी पिठिया पइ गहिर घाव नाहीं बनेन।
    मोरे बड़का बड़का अउर गहिर घाव होइ गएन।
⁴ मुला यहोवा उ किहेस जउन नीक रहा अउर रस्सा काट दिहस।
    उ मोका ओन दुट्ठ लोगन स अजाद किहस।
⁵ ओन सबइ क जउन सिय्योन स घिना करत ह हारइ द्या,
    उ पचन क खदेड़इ द्या।
⁶ उ सबइ लोग अइसे रहेन, जइसे कउनो घरे क छत पइ क घास
    जउन उगइ स पहिले ही मुरझाइ जात ह।
⁷ उ घसिया स कउनो मजदूर आपन मूठी तलक नाहीं भरि पावत
    अउर इ गठरी पुलंदा बनाइ बरे भी प्रयाप्त नाहीं होइ।
⁸ अइसे ओन दुट्ठ जनन क लगे स जउन लोग गुजरत हीं।
    उ पचे नाहीं कइहीं, “यहोवा तोहार भला करइ।”
    उ पचे नाहीं कहिहीं, “हम तू पचन्क यहोवा क नाउँ पइ आसीस देत अही।”

¹ हे यहोवा, मइँ गहिर कस्ट मँ हउँ
    तउ सहारा पावइ क मइँ तोहका गोहरावत हउँ।
² मोर सुआमी, तू मोर सुनि ल्या।
    मोर मदद क गोहार पइ कान द्या।
³ हे यहोवा, अगर तू लोगन क ओनकर सबहिं पापन्क सचमुच सजा द्या
    तउ फुन कउनो भी बच नाहीं पाइ।
⁴ मुला तू, यहोवा, आपन लोगन क छिमा करा;
    तउ उ लोग तोहार सम्मान करिहीं।

¹⁵ सबहिं रास्ट्रन पइ हाली ही यहोवा क दिन आवत अहइ।
    तू दूसर लोगन क संग बुरा किहा।
उ सबइ ही बुरइयन तोहार संग घटिहीं।
    उ सबइ बुरइयन तू तोहार कपारे पइ उतरि अइही।
¹⁶ काहेकि तू दाखरस पीके मोरे पवित्तर पहाडे पइ खुसी मनाया।
    वइसेन ही सबहिं जातियन लगातार मोरे सजा क पीइहीं
अउर ओका निगरि जइही
    अउ ओनकर लोप होइ जाइ।
¹⁷ सिय्योन पहाड़ी पइ रहत रहा
    जिअत बचा भवा लोग मोर खास लोग होब्या।
याकूब क रास्ट्र ओन चिजियन क वापस पाई
    जउन ओकर रहिन।
¹⁸ याकूब क परिवार बरत आगी जइसा होई।
    यूसुफ क रास्ट्र बरत लपटन जइसा बनि जाइ।
सिरिफ एसाव क रास्ट्र राखी क नाई होइ।
    यहूदा क लोग
    एदोमी लोगन क बरबाद करिहीं।
एसाव क रास्ट्रन मँ कउनो जिअत नाही रही।”
    काहेकि परमेस्सर यहोवा अइसे कहेस।
¹⁹ तब नेगव क लोग एसाव पर्वते पइ रइही
    अउर पर्वतन क तराइयन क लोग पलिस्ती प्रदेस क लइ लेइही।
परमेस्सर क उ सबइ लोग एप्रैम अउ सोमरोन क भुइँया पइ रइही।
    गिलाद, बिन्यामीन क होइ।
²⁰ इसाएल क लोग जउन आपन घर तजि देइ क मजबूर कीन्ह ग रहेन
    कनान क भूइँया पइ सारपत तलक कब्जा करिहीं।
यरूसलेम क लोगन जउन कैद कीन्ह ग रहेन अउर सपाराद लई गए रहेन
    उ पचे नेगेव सहर पइ कब्जा करिहीं।
²¹ बिजयी लोग सिय्योन पर्वते पइ होइही।
    उ सबइ लोग एसाव पहाड़े क बसइयन पइ सासन करिही
    अउर राज्ज यहोवा क होइ।

“देखउ, मइँ राखत हउँ सिय्योन मँ कोने क पाथर एक जउन अहइ
    बहुमूल्य अउर अहइ चुना गवा अहइ
जउन ओह पइ जउन बिस्सास करी ओका कबहुँ क लजाइ न परी।” ^(A)

“उ पाथर जेका सिल्पियन नकारिन बन गवा
    सबन त जियादा महत्त्वपूर्ण कोने क पाथर।” ^(B)

“एक पाथर जहाँ लोग ठोकर खाइ
    अउर अइसी चट्टान जहाँ स मनई फिसल जाइँ।” ^(C)

¹⁰ एक समइ रहा जब तू परमेस्सर क लोग नाही रह्या।
    मुला अब तू परमेस्सर क लोगन अहा।
एक समइ रहा जब दया क पात्र नाही रह्या
    मुला अब तू सबन प परमेस्सर दया देखाइस ह।