Book of Common Prayer

¹ હે ઇસ્રાએલનાં પાળક, અમારી પ્રાર્થના સાંભળો;
    તમે તે જાણો છો જેણે યૂસફના લોકોને ઘેટાંની જેમ દોર્યા હતા.
કરૂબ દેવદૂત પર બેઠેલા હે દેવ,
    અમને પ્રકાશ આપો!
² એફાઇમ, બિન્યામીન અને મનાશ્શા આગળ તમારું સાર્મથ્ય બતાવો!
    અમને તારવાને આવ.
³ હે દેવ, અમને તમે ફેરવો;
    તમારા મુખનો પ્રકાશ પાડો એટલે અમારો ઉદ્ધાર થાય.
⁴ હે સૈન્યોના યહોવા દેવ,
    ક્યાં સુધી ક્રોધાયમાન રહીને અમારી પ્રાર્થનાઓ નકારશો?
⁵ તમે તમારા લોકોને આંસુવાળી રોટલી ખવડાવી છે
    અને પુષ્કળ આંસુઓ પાયાં છે.
⁶ તમે અમને અમારા પડોશીઓને લડવા માટે યુદ્ધના નિશાન બનાવ્યાં છે;
    અમરા શત્રુઓ અમારી હાંસી કરે છે.
⁷ હે સૈન્યોના દેવ, અમને પાછા ફેરવો,
    તમારા મુખનો પ્રકાશ અમારા પર પાડો,
    જેથી અમારો ઉદ્ધાર થાય.

¹ મે યહોવાને મદદ માટે પોકાર કર્યો;
    મારી વિનંતી સાંભળે તે માટે પોકાર કર્યો.
² જ્યારે મારા માથે ભારે સંકટ આવ્યું, મેં સહાય માટે યહોવા તરફ દ્રૃષ્ટિ કરી.
    મેં તેમને આકાશ તરફ હાથ ઊંચા કરીને આખી રાત પ્રાર્થના કરી
    જ્યાં સુધી મારા હકમાં કઈં કરશે નહિ ત્યાં સુધી દિલાસો પામીશ નહિ.
³ હું દેવનું સંભારું છું, અને નિસાસાની શરુઆત કરું છું.
    મને શું થાય છે તે કહેવા માટે હું પ્રાર્થના કરવાનો પ્રયત્ન કરું છું,
    પરંતુ હું નિર્બળ અને લગભગ મૂછિર્ત થાઉં છું.
⁴ તમે મને ઊંછમાંથી જાગતો રાખ્યો
    હું ખૂબ મુશ્કેલીમાં હતો કે બોલી શકતો નહિ.
⁵ હું અગાઉના દિવસો
    અને પૂર્વનાં વર્ષોનો વિચાર કરું છું.
⁶ તે સમયે આનંદના ગીતોથી મારી રાત્રીઓ ભરપૂર હતી,
    હું મનન કરી બદલાયેલી સ્થિતિ વિષે આત્મખોજ કરું છું.
⁷ “શું યહોવા સર્વકાળ માટે તજી દેશે?
    ફરીથી કદી તે શું પ્રસન્ન થશે નહિ?
⁸ શું અશ્ય થઇ ગયો તેમનો અચળ પ્રેમ?
    શું નિષ્ફળ ગયાં તેમણે અમને આપેલા વચન?”
⁹ અમારા પર કૃપા કરવાનુ દેવ શું ભૂલી ગયાં?
    શું તેમણે તેમની સહાનુભૂતિને કોપમાં બદલી નાખી?

¹ હે દેવ, વિદેશી રાષ્ટ્રોએ તમારા લોકો પર આક્રમણ કર્યુ છે.
    અને તમારા પવિત્ર મંદિરને અશુદ્ધ કર્યુ છે.
    અને તેમણે યરૂશાલેમ તારાજ કર્યુ છે.
² તેઓએ તમારા સેવકોનાં મૃતદેહોને જંગલી પક્ષીઓને ખાવા માટે આપ્યાં છે
    અને તેઓએ તમારા વફાદાર અનુયાયીઓના મૃતદેહોને ખાવા માટે જંગલી પશુઓ છોડ્યા છે.
³ તેઓએ, યરૂશાલેમની આસપાસ, પાણીની રેલની જેમ રકત વહેવડાવ્યું છે;
    ત્યાં મૃતદેહોને દફનાવનાર કોઇ નથી.
⁴ અમારી આસપાસ આવેલી પ્રજાઓ અમારી નિંદા,
    તિરસ્કાર કરે છે, અને અમારા પડોશીઓ મશ્કરી કરે છે.
⁵ હે યહોવા, તમે અમારા ઉપર ક્યાં સુધી કોપાયમાન રહેશો?
    તમારા કોપનો અગ્નિ ક્યાં સુધી સળગતો રહેશે?
⁶ તમે જે વિદેશીઓ જાણતા નથી તેઓ ઉપર તમારો ક્રોધ ઉતારો,
    જે રાજ્યની પ્રજાઓ તમારા નામે અરજ કરતી નથી.
⁷ કારણ તેઓએ યાકૂબનો વિનાશ કર્યો છે
    અને તેના વતનને ઉજ્જડ કર્યુ છે.
⁸ હે યહોવા, અમારા પૂર્વજોનાં પાપોને લીધે અમને દોષિત ઠરાવશો નહિ;
    અમારા પર તમારી દયા કરવામાં વિલંબ કરશો નહિ કારણ,
    અને બહુ દુર્દશામાં આવી પડ્યાં છીએ.
⁹ હે અમારા તારણના દેવ,
    અમારી સહાય કરો,
તમારા નામના મહિમાને માટે,
    હે દેવ અમારી રક્ષા કરો,
તમારા નામની માટે,
    અમને અમારા પાપોની માફી આપો.
¹⁰ વિદેશીઓ શા માટે એવું કહે છે કે,
    “ક્યાં છે તેઓના દેવ?”
તેઓએ તમારા લોકોનું લોહી વહેવડાવ્યું છે,
    તેમને એવી રીતે શિક્ષા કરો કે અમારી આંખો જુએ અને લોકો તેના વિષે જાણે.
¹¹ બંદીવાનોના નિસાસા તમારી આગળ પહોંચો;
    તમારા હાથના પરાક્રમે મૃત્યુદંડ પામેલાઓનું રક્ષણ કરો.
¹² હે યહોવા, જે અમારા પડોશી રાષ્ટ્રો તમારું અપમાન કરે છે,
    તેઓને તમે સાતગણી સજા કરો.
¹³ પછી નિરંતર અમે તમારી આભારસ્તુતિ કરીશું,
    તમારા લોક તથા ચારાના ઘેટાઁ
    પેઢી દર પેઢી તમારું સ્તવન કરીશું.

“જે અનાદિ અને અનંત છે,
ધન્ય છે તારું મહિમાવંતુ નામ જે કોઇપણ ધન્યવાદ
    અને પ્રશંસાની પરિસીમાથી પર છે.
⁶ તું જ એક માત્ર યહોવા છે,
    તેં આકાશ અને સૌથી ઉંચુ સ્વર્ગ,
તારા, પૃથ્વી અને જે બધી વસ્તુ તેમાં છે,
    અને સમુદ્ર અને તેમાં જે બધું છે,
તેં બધું બનાવ્યું. બધાંને જીવતા રાખ્યાં છે,
    અને આકાશના તારાઓ પણ તને નમન કરે છે!
⁷ તું તે જ યહોવા દેવ છે કે,
    જેણે ઇબ્રામને પસંદ કર્યો,
તેં જ તેને ખાલ્દીઓના ઉરમાંથી બહાર કાઢયો
    અને તેં જ તેનું નામ ઇબ્રાહિમ પાડ્યું.
⁸ તેનું અંત:કરણ તારી પ્રત્યે વિશ્વાસુ જાણ્યુ;
    તેં તેની સાથે એક કરાર કર્યો
અને તેને કનાનીઓનો, હિત્તીઓનો, અમોરીઓનો, પરિઝઝીઓનો, યબૂસીઓનો,
    અને ગિર્ગાશીઓનો દેશ
તેનાઁ વંશજોને આપવાનું તેને વચન આપ્યું.
    તું ન્યાયી હોવાથી તેઁ તારૂં વચન પાળ્યું છે.
⁹ તેં મિસરમાં અમારા પિતૃઓનાં દુ:ખ જોયાં,
    અને રાતા સમુદ્ર આગળ તેઓનો પોકાર સાંભળ્યો;
¹⁰ તેં ફારુનને અને તેના બધા સેવકોને
    અને તેની ભૂમિની બધી એંધાણીઓ
બતાવીને આશ્ચર્યો સર્જ્યા.
    કારણ કે તું જાણતો હતો કે તેઓ અમારા પૂર્વજો
કરતા સારી રીતે વર્તતા હતાં અને સારા હતાં,
    તેઁ તારા નામને પ્રતિષ્ઠિત કર્યુ જે આજ સુધી છે.
¹¹ તેઁ તેઓની સામે સમુદ્રને વિભાજીત કર્યો.
    જેથી તેઓ તેમાંથી કોરી જમીન પરથી જઇ શકે.
તેં તેઓની પાછળ પડેલાઓને ઊંડા સાગરમાં ફેંકી દીધા,
    અને જેમ એક પથ્થરને વિશાળ સમુહમાં ફેકવામાં આવે.
¹² તું દિવસે તેઓને વાદળના
    સ્તંભ રૂપે દોરતો હતો,
અને રાત્રે અગ્નિના સ્તંભરૂપે
    તેમનો માર્ગ ઉજાળતો હતો.
¹³ તું સિનાઇ પર્વત પર પણ ઊતરી આવ્યો;
    તું આકાશમાંથી તેઓની સાથે બોલ્યો;
તેં તેઓને સત્ય નિયમો સારી વિધિઓ
    અને હિતકારી આજ્ઞાઓ આપી.
¹⁴ તેં તારા પવિત્ર સાબ્બાથો વિષે તેઓને જ્ઞાન આપ્યું,
અને તારા સેવક મૂસા મારફતે તેઓને માટે
તારી આજ્ઞાઓ વિધિઓ અને નિયમો જણાવ્યાં.
¹⁵ તેઓ ભૂખ્યા હતા ત્યારે
    તેં તેઓને આકાશમાંથી રોટલી આપી.
તેઓ તરસ્યા હતા ત્યારે
    તેં ખડકમાંથી પાણી વહેવડાવ્યું.
જે વતન તેં તેઓને આપવા માટે
    વચન આપ્યું હતું તેમાં પ્રવેશ કરવા
તથા તેને જીતી લેવા
    તમે તેઓને આજ્ઞા આપી.
¹⁶ પરંતુ તેઓ અને અમારા પૂર્વજો અભિમાની અને હઠીલા હતા
    અને તેઓ અક્કડ થયા અને તેઓએ તારી આજ્ઞાઓની અવગણના કરી.
¹⁷ તેઓ સમક્ષ તેં જે ચમત્કારો કર્યા હતા,
    તે ભૂલી જઇને તેમણે તારૂં કહ્યું કરવાની ના પાડી.
તેઓ અક્કડ થઇ ગયાં અને તેમણે મિસર જઇ ફરી
    ગુલામી સ્વીકારવાનો વિચાર સુદ્ધાં કર્યો.

“તેનો વિનાશ થયો છે!
    તે મોટા શહેર બાબિલોનનો નાશ થયો છે!
તે ભૂતોનું ઘર બન્યું.
    તે શહેર દરેક અશુદ્ધ આત્માઓને રહેવા માટેનું સ્થળ બન્યું છે.
    તે બધી જાતના અશુદ્ધ પક્ષીઓથી ભરેલું શહેર બન્યું છે.
    તે બધા અશુદ્ધ તિરસ્કૃત પ્રાણીઓનું શહેર બન્યું છે.
³ પૃથ્વી પરના બધા લોકોએ તેના વ્યભિચારના પાપનો તથા દેવના કોપનો દ્રાક્ષારસ પીધો છે.
પૃથ્વી પરના રાજાઓએ તેની સાથે વ્યભિચારનાં પાપ કર્યા છે
    અને પૃથ્વી પરના વેપારીઓ તેની સમૃદ્ધ સંપત્તિ અને મોજશોખમાંથી શ્રીમંત થયા છે.”

“મારા લોકો, તે શહેરમાથી બહાર આવો,
    જેથી તમે તેના પાપોના ભાગીદાર ન થાઓ.
પછી તમે તેના પર આવનારી વિપત્તિઓને તમારે સહન કરવી પડશે નહિ.
⁵ તે શહેરનાં પાપો દૂર આકાશ સુધી પહોંચ્યા છે.
    તેણે જે ખરાબ કૃત્યો કર્યા છે તે દેવ ભૂલ્યો નથી.
⁶ તે શહેરને એટલું ભરી આપો, જેટલું તેણે બીજાઓને ભરી આપ્યું છે.
    તેણે જેટલું કર્યુ છે તેનાથી બમણું આપો;
તેને માટે દ્રાક્ષારસ જેટલો તેણે બીજાઓ માટે તૈયાર કર્યો હતો તેનાથી બમણો તેજ તૈયાર કરો.
⁷ બાબિલોને પોતાને મોટી કીર્તિ અને મોજશોખ જીવનમાં પ્રાપ્ત કર્યા,
    તેટલાં દુ:ખો અને વેદનાઓ પણ તેને આપો;
તે તેની જાતને કહે છે, ‘હું મારા રાજ્યાસન પર બેઠેલી એક રાણી છું.
    હું વિધવા નથી,
    હું કદી ઉદાસ થનાર નથી.’
⁸ તેથી એક દિવસમાં આ બધી
    ખરાબ બાબતો મૃત્યુ, શોક અને દુકાળ તેની પાસે આવશે.
તેનો અગ્નિથી નાશ થશે,
    કારણ કે પ્રભુ દેવ જે તેનો ન્યાય કરે છે તે શક્તિશાળી છે.”

⁸ ‘આ લોકો પોતાના હોઠોથી મને માન આપે છે,
    પરંતુ તેઓનાં હૃદય મારાથી ઘણાં દૂર છે.
⁹ તેઓની મારા તરફની ભક્તિ નકામી છે.
    તેઓ દેવની આજ્ઞાઓને બદલે માણસોએ બનાવેલા નિયમોનો ઉપદેશ આપે છે.’”^(C)