Book of Common Prayer

⁵ Тоа покажува дека Бог правилно ве проценил и дека навистина сте достојни да го наследите Божјото царство, за кое и страдате. ⁶ Бог праведно ќе ги казни оние што ве угнетуваат и мачат, ⁷ а вам, кои страдате, ќе ви даде починка, како и на сите нас, кога Господ Исус ќе се појави од небото со Своите моќни ангели, ⁸ со распламтен оган, казнувајќи ги оние што не сакаат да Го признаат Богa и ја отфрлаат Радосната вест на нашиот Господ Исус. ⁹ Тие ќе бидат казнети со вечно уништување, отстранети од Божјото присуство и од Неговата величествена сила. ¹⁰ Ова ќе се случи кога Господ ќе се врати за да Му биде оддадена слава и чест од оние што се Негови, што веруваат во Него. Меѓу нив спаѓате и вие, затоа што поверувавте во она што ви го сведочевме.

¹¹ Вас Бог ве одбра и ние постојано се молиме за вас, Бог да ве направи достојни за тој позив. Се молиме Бог да ви даде сила да ги извршите сите добри дела што посакувате да ги направите и што верата ви налага да ги правите. ¹² Така, заради тоа што нашиот Бог и Господ Исус Христос беше толку благонаклонет^[a] спрема вас, вие ќе му донесете слава на името на нашиот Господ Исус, а и Тој вам ќе ви донесе слава.

Раѓањето на Јован Крстител

⁵⁷ Дојде време Елисавета да се породи и таа роди син. ⁵⁸ Кога нејзините соседи и роднини видоа дека Господ покажа кон неа голема благонаклоност, заедно со неа се радуваа и тие.

⁵⁹ На осмиот ден по раѓањето го донесоа детето да го обрежат^[a] и сакаа да му дадат име Захарија, според името на татко му. ⁶⁰ Но мајка му рече: „Не, туку ќе се вика Јован^[b]!“ ⁶¹ Тие и велеа: „Па никој од твоите роднини не се вика така!“ ⁶² Потоа преку знаци го прашаа таткото, како сака да се вика детето. ⁶³ Захарија побара една плоча за пишување и напиша: „Ќе се вика Јован!“ Сите беа изненадени. ⁶⁴ Во истиот миг, му се врати говорот на Захарија и тој почна да Го слави Бога. ⁶⁵ По ова страв завладеа меѓу луѓето во тој крај, а за овие случки се расправаше по сиот планински предел на Јудеја. ⁶⁶ Сите што ќе слушнеа за ова размислуваа и се прашуваа: „Што ли ќе биде од ова дете!?“, зашто беше очигледно дека со него беше силата Господова.

Песната и пророштвото на Захарија

⁶⁷ Тогаш Захарија, таткото на Јован (Крстител), се исполни со Свет Дух и го изрече ова пророштво:

⁶⁸ Слава нека Му е на Господ,

Израеловиот Бог,

Кој му дојде на помош

на Својот народ и го избави!