Book of Common Prayer

Писмо од апостол Павле до

Филемон

Авторство и поздрави

¹ Од Павле, кој е в затвор затоа што проповеда за Исус Христос,

и од братот по вера Тимотеј,

до нашиот соработник, до нашиот сакан Филемон,

² до сестра Апија, до нашиот соборец Архипус и до црквата што се собира во твојот дом.

³ Ви посакувам Бог, нашиот Татко, и Господ Исус Христос да ви бидат благонаклонети и да ви дадат мир.

Љубовта и верата на Филемон

⁴ Филемоне, секогаш кога ќе те спомнам во моите молитви, Му благодарам на Бог за тебе. ⁵ Слушам за твојата вера во Господ Исус и љубов спрема сите верни. ⁶ Се молам да имаш успех во споделувањето на верата со другите, па и тие да сфатат какви се благослови Христос ни даде. ⁷ Љубовта што ја имаш многу ме израдува и ме охрабри. Ги зарадува и срцата на сите Божји луѓе.

Молба за Онисим

⁸ Христос ми дава смелост да ти заповедам што треба да сториш, ⁹ но јас, попрво би те замолил да го сториш тоа од љубов. Затоа јас, старецот^[a] Павле, затвореник затоа што проповедам за Исус Христос, ¹⁰ те молам да му помогнеш на Онисим^[b]. Тој ми е како син, бидејќи тука во затворот го доведов кај Христос. ¹¹ Порано тој беше бескорисен за тебе, но сега е многу корисен и за тебе и за мене.

¹² Сега го испраќам кај тебе. За срце ми прирасна ¹³ и би сакал да го задржам кај себе, та во твое име да ми помага сега, кога сум во окови, затоа што ја проповедам Радосната вест, ¹⁴ но не сакав ништо да сторам без твоја согласност. Сакав да го сториш тоа од љубов, а не затоа што јас сум те принудил.

¹⁵ Можеби токму заради тоа тој за кратко беше одвоен од тебе, за потоа засекогаш да ти се врати, ¹⁶ но не веќе како роб, туку како нешто многу повеќе, како драг брат. Мене ми е драг пријател, а тебе сигурно ќе ти биде уште подраг и како личност и како човек што верува во Господ.

¹⁷ Ако ме сметаш за пријател, прифати го како што би ме прифатил мене. ¹⁸ Ако ти направил некаква штета, или ако нешто ти должи, стави го тоа на моја сметка. ¹⁹ Јас, Павле, со своја рака ти пишувам: „Јас ќе ти се оддолжам.“ Нема сега да спомнувам дека и самиот ти си мој должник. ²⁰ Брате мој, направи ми ја таа услуга заради Господ, зарадувај ме заради Христос.

²¹ Сигурен сум дека ќе сториш се што побарав од тебе, дури и повеќе. ²² Приготви за мене соба, зашто се надевам дека твоите молитви ќе бидат услишани и набргу ќе можам повторно да те посетам.

Завршни поздрави

²³ Те поздравува Епафрас. И тој е со мене в затвор, затоа што проповеда за Исус Христос. ²⁴ Те поздравуваат моите соработници Марко, Аристарх, Димас и Лука.

²⁵ Господ Исус Христос нека ти биде благонаклонет и духовно нека биде со тебе.

Дрвото се познава по плодот

(Лк. 6:43-45) ³³ „Вие добро знаете дека питомото дрво раѓа питом плод, а дивото дрво раѓа див плод, зашто дрвото се распознава според плодот. ³⁴ Змиски рожби! Како може од вас да произлезат благородни зборови, кога сте зли!? Устата го зборува тоа што човек го има во срцето! ³⁵ Благороден човек изговара благородни зборови, бидејќи срцето му е благородна ризница, а лошиот човек изговара лоши зборови, бидејќи срцето му е зла ризница. ³⁶ Ве предупредувам дека за секој непромислен збор што ќе го изговорат луѓето, ќе одговараат на Судниот ден! ³⁷ Твоите сопствени зборови или ќе те оправдаат, или ќе те осудат.“

Фарисеите бараат чудотворен знак

(Мк. 8:11-12; Лк. 11:29-32) ³⁸ Тогаш некои вероучители и некои фарисеи^[a] Му рекоа на Исус: „Учителе, сакаме од Тебе да видиме некој чудотворен знак!“ ³⁹ А Исус им одговори: „Само грешните и безбожни луѓе бараат чудотворен знак, но ним нема да им биде даден никаков друг знак, освен знакот на пророкот Јона: ⁴⁰ како што Јона беше во утробата на китот три дни и три ноќи, така и Јас, Синот Човечки, ќе минам три дни и три ноќи во срцето на Земјата. ⁴¹ На Судниот ден, жителите на градот Нинева ќе станат и ќе ја осудат оваа генерација, зашто во тоа време кога Јона им проповедаше, тие се покајаа. А еве, пред вас стои Некој што е многу поголем од Јона - а кај вас нема покајание! ⁴² И кралицата од Шеба^[b] ќе стане на Судниот ден и ќе ја осуди оваа генерација, зашто таа дојде од далечна земја за да ја чуе мудроста на Соломон. А еве, пред вас стои Некој што е многу поголем од Соломон, а вие не Го слушате!“