Book of Common Prayer
16 Зар не сфаќате дека вие сте Божјиот храм и дека Божјиот Дух живее во[a] вас? 17 Ако некој го урива Божјиот храм, Бог него ќе го разурне, бидејќи Божјиот храм е свет. Тој храм сте вие, христијаните.
18 Никој нека не се залажува! Ако некој од вас се смета за мудар според мерилата на овој свет, треба да се ослободи од таквата самоувереност[b], за да може да стане мудар според Божјите мерила. 19 Зашто мудроста на овој свет е рамна на лудост пред Бог! Во Светото Писмо пишува:
„Бог ги лови самоуверените мудреци
во стапицата на нивното сопствено лукавство[c]!“
20 И на друго место:
„Господ им ги знае плановите на мудрите,
знае дека во нив нема вредност[d]!“
21 Затоа, никој да не се фали со човек! Вам ви припаѓа се: 22 и Павле, и Аполос и Петар[e], и целиот свет; и животот и смртта, и сегашноста и иднината - се ви припаѓа вам, 23 а вие Му припаѓате на Христос, а Христос Му припаѓа на Бог.
11 Благословени сте и вие ако ве навредуваат и прогонуваат поради тоа што сте Мои следбеници и ако изнесуваат злобни лаги против вас. 12 Радувајте се и ликувајте, зашто на небото ве чека голема награда; така беа прогонувани и Божјите пророци кои живееја пред вас.“
Сол и светлина на светот
(Мк. 9:50; Лк. 14:34-35) 13 „Вие сте во улога на сол на Земјата; ако солта стане блуткава, како ќе и се врати солениот вкус? Таа ќе стане безвредна - ќе биде фрлена да ја газат луѓето.
14 Вие сте во улога на светлина на светот, како осветлен град изграден на врв планина, за сите да го гледаат. 15 Никој не пали свеќа за да ја покрие со капак, туку ја става на свеќник, за да им свети на сите во куќата. 16 Така и вие бидете светлина пред луѓето, нека видат добри дела во вас, па ќе Го слават вашиот небесен Татко.“
Copyright 1999 by HBC Radosna Vest