Book of Common Prayer

Природата и целите на Мојсеевиот Закон

¹⁵ Драги пријатели христијани^[a], да ви дадам еден пример од секојдневноста. Ако двајца луѓе склучат договор, никој од нив не може ниту да отстапи од него, ниту пак нешто да додаде кон него. ¹⁶ Ветувањето му беше дадено на Авраам и на неговиот Потомок. Светото Писмо не вели „на твоите потомци“, како да се повеќемина, туку вели: „на твојот Потомок“, а тоа е Христос. ¹⁷ Сакам да кажам дека Мојсеевиот Закон не може да го промени или поништи ветувањето што Бог го даде четиристотини и триесет години пред да Му биде даден Законот на Мојсеј. ¹⁸ Ако добивањето на наследството зависи од придржувањето кон Мојсеевиот Закон, тогаш Божјото ветување не би играло никаква улога, а знаеме дека Бог му подари на Авраам наследство врз основа на Своето ветување.

¹⁹ Тогаш зошто постои Мојсеевиот Закон? Тој им беше даден на луѓето за да сфатат дека се грешни. Тој беше на сцена се додека не дојде Потомокот за Кого беше дадено ветувањето. Постои уште една разлика. Ангелите му го дадоа Законот на Мојсеј, а тој им го пренесе на луѓето. ²⁰ Посредник е потребен кога има две страни, а при ветувањето дадено на Авраам, Бог дејствуваше самостојно.

²¹ Тогаш, дали Законот е во спротивност со Божјото ветување? Никако! Ако Мојсеевиот Закон можеше да ни даде живот, тогаш луѓето ќе се помируваа со Бог со придржување кон Законот. ²² Светото Писмо, меѓутоа, вели дека сите сме заробеници на гревот, па единствениот начин да го добиеме она што Бог го вети е преку вера во Исус Христос.

⁴⁷ Доцна вечерта, додека Тој сe уште беше сам на копното, бротчето се наоѓаше некаде сред езерото. ⁴⁸ Ги виде Своите ученици како се мачат, веслајќи спроти ветрот. Околу четири^[a] часот наутро, Исус се упати кон нив, одејќи по површината на езерото, со намера да им се придружи.

⁴⁹ Кога учениците Го видоа како оди по водата, помислија дека е дух, па од страв почнаа да викаат. Сите Го видоа и многу се исплашија. ⁵⁰ Но Тој веднаш им проговори: „Не плашете се, Јас сум! Смирете се!“ ⁵¹ Потоа влезе кај нив, во бротчето, и ветрот наеднаш стивна. Учениците останаа наполно збунети! ⁵² Умовите им беа заслепени и не го сфатија значењето на претходната случка со лебовите.

Исцелувања во Генисаретскиот крај

(Мт. 14:34-36) ⁵³ Исус и Неговите ученици го препловија езерото и пристигнаа на брегот кај градот Генисарет. ⁵⁴ Кога излегоа од бротчето, луѓето Го препознаа Исуса. ⁵⁵ Се растрчаа по целиот крај, донесувајќи му болни на носила, откако ќе утврдеа на кое место се наоѓа Тој. ⁵⁶ Во кое село, град или населба Исус ќе влезеше, на пазарите и по улиците, луѓето Му носеа болни и Го молеа да им дозволи барем да ја допрат Неговата наметка. И секој што ќе Го допреше, оздравуваше.