Book of Common Prayer

Молитва за духовна мудрост

¹⁵ Слушнав за вашата вера во Исус Христос и за љубовта што ја имате спрема сите христијани ¹⁶ и во моите молитви постојано Му благодарам на Бог за вас. ¹⁷ Го молам Бога, Славниот Татко на нашиот Господ Исус Христос, да ви даде духовна мудрост и да ви открие се за Себе, за да Го запознаете целосно. ¹⁸ Се молам вашите срца да бидат просветлени, за да согледате каква прекрасна иднина им е ветена на повиканите, да разберете какво богато^[a] и величествено наследство има Бог за Својот свет народ, ¹⁹ колку е огромна силата со која Тој работи за нас кои Му веруваме. Таа сила е истата онаа моќна сила ²⁰ со која Тој Го воскресна Христос од мртвите и Му Го додели почесното место на небото, од Својата десна страна. ²¹ Христос е високо над сите владетели и власти, над сите сили и господари, над секого, не само во овој свет, туку и во идниот. ²² Бог се стави под власт^[b] на Христос и Го постави за Господар^[c] над се, во полза на Црквата. ²³ Црквата е Христовото тело, таа е исполнета со Христос, Кој со своето присуство исполнува се и насекаде.

Почетоци на Исусовата служба

(Мт. 4:12-17; Лк. 4:14-15) ¹⁴ Подоцна, кога владетелот Ирод Антипа го затвори Јована Крстител, Исус отиде во Галилеја за да ја проповеда Божјата Радосна вест. ¹⁵ Говореше: „Дојде времето! Божјото царство се приближува! Покајте се и верувајте во Радосната вест!“

Исус ги избира првите ученици

(Мт. 4:18

-22; Лк. 5:1-11) ¹⁶ Одејќи по брегот на Галилејското Езеро, Исус ги забележа браќата Симон и Андреј. Тие беа рибари и ги поставуваа своите рибарски мрежи во езерото. ¹⁷ Исус им рече: „Тргнете по Мене и Јас ќе ве научам како да ловите луѓе, а не риби!“ ¹⁸ Двајцата браќа веднаш ги оставија своите мрежи и тргнаа по Него.

¹⁹ Малку понатаму, Исус ги забележа Завдаевите синови Јаков и Јован. Тие седеа во своето бротче и си ги крпеа рибарските мрежи. Веднаш ги повика и нив. ²⁰ Оставајќи ги својот татко и наемните работници во бротчето, тие тргнаа по Исус.

Исус во Кафарнаум: сабота, во синагогата

(Лк. 4:31-37) ²¹ Придружуван од Своите ученици, Исус отиде во градот Кафарнаум. Во саботата, отиде во синагогата^[a] и почна да ги поучува луѓето. ²² Сите беа восхитени од Неговото учење. Тој поучуваше со вистински авторитет, а не како вероучителите^[b].

²³ Одненадеж, во синагогата влезе еден човек обземен^[c] со демонски дух и почна да вика: ²⁴ „Што ќе ни сториш, Исусе од Назарет!? Дојде за да нe уништиш, нели!? Те знам Кој си: Ти си Божјиот Светец!“

²⁵ Исус му заповеда на демонскиот дух: „Замолкни и излези од човекот!“ ²⁶ Демонскиот дух го стресе човекот и со силна викотница излезе од него.

²⁷ Луѓето останаа вчудовидени и си велеа еден на друг: „Што е ова? Некое ново и моќно учење! На демонски духови им заповеда и тие Му се покоруваат!“

²⁸ Вестите за Исус бргу се раширија по цела Галилеја.