Book of Common Prayer

⁷ Прифаќајте се еден со друг, како што Христос ве прифати вас. Со тоа Бог ќе биде прославен. ⁸ Сакам да знаете дека Христос им стана слуга на Евреите за да го исполни ветувањето што Бог им го беше дал на нивните предци, ⁹ а исто така и сите други народи да Го прославуваат Бога заради Неговата милост, како што е напишано во Светото Писмо:

„Затоа ќе Ти донесам слава меѓу нееврејските народи,

ќе Му пеам славопои на Твоето име^[a]!“

¹⁰ И на друго место вели:

„Радувајте се и вие што не сте Евреи,

заедно со Божјиот народ, Евреите^[b]!“

¹¹ И повторно:

„Славете Го Господа сите народи,

Него нека Го слават сите луѓе^[c]!“

¹² А Исаија вели:

„Ќе се појави потомок на Давид^[d],

ќе им стане владетел на нееврејските народи,

кои својата надеж во Него ќе ја положат^[e]!“

¹³ Сега Бог, изворот на надежта, нека ве исполни со радост и со мир заради вашата вера во Христос, а вашата надеж нека продолжи силно да расте и да се поткрепува од силата на Светиот Дух.