Book of Common Prayer

⁶ Paica, Diosllatajmi carca.
    Shina cashpapish, ‘Taita Dios shinallatajmi cani’ nishpa,
    chaita cacharishca canataca mana munarcachu.
⁷ Ashtahuanpish Cristoca, Paipaj quiquin munaihuanmi,
    Pai ima cashcata ladoman saquishpa shamurca.
    Chaimantaca, ñucanchij shinallataj aichayuj tucushpami, servij runa tucurca.
⁸ Paica, chashna aichayuj runa tucushca jahuapish,
    ashtahuan yangamanmi uriyarca.
Tucuipi Diosta caźushpami chacatashca,
    pinganayajta huañuna tucurca.
⁹ Chaimantami Taita Diosca, Paitaca tucuicunata yalli jatunyachirca.
    Shutitapish tucui shuticunamanta yalli,
    jatun shutitami curca.
¹⁰ Chaimantami Jesuspaj shutita uyashpaca,
    jahua pachapi cajcunapish, cai pachapi cajcunapish, allpa ucupi cajcunapish
tucuicuna Paipaj ñaupajpi cunguringa.
¹¹ Chaipimi, tucuicunallataj Jesucristotaca, ‘Mandajmi’ nishpa,
    Taita Diosta sumajyachingacuna.