Book of Common Prayer

Бидете вредни, а не мрзливи

⁶ Сега, драги пријатели христијани, во името на нашиот Господ Исус Христос, ви наложувам да не им се придружувате на оние меѓу вас, кои само денгубат, ништо не работат и не се придржуваат до она што ве учевме. ⁷ Вие сигурно знаете дека треба да го следите нашиот пример. Додека бевме кај вас, ние не седевме со скрстени раце. ⁸ Лебот што го јадевме не беше подарок од вас, туку деноноќно напорно работевме, за да не му бидеме никому на товар. ⁹ Не дека ние не можевме да бараме храна од вас, туку сакавме вам да ви дадеме пример. ¹⁰ Уште кога бевме кај вас ви рековме: на оној што не сака да работи, не давајте му ни да јаде! ¹¹ Слушаме дека некои меѓу вас денгубат, ништо не работат и само се плеткаат во тоа што не е нивна работа. ¹² Заради нашиот Господ Исус Христос ги молиме тие луѓе и бараме од нив да се средат и да почнат да работат, та сами да се издржуваат. ¹³ А вам, драги пријатели, што не сте во таа група, никогаш нека не ви биде мачно да правите добри дела.

¹⁴ Посочете ги луѓето што не се придржуваат до упатствата што ви ги дадовме во ова писмо. Престанете да се дружите со нив, за да се посрамат. ¹⁵ Немојте да ги сметате за свои непријатели, туку советувајте ги како членови на вашето духовно семејство.

Благослови и поздрави

¹⁶ Господ нека биде секогаш со вас и нека ви дава мир во секакви околности, зашто Самиот Тој е извор на мирот.

¹⁷ Како и во сите мои писма, ве поздравувам со своерачен потпис: Павле.

¹⁸ Нашиот Господ Исус Христос нека ви биде благонаклонет на сите.

Исус претскажува дека Петар ќе Го изневери

(Матеј 26:31-35; Марко 14:27-31; Јован 13:36-38) ³¹ Исус продолжи: „Симоне, Симоне! Еве, Сатаната побара дозвола да ве искуша сите. Тој ќе се обиде да ве просее, како што земјоделецот ја просејува пченицата. ³² А Јас се молев за тебе, Симоне, да не потклекнеш во твојата вера. Така и ти, кога повторно ќе се вратиш кај Мене, поткрепувај ги своите пријатели христијани!“

³³ Петар одговори: „Господе! Јас сум готов да одам со Тебе и во затвор и во смрт!“ ³⁴ Но Исус му рече: „Еве, ти кажувам, Петре, пред да запеат петлите в зори, ти трипати ќе одрекуваш дека воопшто Ме познаваш!“

³⁵ Потоа Исус ги праша Своите ученици: „Кога ве испратив на претходната мисија без ќесиња, без торби и чевли, дали бевте во скудност за нешто?“ Тие Му одговорија: „Не, за ништо!“ ³⁶ Но овојпат ви велам: „Кој има ќесе или торба, нека ги земе со себе; и кој нема меч, нека си го продаде палтото и нека си купи меч. ³⁷ Зашто, еве, ви кажувам дека за Мене мора да се исполни она што е претскажано^[a] во Светото Писмо:

„Тој ќе биде осуден како да е злосторник!“ Тоа ќе се оствари за Мене сега.

³⁸ Учениците Му рекоа: „Господе, имаме два ножа!“ А Тој им рече: „Доволно зборувавме за тоа!“