Book of Common Prayer

Заштитени 144.000 души од Божјиот народ

7 Потоа видов четири ангели кои стоеја на четирите страни на Земјата. Тие ги задржуваа ветровите од четирите страни на Земјата да не дуваат ни на земјата, ни на морето ниту пак на дрвјата. ² Потоа забележав еден друг ангел како доаѓа од исток. Тој го носеше печатот на Живиот Бог. Со многу силен глас тој им се обрати на четирите ангели на кои Бог им беше дал власт да ги пустошат земјата и морињата: ³ „Не пустошете ни по земјата, ни по морињата, ниту пак по дрвјата, додека не ги обележам со печат в чело Божјите слуги!“

⁴ Тогаш го слушнав и бројот на обележаните со Божјиот печат: тие беа вкупно сто и четириесет и четири илјади души, од сите племиња на Израел, и тоа:

⁵ 12.000 од племето на Јуда,

12.000 од племето на Реувен,

12.000 од племето на Гад,

⁶ 12.000 од племето на Ашер,

12.000 од племето на Нафтали,

12.000 од племето на Менаше,

⁷ 12.000 од племето на Шимон,

12.000 од племето на Левиј,

12.000 од племето на Исахар,

⁸ 12.000 од племето на Зевулун,

12.000 од племето на Јосиф и

12.000 од племето на Бинјамин.

ИСУС ТРГНУВА КОН ЕРУСАЛИМ

Негостољубивите Самарјанци

⁵¹ Кога наближи времето да биде вознесен на небото, Исус решително тргна кон Ерусалим. ⁵² Испрати гласници пред Себе, кои отидоа во едно самариско село, за да Му приготват преноќевалиште, ⁵³ но тие не сакаа да Го примат, зашто Тој одеше за Ерусалим^[a]. ⁵⁴ Кога го слушнаа тоа учениците Јаков и Јован, рекоа: „Господе, сакаш ли да заповедаме да слезе оган од небото, па да ги уништи, како што направи Илија^[b]?“ ⁵⁵ Но Исус се сврте кон нив и ги прекори. ⁵⁶ Потоа Исус и Неговите ученици отидоа во друго село.

Колебливи следбеници

(Матеј 8:19-22) ⁵⁷ Додека патуваа, еден човек Му пристапи и рече: „Готов сум да Те следам насекаде!“ ⁵⁸ А Исус му одговори: „Лисиците си имаат дувла, птиците гнезда, но Јас, Синот Човечки, немам Свое место за почивање.“

⁵⁹ А на еден друг човек, Исус му рече: „Дојди и биди Мој следбеник!“ Но човекот рече: „Господе, дозволи ми најпрво да одам да го погребам татко ми.“ ⁶⁰ Исус му одговори: „Остави ги духовно мртвите да ги погребуваат своите мртовци. Ти тргни да проповедаш за Божјото царство!“

⁶¹ И трет човек Му се обрати на Исус: „Ќе тргнам со Тебе, Господе, но дозволи ми најпрво да отидам и да се збогувам со моето семејство!“ ⁶² Исус му рече: „Божјото царство нема полза од човек кој ја става раката на ралото, а гледа назад!“