Book of Common Prayer

9 Во меѓувреме Савле, со секој свој здив, претставуваше смртна закана за Господовите следбеници. Толку беше ревносен во неговата решеност да ги истреби, што отиде кај Првосвештеникот ² и измоли од него да напише писма до синагогите во Дамаск, во кои Првосвештеникот ќе бара од нив да соработуваат со Савле во апсењето на сите следбеници на Патот^[a] што ќе ги најде таму. Савле сакаше да ги доведе во Ерусалим сите христијани, и мажи и жени, оковани во синџири.

³ Кога се приближи до Дамаск, ненадејно блесна во него силна светлина од небото! ⁴ Тој падна на земјата и слушна глас, како му се обраќа: „Савле, Савле! Зошто Ме прогонуваш?“

⁵ „Кој сте Вие, господине?“ - праша Савле.

Господ му одговори: „Јас сум Исус, Кого ти Го прогонуваш! ⁶ Стани и влези во градот; таму ќе ти биде кажано што треба да правиш!“

⁷ Луѓето што патуваа со него стоеја занемени, зашто слушнаа глас, а не видоа никого. ⁸ Савле стана од земјата, ги отвори очите, но ништо не гледаше. Водејќи го за рака, го одведоа во Дамаск. ⁹ Три дена не можеше да гледа, и ниту јадеше, ниту пиеше.

²⁷ Престанете да се грижите само за храната што се расипува! Погрижете се за храната што дава вечен живот, која ќе ви ја дадам Јас, Синот Човечки, затоа што, Бог, небесниот Татко, Ми го даде тоа право!“

²⁸ „Што треба да правиме, за да го исполниме она што Бог го бара од нас?“ - го прашаа тие.

²⁹ Исус им одговори: „Бог бара од вас да верувате во Оној што Тој Го прати.“

³⁰ Тогаш тие Му рекоа: „Какво чудо ќе направиш, за да видиме, па да Ти поверуваме? Што ќе направиш? ³¹ Нашите предци јадеа мана^[a] во пустината, како што стои запишано: ,Бог им даде да јадат леб од небото‘.“

³² Исус, пак, им одговори: „Ве уверувам дека не беше Мојсеј тој што ви даде леб од небото, туку Мојот Татко. И сега Мојот Татко ви го нуди вистинскиот Леб од небото. ³³ Зашто, Лебот што ви го дава Бог е Оној што слезе од небото, за да му даде живот на светот.“

³⁴ „Господине“, - му рече народот - „давај ни го тој леб секогаш!“

³⁵ Исус им рече: „Јас сум животодавниот Леб! Оној што доаѓа кај Мене никогаш нема да огладни и оној што верува во Мене никогаш нема да ожедни. ³⁶ Но ви реков дека, иако Ме видовте, сепак не верувате во Мене. ³⁷ Секој што Ми е даден од Татко Ми, ќе дојде кај Мене, а Јас нема да одбијам ниту еден од оние што доаѓаат кај Мене. ³⁸ Јас не слегов од небото за да ја вршам Својата волја, туку да ја вршам волјата на Бог, Кој Ме прати. ³⁹ А волјата на Бог, Кој Ме прати е да не изгубам ниту еден од оние што Тој ми ги даде, туку на крајот сите да ги воскреснам за вечен живот. ⁴⁰ Волјата на Мојот небесен Татко е: секој што го гледа Синот и верува во Него, да има вечен живот и на крајот Јас да го воскреснам.“