Book of Common Prayer

Ангел со отворена книшка

10 Потоа забележав еден друг силен ангел како слегува од небото. Беше обвиткан со облак, а над главата имаше божилак. Лицето му светеше како сонце, а нозете - како огнени столбови. ² Во рацете држеше отворена книшка^[a]. Десната нога му беше врз морето, а левата врз копното. ³ Тој проговори со глас како лавовски рев. Во одговор се огласија седум грмотевици. ⁴ Кога се огласија седумте грмотевици сакав да го запишам тоа што го рекоа тие, но еден глас од небото ми рече: „Не запишувај го тоа што го рекоа седумте грмотевици; тоа нека остане тајна!“

⁵ Тогаш, ангелот што го видов порано со едната нога врз морето а со другата врз копното ја крена својата десна рака кон небото ⁶ и се заколна во името на Вечно-Живиот, Творецот на небото, на Земјата, на морето и на секое живо суштество во нив, велејќи: ⁷ „Одлагање повеќе ќе нема! Штом ќе затруби седмиот ангел ќе се исполнат Божјите тајни планови, како што Тој им навестуваше на Своите слуги - пророците!“

⁸ Тогаш пак ми проговори гласот од небото и ми рече: „Оди, земи ја отворената книшка од раката на ангелот кој стои врз морето и врз копното.“ ⁹ Кога отидов кај ангелот да му ја побарам книшката, тој ми рече: „Земи ја и изеди ја! Таа во устата ќе ти биде блага како мед, но кога ќе ја проголташ во стомакот ќе ти стане горчлива!“ ¹⁰ Ја зедов книшката од ангелот и ја изедов; во устата ми беше слатка како мед, но кога ја проголтав, ми ја загорчи целата утроба.

¹¹ Тогаш ми беше речено: „Ќе треба да продолжиш да ја проповедаш Божјата пророчка порака за она што ќе се случи со луѓето од многубројните народи, раси, јазици и со нивните цареви.“

5. Споредба со скриеното богатство

⁴⁴ „Небесното царство може да се спореди со богатство скриено во нива. Човекот што ќе го пронајде повторно го закопува и сиот радосен оди и продава се што поседува и ја купува таа нива.“

6. Споредба со бисерот

⁴⁵ „Понатаму, небесното царство може да се спореди со трговец што трага по најскапоцениот бисер; ⁴⁶ кога ќе го најде, тој оди и продава се што има и го купува.“

7. Споредба со рибарската мрежа

⁴⁷ „Понатаму, небесното царство може да се спореди со голема рибарска мрежа што се фрла в море, при што зафаќа секаков вид риби. ⁴⁸ Кога мрежата ќе се наполни, ја извлекуваат на брегот, седнуваат, и добрите риби ги издвојуваат во кошеви, а лошите ги фрлаат. ⁴⁹ Така ќе биде и на крајот на светот: ќе излезат ангелите, ќе ги издвојат грешниците од праведниците, ⁵⁰ и ќе ги фрлат во огнена печка, каде што ќе има пискоти и крцкање со заби.“

Спрега меѓу Стариот и Новиот завет

⁵¹ „Го разбравте ли сето ова?“ - ги запраша Исус. „Да!“ - Му одговорија тие. ⁵² А Тој им рече: „Тогаш, секој вероучител којшто станал ученик на небесното царство може да се спореди со домаќин кој од своите ризници ќе може да извади и ново^[a] и старо.“

Исус се враќа во Назарет, но не е прифатен

(Мк. 6:1-6; Лк. 4:16-30) ⁵³ Штом Исус заврши со изложувањето на споредбите, си замина оттаму, ⁵⁴ и се врати во Назарет - своето поранешно живеалиште, каде што го поучуваше народот по синагогите^[b]. Сите што Го слушаа се чудеа и говореа: „Каде се стекнал овој човек со олкава мудрост и моќ да прави чуда? ⁵⁵ Зар Тој не е синот на дрводелецот? Нели му е мајка Марија и нели му се браќа Јаков, Јосиф, Симон и Јуда? ⁵⁶ Нели се меѓу нас и сите Негови сестри? Каде ли се здобил овој човек со сето ова?“ ⁵⁷ Жителите на Назарет Го пречекаа со сомневања. Тогаш Исус им рече: „Пророкот останува без признание единствено во својот град и во своето семејство.“ ⁵⁸ И бидејќи Го дочекаа со недоверба, Тој не направи таму многу чуда.