आमोस 9

Marathi Bible: Easy-to-Read Version

“खांबांच्या माथ्यावर मार
    मग इमारत अगदी उंबऱ्यापासून हादरेल.
खांब लोकांच्या डोक्यावर पाड.
    कोणी जिवंत राहिल्यास,
मी त्याला तलवारीने ठार मारीन.
    एखादा पळून जाईल, पण सुटणार नाही.
लोकांपैकी एकही सुटून
    पळू शकणार नाही.
² त्यांनी जमिनीत खोल खणले,
    मी त्यांना तेथून ओढून काढीन.
ते आकाशात उंच गेले,
    तरी मी त्यांना तेथून खाली आणीन.
³ ते जरी कर्मेल पर्वताच्या लपले,
    तरी तेथून मी त्यांना शोधून काढीन.
व तेथून उचलून घेईन.
जर त्यांनी माझ्यापासून लपण्यासाठी समुद्राचा तळ गाठला,
    तर मी सापाला आज्ञा करीन.
    व तो त्यांना चावेल.
⁴ जर ते पकडले गेले.
आणि त्यांचे शत्रू त्यांना घेऊन गेले.
    तर मी तलवारीला आज्ञा करीन.
    आणि ती त्यांना तेथे ठार मारील.
मी त्यांच्यावर लक्ष ठेवीन हे खरे,
    पण त्यांना त्रास कसा होईल हे मी पाहीन.
    त्यांचे भले कसे होईल, हे मी पाहणार नाही.”

“इस्राएल, तू मला कूशी लोकांप्रमाणे आहेस.
    मी इस्राएलला मिसर देशातून बाहेर आणले.
    पलिष्ट्यांना मी कफतोरमधून
    आणि अरामींना कीर मधून आणले.”

⁸ परमेश्वर, माझा प्रभू, पापी राज्यावर (इस्राएलवर) लक्ष ठेवीत आहे.
परमेश्वर म्हणाला,
“मी इस्राएलला पृथ्वीतळावरून पुसून टाकीन.
    पण याकोबच्या घराण्याचा मी संपूर्ण नाश करणार नाही.
⁹ इस्राएल राष्ट्रांच्या नाशाची आज्ञा मी देत आहे.
    सर्व राष्ट्रांमध्ये मी इस्राएलच्या लोकांना पांगवीन.
पण पीठ चाळण्यासारखे ते असेल.
चाळणीतील पीठ हलविल्यावर, चांगले पीठ खाली पडते.
    व चाळ चाळणीतच राहते, याकोबच्या घराण्याचे तसेच होईल.

¹⁰ “माझ्या लोकांतील पापी म्हणतात,
    ‘आमचे काही वाईट होणार नाही.’
पण त्या सर्वांना तलवारीने ठार मारले जाईल.”