Psalmi 72:1-7

Biblia Sacra Vulgata

72 Psalmus Asaph. Quam bonus Israel Deus, his qui recto sunt corde!

² Mei autem pene moti sunt pedes, pene effusi sunt gressus mei:

³ quia zelavi super iniquos, pacem peccatorum videns.

⁴ Quia non est respectus morti eorum, et firmamentum in plaga eorum.

⁵ In labore hominum non sunt, et cum hominibus non flagellabuntur.

⁶ Ideo tenuit eos superbia; operti sunt iniquitate et impietate sua.

⁷ Prodiit quasi ex adipe iniquitas eorum; transierunt in affectum cordis.