Psalmi 71:2-6

Biblia Sacra Vulgata

² Deus, judicium tuum regi da, et justitiam tuam filio regis; judicare populum tuum in justitia, et pauperes tuos in judicio.

³ Suscipiant montes pacem populo, et colles justitiam.

⁴ Judicabit pauperes populi, et salvos faciet filios pauperum, et humiliabit calumniatorem.

⁵ Et permanebit cum sole, et ante lunam, in generatione et generationem.

⁶ Descendet sicut pluvia in vellus, et sicut stillicidia stillantia super terram.