Psalmi 31:2-6

Biblia Sacra Vulgata

² Beatus vir cui non imputavit Dominus peccatum, nec est in spiritu ejus dolus.

³ Quoniam tacui, inveteraverunt ossa mea, dum clamarem tota die.

⁴ Quoniam die ac nocte gravata est super me manus tua, conversus sum in aerumna mea, dum configitur spina.

⁵ Delictum meum cognitum tibi feci, et injustitiam meam non abscondi. Dixi: Confitebor adversum me injustitiam meam Domino; et tu remisisti impietatem peccati mei.

⁶ Pro hac orabit ad te omnis sanctus in tempore opportuno. Verumtamen in diluvio aquarum multarum, ad eum non approximabunt.