Psalmi 19:2-7

Biblia Sacra Vulgata

² Exaudiat te Dominus in die tribulationis; protegat te nomen Dei Jacob.

³ Mittat tibi auxilium de sancto, et de Sion tueatur te.

⁴ Memor sit omnis sacrificii tui, et holocaustum tuum pingue fiat.

⁵ Tribuat tibi secundum cor tuum, et omne consilium tuum confirmet.

⁶ Laetabimur in salutari tuo; et in nomine Dei nostri magnificabimur.

⁷ Impleat Dominus omnes petitiones tuas; nunc cognovi quoniam salvum fecit Dominus christum suum. Exaudiet illum de caelo sancto suo, in potentatibus salus dexterae ejus.