Psalmi 108:2-7

Biblia Sacra Vulgata

² Deus, laudem meam ne tacueris, quia os peccatoris et os dolosi super me apertum est.

³ Locuti sunt adversum me lingua dolosa, et sermonibus odii circumdederunt me: et expugnaverunt me gratis.

⁴ Pro eo ut me diligerent, detrahebant mihi; ego autem orabam.

⁵ Et posuerunt adversum me mala pro bonis, et odium pro dilectione mea.

⁶ Constitue super eum peccatorem, et diabolus stet a dextris ejus.

⁷ Cum judicatur, exeat condemnatus; et oratio ejus fiat in peccatum.