Psalmi 103:8-14

Biblia Sacra Vulgata

⁸ Ascendunt montes, et descendunt campi, in locum quem fundasti eis.

⁹ Terminum posuisti quem non transgredientur, neque convertentur operire terram.

¹⁰ Qui emittis fontes in convallibus; inter medium montium pertransibunt aquae.

¹¹ Potabunt omnes bestiae agri; expectabunt onagri in siti sua.

¹² Super ea volucres caeli habitabunt; de medio petrarum dabunt voces.

¹³ Rigans montes de superioribus suis; de fructu operum tuorum satiabitur terra:

¹⁴ producens foenum jumentis, et herbam servituti hominum, ut educas panem de terra,