Marcus 10:13-16

Biblia Sacra Vulgata

¹³ Et offerebant illi parvulos ut tangeret illos. Discipuli autem comminabantur offerentibus.

¹⁴ Quos cum videret Jesus, indigne tulit, et ait illis: Sinite parvulos venire ad me, et ne prohibueritis eos: talium enim est regnum Dei.

¹⁵ Amen dico vobis: Quisquis non receperit regnum Dei velut parvulus, non intrabit in illud.

¹⁶ Et complexans eos, et imponens manus super illos, benedicebat eos.