Lucas 6:20-26

Biblia Sacra Vulgata

²⁰ Et ipse elevatis oculis in discipulis suis, dicebat: Beati pauperes, quia vestrum est regnum Dei.

²¹ Beati qui nunc esuritis, quia saturabimini. Beati qui nunc fletis, quia ridebitis.

²² Beati eritis cum vos oderint homines, et cum separaverint vos, et exprobraverint, et ejicerint nomen vestrum tamquam malum propter Filium hominis.

²³ Gaudete in illa die, et exsultate: ecce enim merces vestra multa est in caelo: secundum haec enim faciebant prophetis patres eorum.

²⁴ Verumtamen vae vobis divitibus, quia habetis consolationem vestram.

²⁵ Vae vobis, qui saturati estis: quia esurietis. Vae vobis, qui ridetis nunc: quia lugebitis et flebitis.

²⁶ Vae cum benedixerint vobis homines: secundum haec enim faciebant pseudoprophetis patres eorum.