Lucas 15:8-10

Biblia Sacra Vulgata

⁸ Aut quae mulier habens drachmas decem, si perdiderit drachmam unam, nonne accendit lucernam, et everrit domum, et quaerit diligenter, donec inveniat?

⁹ Et cum invenerit convocat amicas et vicinas, dicens: Congratulamini mihi, quia inveni drachmam quam perdideram.

¹⁰ Ita, dico vobis, gaudium erit coram angelis Dei super uno peccatore poenitentiam agente.