Ioannes 15:26-16:4

Biblia Sacra Vulgata

²⁶ Cum autem venerit Paraclitus, quem ego mittam vobis a Patre, Spiritum veritatis, qui a Patre procedit, ille testimonium perhibebit de me;

²⁷ et vos testimonium perhibebitis, quia ab initio mecum estis.

16 Haec locutus sum vobis, ut non scandalizemini.

² Absque synagogis facient vos: sed venit hora, ut omnis qui interficit vos arbitretur obsequium se praestare Deo.

³ Et haec facient vobis, quia non noverunt Patrem, neque me.

⁴ Sed haec locutus sum vobis, ut cum venerit hora eorum, reminiscamini quia ego dixi vobis.