Ioannes 1:47-51

Biblia Sacra Vulgata

⁴⁷ Vidit Jesus Nathanael venientem ad se, et dicit de eo: Ecce vere Israelita, in quo dolus non est.

⁴⁸ Dicit ei Nathanael: Unde me nosti? Respondit Jesus, et dixit ei: Priusquam te Philippus vocavit, cum esses sub ficu, vidi te.

⁴⁹ Respondit ei Nathanael, et ait: Rabbi, tu es Filius Dei, tu es rex Israel.

⁵⁰ Respondit Jesus, et dixit ei: Quia dixi tibi: Vidi te sub ficu, credis; majus his videbis.

⁵¹ Et dicit ei: Amen, amen dico vobis, videbitis caelum apertum, et angelos Dei ascendentes, et descendentes supra Filium hominis.