Ieremias 33:14-16

Biblia Sacra Vulgata

¹⁴ Ecce dies veniunt, dicit Dominus, et suscitabo verbum bonum quod locutus sum ad domum Israel et ad domum Juda.

¹⁵ In diebus illis et in tempore illo germinare faciam David germen justitiae, et faciet judicium et justitiam in terra:

¹⁶ in diebus illis salvabitur Juda, et Jerusalem habitabit confidenter: et hoc est nomen quod vocabunt eum: Dominus justus noster.