Isaias 7:10-14

Biblia Sacra Vulgata

¹⁰ Et adjecit Dominus loqui ad Achaz, dicens:

¹¹ Pete tibi signum a Domino Deo tuo, in profundum inferni, sive in excelsum supra.

¹² Et dixit Achaz: Non petam, et non tentabo Dominum.

¹³ Et dixit: Audite ergo, domus David. Numquid parum vobis est molestos esse hominibus, quia molesti estis et Deo meo?

¹⁴ Propter hoc dabit Dominus ipse vobis signum: ecce virgo concipiet, et pariet filium, et vocabitur nomen ejus Emmanuel.