Zefanias 3:7-9
Magandang Balita Biblia
7 Kaya't nasabi ko, “Tiyak na matatakot na siya sa akin,
tatanggap na siya ng aking pagtutuwid.
Hindi na niya ipagwawalang-bahala ang mga paalala ko.
Ngunit lalo pa siyang nasabik gumawa ng masama.”
8 “Kaya't hintayin ninyo ako,” sabi ni Yahweh,
“hintayin ninyo ang araw ng aking pag-uusig.
Sapagkat ipinasya kong tipunin,
ang mga bansa at ang mga kaharian,
upang idarang sila sa init ng aking galit,
sa tindi ng aking poot;
at ang buong lupa ay matutupok sa apoy ng aking poot.
9 “Oo, sa panahong iyon ay babaguhin ko ang pananalita ng mga tao,
at bibigyan ko sila ng dilang malinis,
upang sa kay Yahweh lamang manalangin at sumamba
at buong pagkakaisang maglingkod sa kanya.
Magandang Balita Biblia, Copyright © Philippine Bible Society 2012.