Zacarias 4:1-3

Ang Salita ng Dios (Tagalog Contemporary Bible)

Ang Pangitain tungkol sa Gintong Patungan ng Ilawan at sa Dalawang Puno ng Olibo

4 Bumalik ang anghel na nakipag-usap sa akin at ginising ako dahil tila nakatulog ako. ² Tinanong niya ako, “Ano ang nakita mo?” Sumagot ako, “Nakita ko ang isang gintong patungan ng ilawan. Sa itaas nito ay may mangkok na lalagyan ng langis. Sa paligid ng mangkok ay may pitong ilawan na ang bawat isa ay may pitong tubo na dinadaluyan ng langis. ³ May dalawang puno ng olibo sa magkabila nito, isa sa kanan at isa sa kaliwa.”