Zacarias 10:2-4

Ang Biblia (1978)

² Sapagka't ang mga teraf ay nagsalita ng walang kabuluhan, at ^(A)ang mga manghuhula ay nangakakita ng isang kabulaanan; at ^(B)sila'y nangagsaysay ng mga kabulaanang panaginip, sila'y nagsisialiw ng walang kabuluhan: kaya't sila'y nagsisiyaon ng kanilang lakad na parang mga tupa, sila'y nadadalamhati, ^(C)sapagka't walang pastor.

³ Ang aking galit ay nagalab laban sa mga pastor, at aking parurusahan ^(D)ang mga lalaking kambing; sapagka't dinalaw ng Panginoon ng mga hukbo ang kaniyang kawan na sangbahayan ni Juda, at kaniyang gagawin silang parang magilas na kabayo sa pagbabaka.

⁴ Sa kaniya lalabas ang ^(E)batong panulok, sa kaniya ang ^(F)pako, sa kaniya ^(G)ang busog na pangbaka, sa kaniya ang bawa't pinuno na magkakasama.