Zabbuli 41 Endagaano Enkadde nʼEndagaano Empya

Ya Mukulu wa Bayimbi. Zabbuli ya Dawudi.

41 ^(A)Alina omukisa asaasira omunaku;
    Mukama amulokola ku lunaku olw’akabi.
²^(B)Mukama anaamukuumanga anaawonyanga obulamu bwe,
    era anaamuwanga omukisa mu nsi;
    n’atamuwaayo eri okwegomba kw’abalabe be.
³Mukama anaamujjanjabanga nga mulwadde;
    n’amuwonya mu bulumi.

⁴^(C)Nayogera nti, “Ayi Mukama onsaasire omponye; kubanga nnyonoonye mu maaso go.”
⁵^(D)Abalabe bange boogeza obukyayi nti,
    “Alifa ddi n’okwerabirwa ne yeerabirwa?”
⁶^(E)Bwe bajja okundaba beefuula mikwano gyange;
    naye munda yaabwe bankyawa era basanyuka okulaba nga ngalamidde awo nnumwa.
    Bwe bansiibula bagenda beesekera nga bwe baduula.

⁷^(F)Abalabe bange bonna abo bateesa mu kaama;
    nga banjogerako ebitali birungi.
⁸Boogera nti, “Endwadde emukutte mbi nnyo,
    emukubye wansi tayinza kuwona.”
⁹^(G)Era ne mukwano gwange gwe neesiganga
    bwe twalyanga,
    anneefuukidde.

¹⁰^(H)Naye ggwe, Ayi Mukama, onsaasire,
    onzizeemu amaanyi ndyoke nneesasuze.
¹¹^(I)Mmanyi ng’onsanyukira,
    kubanga omulabe wange tampangudde.
¹²^(J)Onnywezezza mu bwesimbu bwange,
    ne mbeera mu maaso go ennaku zonna.

¹³^(K)Atenderezebwenga Mukama Katonda wa Isirayiri,
oyo eyabaawo okuva edda n’edda lyonna n’okutuusa emirembe gyonna.
Amiina era Amiina.

Endagaano Enkadde nʼEndagaano Empya (LCB)

Bayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.

Zabbuli 41 Endagaano Enkadde nʼEndagaano Empya

Ya Mukulu wa Bayimbi. Zabbuli ya Dawudi.

Cross references