Yeremiya 20:9
Endagaano Enkadde nʼEndagaano Empya
9 (A)Naye bwe ŋŋamba nti,
“Sijja kumwogerako oba okweyongera okwogera mu linnya lye,”
ekigambo kye mu mutima gwange kiri ng’omuliro ogwaka,
ogukwekeddwa mu magumba gange.
Nkooye okukizibiikiriza
era ddala sisobola.
Yona 1:1-3
Endagaano Enkadde nʼEndagaano Empya
Yona Ajeemera Katonda
1 (A)Awo Mukama n’ayogera ne Yona omwana wa Amittayi ng’agamba 2 (B)nti, “Situka ogende e Nineeve mu kibuga ekyo ekinene obatuuseeko obubaka buno obubanenya, kubanga ebibi byabwe birinnye eno waggulu ne bintukako.”
3 (C)Naye Yona n’adduka okuva mu maaso ga Mukama, n’aserengeta okulaga e Talusiisi. N’aserengeta e Yopa gye yasanga ekyombo, n’akirinnya okugenda e Talusiisi. Ng’amaze okusasulira etikiti ye, n’asaabala mu kyombo ekiraga e Talusiisi ng’adduka okuva mu maaso ga Mukama.
Read full chapter
Yona 3:1-3
Endagaano Enkadde nʼEndagaano Empya
Yona Agondera Mukama
3 (A)Awo ekigambo kya Mukama ne kijjira Yona omulundi ogwokubiri, n’amugamba nti, 2 “Genda mu kibuga ekinene Nineeve obalabule n’obubaka buno bwe nkuwa.”
3 Awo Yona n’agondera Mukama n’agenda e Nineeve. Nineeve kyali kibuga kya kitiibwa nnyo era nga kitwala ennaku ssatu okukibuna kyonna.
Read full chapter
Ebikolwa by’Abatume 4:20
Endagaano Enkadde nʼEndagaano Empya
20 Tetuyinza butayogera ku bintu bye twalaba, n’ebigambo bye twawulira.”
Read full chapterBayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.