Sapientia 5:9-11

Biblia Sacra Vulgata

⁹ Transierunt omnia illa tamquam umbra, et tamquam nuntius percurrens,

¹⁰ et tamquam navis quae pertransit fluctuantem aquam, cujus cum praeterierit non est vestigium invenire, neque semitam carinae illius in fluctibus;

¹¹ aut tamquam avis quae transvolat in aere, cujus nullum invenitur argumentum itineris, sed tantum sonitus alarum verberans levem ventum, et scindens per vim itineris aerem: commotis alis transvolavit, et post hoc nullum signum invenitur itineris illius;