Sapientia 18:20-22

Biblia Sacra Vulgata

²⁰ Tetigit autem tunc et justos tentatio mortis, et commotio in eremo facta est multitudinis: sed non diu permansit ira tua.

²¹ Prosperans enim homo sine querela deprecari pro populis, proferens servitutis suae scutum, orationem et per incensum deprecationem allegans, restitit irae, et finem imposuit necessitati, ostendens quoniam tuus est famulus.

²² Vicit autem turbas non in virtute corporis, nec armaturae potentia: sed verbo illum qui se vexabat subjecit, juramenta parentum et testamentum commemorans.