Salmo 8:4-9

Ang Salita ng Dios (Tagalog Contemporary Bible)

⁴ akoʼy nagtatanong, ano ba ang tao upang inyong alalahanin?
    Sino nga ba siya upang inyong kalingain?
⁵ Ginawa nʼyo kaming mababa ng kaunti sa mga anghel.
    Ngunit pinarangalan nʼyo kami na parang mga hari.
⁶ Ipinamahala nʼyo sa amin ang inyong mga nilalang,
    at ipinasailalim sa amin ang lahat ng bagay:
⁷ mga tupa, mga baka at lahat ng mga mababangis na hayop,
⁸ ang mga ibon sa himpapawid, mga isda sa dagat at lahat ng naroroon.
⁹ O Panginoon, aming Panginoon, ang kadakilaan ng inyong pangalan ay makikita sa buong mundo.