Salmo 73:21-28

Ang Salita ng Dios (Tagalog Contemporary Bible)

²¹ Nang nasaktan ang aking damdamin at nagtanim ako ng sama ng loob,
²² para akong naging hayop sa inyong paningin,
    mangmang at hindi nakakaunawa.
²³ Ngunit patuloy akong lumapit sa inyo at inakay nʼyo ako.
²⁴ Ginagabayan ako ng inyong mga payo,
    at pagkatapos ay tatanggapin nʼyo ako bilang isang pangunahing pandangal.
²⁵ Walang sinuman sa langit ang kailangan ko kundi kayo lamang.
    At walang sinuman sa mundo ang hinahangad ko maliban sa inyo.
²⁶ Manghina man ang aking katawan at isipan, kayo, O Dios, ang aking kalakasan.
    Kayo lang ang kailangan ko magpakailanman.
²⁷ Ang mga taong lumalayo sa inyo ay tiyak na mapapahamak.
    Ang mga nagtaksil sa inyo ay lilipuling lahat.
²⁸ Ngunit ako, minabuti kong maging malapit sa Dios.
    Kayo, Panginoong Dios, ang pinili kong kanlungan,
    upang maihayag ko ang lahat ng inyong mga ginawa.