Salmo 69:1-3

Ang Salita ng Dios (Tagalog Contemporary Bible)

69 O Dios, iligtas nʼyo ako dahil para akong isang taong malapit nang malunod.
² Tila lulubog na ako sa malalim na putik at walang matutungtungan.
    Para akong nasa laot at tinatabunan ng mga alon.
³ Pagod na ako sa paghingi ng tulong at masakit na ang aking lalamunan.
    Dumidilim na ang paningin ko sa paghihintay ng tulong nʼyo, O Dios.